Isa Al Masih lao wa'a b̄a dou aka la Pilatus
27:1-2
27
Aimasi^di-si^di poda, sara'a dou mana'ekai imam ro dou-dou ma tuakai Yahudi kasab̄ua menana nggahi ^dihadekaina Isa. 2 Siad̄oho ndantena Isa, edempara lao wa'ana Isa ro d̄onggona d̄i la Pilatus, gubernur dana ro rasa Roma.La Yudas Iskariot madena
27:3-10
(Kis. 1:18-19)
3 Wakatu la Yudas ma d̄onggo Isa d̄i dou-dou ma musu-Na ede edana b̄a one Isa wa'ura b̄ab̄u kai hukuman made, sia sinci adena. Edempara sia lao ^balina tolu mpuru piti salaka ede d̄i dou-dou mana'ekai imam ro dou-dou ma tuakai Yahudi. 4 Nggahi sia, <<Mada kawa'ura dosa, ^donggoku dou ma wati wara ncarana.
Pala cambe b̄a doud̄oho ede, <<Au urusan nami? Ede urusan nggomi!>>
5 La Yudas wura pakina piti ede ade Bait Allah, edempara sia tu'u wi'ina hid̄i ede ro lao terona weki.
6 Dou-dou mana'ekai imam kilina piti ede ro nggahina, <<Piti ake piti ra'a. Nggahi b̄a hukum agama, piti ake wati loa ^dikalu'u ade hid̄i d̄onggo ro mbeikai d̄i Bait Allah.>> 7 Edempara sawa'u b̄a siad̄oho mafakana ro welina dana kai piti ede. Dana ede ^dipehekai b̄a dou Dana Dou Mataki Ngo^du Roa. Ro kandad̄ina dana ede ndad̄i dana rade d̄i ru'u b̄a dou-dou lai rasa. 8 B̄ara ndedena sampe d̄i ainaina ake dana ede tangarakai, <<Dana Ra'a.>>
9 Kai ndedena, nda^dira au ra nggahi b̄a Nabi Yeremia, eded̄u, <<Siad̄oho tarimana tolu mpuru piti salaka, eded̄u co'i ra katantu b̄a bangsa Israel ^dicolakai d̄i ru'u b̄a Sia. 10 Ro piti ede kani b̄a siad̄oho ^diwelikai dana dou Mataki Ngo^du Roa, b̄une ra parentakai b̄a Ruma d̄i nahu.>>
La Pilatus paresana parakara Isa Al Masih
27:11-14
11 Wakatu Isa satandona la Pilatus, gubernur dana ro rasa ede, sod̄i b̄a la Pilatus, <<Sab̄ua Nggomi sangaji dou Yahudi?>>
<<Ndedeku nggahi b̄a ndaimu,>> cambe b̄a Isa. 12 Pala wakatu dou-dou mana'ekai imam ro dou-dou ma tuakai Yahudi mboto pahu b̄ab̄u ro lo'ona d̄i ru'u b̄a Isa, pala Sia wati cambena kone sampu'u rau.
13 B̄ara ndedena nggahi la Pilatus d̄i Sia, <<Sab̄ua wati ringa b̄a Nggomi samenana b̄ab̄u ro lo'o b̄a siad̄oho d̄i ru'u b̄a Nggomi ede?>>
14 Pala Isa wati cambena kone sampu'u rau, ndad̄ina gubernur ede nawancuku mbora akana.
Isa Al Masih b̄ab̄u kai hukuman made
27:15-26
15 D̄i saniki Ainaina Aruraja Paskah, ranginakai b̄a gubernur nahoriku sab̄ua dou ra bui kai b̄e ra kad̄ale b̄a dou mamboto. 16 Wakatu ede wara sab̄ua dou d̄i ade uma bui ma wancu mbou, ngarana la Yesus Barabas. 17 B̄a one siad̄oho wa'ura kab̄oro menana weki ta aka, sod̄i b̄a la Pilatus d̄i siad̄oho ede, <<Couku d̄i ne'e b̄a nggomid̄oho d̄ihori b̄a nahu d̄i ru'u b̄a nggomid̄oho? Sab̄ua la Yesus Barabas atao Isa ^dipehekai Sangaji Makasalama ake?>> 18 La Pilatus nggahi ndedekaina b̄ara sia na^badeku, dou-dou ma tuakai Yahudi mai wa'ana Isa d̄i sia, b̄ara siad̄oho hiana adena.
