Ngoa ro tei mab̄oha kancara dou
7:1-6
7
Sawa'u b̄a ede, Isa nggahi walina, <<Aina kancaramu dou makalai, loakud̄u nggomid̄oho wati ^dikancara b̄a Allah Ta'ala. 2 B̄a one kai kancaramu dou makalai, b̄une ede rauku Allah Ta'ala ^dimakancarana nggomid̄oho.Ro au ra karawi b̄a nggomid̄oho d̄i dou makalai, ndede rauku d̄ikarawi b̄a Allah Ta'ala d̄i nggomid̄oho. 3 ^Ba^bauku nggomid̄oho loakaimu eda fai haju ma wara d̄i ade isi mada cinamu, pala haju balo d̄i ade isi mada ndaimu wati loamu eda? 4 ^Buneku loamu nggahi d̄i cinamu, <Mai nahu makalosa weamu fai haju ma wara d̄i ade isi madamu,> sapodakaina d̄i ade isi mada ndaimu wara haju balo? 5 Oe dou munafik! Kalosa wa'upu haju balo ma wara d̄i ade isi mada ndaimu, ndad̄i nggomi ampo mataroa ntandamu ro maloaku kalosa wea fai haju ma wara d̄i isi mada cinamu ede. 6 Aina mbeimu barang ma raso d̄i ru'u b̄a lako, loakud̄u lako ede aina mai ncorana nggomi. Ro mbeimu mutiara d̄i wawi, loakud̄u wawi ede aina tonda-tondana mutiara ede.>>Rahopu, ngupapu ro tokepu ta^da
7:7-12
(Luk. 11:9-13)
7 <<Rahopu, ndad̄i nggomid̄oho d̄imatarima au ra rahomu. Ngupapu, ndad̄i nggomid̄oho ^dimaraka. Tokepu ta^da, ndad̄i ta^da ^dihengga wea d̄i ru'u b̄a nggomid̄oho. 8 B̄a one dou ma raho ^dimatarima; dou ma ngupa ^dimaraka; ro dou ma toke ta^da, ^dihengga wea ta^dana. 9 D̄i ade weki nggomid̄oho sab̄ua wara ama ma mbei wadu d̄i anana, nggara narahosi b̄a anana roti? 10 Atao nambeiku sawa, nggara narahosi uta? 11 Nggomid̄oho kone madab̄ae, nggomid̄oho mab̄aderauku mbei ma taho d̄i ru'u b̄a ana^dohomu. Au walipu Amamu ma wara d̄i saroga! Sia d̄imambei ma ncewi taho d̄i ru'u b̄a dou ma raho d̄i Sia.
12 Karawipu ma taho d̄i ru'u b̄a dou makalai b̄une d̄ine'e b̄a nggomid̄oho, dou makalai karawi ma taho d̄i ru'umu. Edeku isina ma penti ade hukum Taurat ro kitab nabi-nabi.>>
Ta^da ncai ma tuka
7:13-14
(Luk. 13:24)
13 <<Lu'upu d̄i ta^da ncai ma tuka, b̄a one ta^da ro ncai ma lao aka anaraka nana'e ro napaja ro mboto dou malampakaina. 14 Pala natuka ro nancoki ta^da ro ncai ma lao aka mori ma ede ro hi^di. Ro sato'i mpa dou ma rakana eda.>>
Fu'u haju ro wuana
7:15-20
(Luk. 6:43-44)
15 <<Aina kabare d̄i nabi-nabi palasu. Siad̄oho maina d̄i nggomid̄oho kai wa'ana pahu jimba, pala sapodakaina siad̄oho ede b̄une lako doro ma nggange. 16 Nggomid̄oho ma loaku pata siad̄oho d̄i ruku ro rawina. Sab̄ua naloa dou poke wua anggo d̄i humpa rui atao wua ara d̄i mpori rui? 17 D̄i fu'u haju ma ngawa marakaku wuana ma taho, pala d̄i fu'u haju ma darere marakaku wua ma wati taho. 18 Wati lu'u b̄a aka fu'u haju ma ngawa ede mbuana wua ma iha atao fu'u haju ma darere mbuana wua ma taho. 19 Sanikina fu'u haju ma wati mbua wua ma taho ^di^bo'o ro ^dika'a. 20 Ndede rauku lab̄o nabi-nabi palasu. Nggomid̄oho maloaku pata siad̄oho d̄i ruku ro rawina.>>
Kalampa rawi laina nggahi mpoa
7:21-23
(Luk. 13:25-27)
21 Edempara Isa nggahi walina, <<Laina sanikina dou ma ou Nahu, <Ruma, Ruma,> ^dimalu'u ade Karaja'an Saroga, pala dou-dou ma kalampa au ra kane'ekai b̄a Ama-Ku ma wara d̄i saroga. 22 D̄i Ainaina Kiama mboto dou ^dimanggahi d̄i Nahu, <Ruma, Ruma, sab̄ua laina madad̄oho ma wa'ura karongga au ra kane'ekai b̄a Allah Ta'ala? Sab̄ua laina madad̄oho ma wa'ura katesa roh-roh setan kai ngar Ita ro wa'ura karawimu mboto b̄isa ro guna?> 23 Pala Nahu d̄imacambe ndakena, <Nahu wati parana pataku nggomi^doho! Pesopu wekimu d̄i tando Nahu, nggomid̄oho ma karawi mada^bae.> >>
^Dua mbua dasa uma
7:24-27
(Luk. 6:47-49)
24 <<Sanikina dou ma ringa ro kade'e nggahi ro eli Nahu ake ro ma kalampana, dou ede sama b̄une dou maloa timba ro lemba ma tu'u umana ese wawo wadu. 25 Wakatu mai ura ro mbere ro angi na'e b̄ohana uma ede, uma ede wati ndumbana b̄ara ratu'u ese wawo wadu.
26 Ro sanikina dou ma ringa ro kade'e sara'a nggahi ro eli Nahu ake, pala wati ne'ena kalampa, dou ede sama b̄une dou ma sampula ma tu'u umana ese wawo sarae. 27 Wakatu mai ura ro mbere ro angi na'e b̄ohana uma ede, uma ede ndumba. Ro na'ipiku ihana!>>
Kuasa ngoa ro tei Isa Al Masih
7:28-29