19 Wakatu la Pilatus wunga dohona d̄i kanto pangadilan, weina nggaduna nggahi b̄une ake, <<Ita aina lu'ukaita parakara dou ma wati wara ncara ede, b̄ara Sia ede akasanga^dina mada nifiku ro nifiku ede nawancuku samangikai ade.>> 20 Pala dou-dou mana'ekai imam ro dou-dou matuakai Yahudi sa^du'u ncauna dou mamboto ede, siad̄oho kauna la Pilatus hori la Barabas, pala Isa d̄ihukum made. 21 Edempara gubernur ede sod̄i walina d̄i siad̄oho, <<Ade weki dou d̄uana ede, couku d̄i ne'e b̄a nggomid̄oho d̄ihori wea b̄a nahu?>>
<<La Barabas,>> cambe b̄a siad̄oho.
22 <<Nggara ndedesi, auku d̄ikarawi b̄a nahu d̄i Isa ^dipehekai Al Masih ake?>> So^di b̄a Pilatus d̄i siad̄oho.
<<Salibpu Sia!>> Cambe b̄a siad̄oho sara'ana.
23 <<Pala auku rawina ma ncara?>> So^di b̄a la Pilatus.
Pala siad̄oho nanaha kanggica kana'e waliku, <<Salibpu Sia!>>
24 Cumpukaina la Pilatus kawarana weki b̄a one sia wati loana karawi au-au wali ro dou-dou ede kombi ^dimabaronta. Nda^dina sia wehana oi, edempara d̄i tando dou mamboto ede sia wacana rimana ro nggahina, <<Nahu wati su'u ro tunduku made Dou ake! Ede rawi ndai nggomi^doho!>>
25 Sara'a dou mamboto ede cambena, <<Io, co'opu madad̄oho ro ana-ana madad̄oho ^dimasu'u ro tunduna hukuman b̄ara made Dou ake!>>
26 Edempara la Pilatus horina la Barabas d̄i ru'u b̄a siad̄oho, ro kauna dou cambo Isa, ro d̄onggona Isa d̄i doud̄oho ede loakud̄u d̄isalib.
Tentara-tentara kasungge-sunggena Isa Al Masih
27:27-31
27 Sawa'u b̄a ede tentara-tentara Roma wa'a kalu'una Isa d̄i ade asi gubernur, ro sara'a tentara kab̄oro mena weki ki^di hekona Isa. 28 Siad̄oho runcuna kani ro lombo Isa, ro kakanina kai jumba keta d̄i Isa. 29 Siad̄oho ndawina sab̄ua songko sangaji kai humpa rui, ro kinana d̄i tuta Isa. Edempara siad̄oho kauna nenti kai rima wana-Na sab̄ua tiki. Sawa'u b̄a ede suju nembana d̄i tando Isa ro kasungge-sunggena Sia, <<Io sangaji Dou Yahudi!>> Nggahi siad̄oho. 30 Siad̄oho katufena Sia, wehana tiki ede, edempara lambona tuta-Na. 31 Sawa'u b̄a kasungge-sunggena Sia, siad̄oho runcuna jumba keta ede, ro kakani mbalina kai kani ro lombo ndai-Na. Sawa'u b̄a ede siad̄oho wa'a kalosana Sia, loakud̄u d̄isalib.
Isa Al Masih d̄isalib
27:32-44
32 Wakatu siad̄oho wunga lampana ari mai b̄a kota, siad̄oho edana la Simon dou Kirene. Siad̄oho kau pakasana la Simon tundu haju salib Isa. 33 Edempara siad̄oho ronggara aka sab̄ua hid̄i ngarana Golgota, aona <<Hi^di Rangka>>. 34 D̄i hid̄i ede, siad̄oho kauna Isa nono oi anggo ra campo lab̄o folu. Pala wakatu ta^bai b̄a Isa oi anggo ede, Sia wati ngawana nono.
35 Edempara siad̄oho salibna Sia, ro cengga-cenggana kani ro lombo Isa kai cara undi. 36 Sawa'u b̄a ede siad̄oho doho tongguna Isa ta ede. 37 Ta ese mai b̄a tuta Isa, siad̄oho tuntina mab̄oha alasan b̄ab̄auku siad̄oho hukumkaina Sia, eded̄u: <<Akeku Isa Sangaji Dou Yahudi>>. 38 Sama-sama lab̄o Isa, siad̄oho salib rauna d̄ua dou parampo; sab̄ua dou ta wela wana-Na, ro sab̄ua dou wali ta wela ku'i-Na.
39 Dou-dou ma lampa sai hid̄i ede nawiri-wiriku tutana,b ro kasungge-sunggena Isa. 40 Nggahi siad̄oho, <<Nggomi ma rane'e ^dumba Bait Allah, ro ma ne'e tu'u mbalina ade tolu nai! Nggara podasi Nggomi Ana Allah;c londora ra d̄i haju salib ede, ro kasalamara weki ndai-Mu!>>
41 Ndede rau dou-dou mana'ekai imam ro ahli-ahli Taurat ro dou-dou ma tuakai Yahudi kasungge-sunggena Isa. Nggahi siad̄oho, 42 <<Sia kasalamana dou makalai, pala wati loana kasalama weki ndai-Na! Nggara Sia napodasi Sangaji Israel, tahora Sia ^dimalondo d̄i salib ede, ede ampo nami ma'imbi d̄i Sia. 43 Sia na'imbi d̄i Allah Ta'ala, ro nanggahi b̄a one Sia Ana Allah. Mai ndai tatioku sab̄ua poda Allah Ta'ala mane'e kasalama Sia ake.>>
44 Dou-dou parampo rasalib sama-sama lab̄o Sia kasungge-sungge rauna b̄une ede.
Madena Isa Al Masih
27:45-56
45 Tampu'u ^boe sampuru d̄ua aimarai, dana ro rasa ede ndad̄i rindi ncaki tolu jam ntoina. 46 Takasi ^boe tolu aimambia, Isa kanggicana, <<Eli, Eli lama sabakhtani?>> Ede aona, <<Io Allah Ta'ala-Ku, io Allah Ta'ala-Ku, b̄ab̄auku Ita tu'u wi'ikaita Mada?>>
47 Pila-pila dou ma wara ta ede maringa eli kanggica ede, nggahi siad̄oho, <<Sia na'ouku la Elia!>> 48 Sab̄ua dou d̄i ade weki siad̄oho lao weha rocina wunta ^bunga ma pahuna b̄une wolo ra kandole, ro ^detana d̄i ade anggo ngonco. Sawa'u b̄a ede cakina kai sumpu haju, edempara ^dahina d̄i wiwi Isa.
49 Pala nggahi b̄a dou-dou makalai, <<Aina, tatioku, sab̄ua la Elia namai bantuku Sia!>>
50 Edempara Isa kanggica walina, sawa'u b̄a ede hintina nawa-Na.
51 Satampa ra tero d̄i ade Bait Allah ncipa d̄ua ratampu'u ta ese salalo awana. Ro ndad̄i lalo mpa epu ro doro-doro wadu hangga menana. 52 Rade-rade henggana weki ro mboto ela Allah Ta'ala ma rawa'u made mori mbalina. 53 Ro sawa'u b̄a Isa mori mbali, siad̄oho losana d̄i ade rade ro siad̄oho lu'una aka Yerusalem. Ro siad̄oho katadana weki d̄i dou mamboto.
54 Dou mana'ekai tentara lab̄o tentara-tentara ma wunga tonggu Isa, siad̄oho na'ipiku dahuna b̄a iuna epu, ro samenana ma ndad̄i ede. Nggahi siad̄oho, <<Napodaku, Sia ake Ana Allah!>>d
55 Ta ede mboto rau dou siwe ma wunga ntanda sando'o. Siad̄oho ede eded̄u ma b̄atu Isa ro mabantu Sia ratampu'u aka Galilea. 56 D̄i ade weki siad̄oho ede wara la Maria Magdalena, Maria ina la Yakub ro la Yusuf, ro ina b̄a ana-ana la Zebedeus.
Umbukai Isa Al Masih
27:57-61
57 D̄i aimangad̄i ede maira sab̄ua dou ma ntau ro wara, dou Arimatea ngarana la Yusuf. Sia ede rau anamori Isa. 58 Sia lao rakana la Pilatus, ro rahona timba Isa. Edempara parenta b̄a la Pilatus loakud̄u timba Isa mbei d̄i dou ma rahona ede. 59 Edempara weha b̄a la Yusuf timba Isa ede, sawa'u b̄a ede pontena kai salolo kaen linen ma ^bou. 60 Edempara sia lao karuna timba Isa ede d̄i ade rade ma b̄ou ntau ndaina ra ndawi b̄a sia aka doro to'i wadu. Sawa'u b̄a ede sia kirina sab̄ua wadu na'e ^di^bontokaina ta^da ncai rade ede, edempara sia laona. 61 La Maria Magdalena ro la Maria ma kalaina ngge'e mpa doho satandona rade ede.
Tentara-tentara majaga rade Isa Al Masih
27:62-66
62 B̄ala ai sanai, d̄i ainaina Sabat, dou-dou mana'ekai imam ro dou-dou Farisi lao satandona la Pilatus 63 ro nggahi siad̄oho, <<ruma, kawara b̄a madad̄oho wakatu Dou ma tipu ede mbuipu morina, Sia parana nggahi ndake-Na, <Sawa'u b̄a tolu nai, Nahu ^dimamori mbali.> 64 B̄ara ndedena, takau to'ipu dou jaga kataho rade ede sampe ainai katolukaina, nggara watisi karawi ndede, timba-Na namai mpangaku b̄a anamori^doho-Na, edempara nanggahiku d̄i dou-dou b̄a one Sia nawa'ura mori mbali ra d̄i ade madekaina. Ro nuntu cowa anamori-Na ede, nancewi dab̄ae ntewikaisi lab̄o guruna.>>