Dosa ro susa ro ncoki
13:1-5
13
D̄i wakatu ede, wara pila-pila dou ma mai karongga d̄i Isa haba mab̄oha dou-dou Galilea ra hade b̄a la Pilatus, wakatu siad̄oho wunga d̄onggo ro mbeina koroba d̄i Allah Ta'ala. 2 Cambe b̄a Isa mab̄oha carita ede, nggahi-Na, <<Kacai b̄a nggomid̄oho, dou-dou Galilea ra hade ede, nancewi na'e dosana ntewikaisi lab̄o dosa sara'a dou Galilea ma kalai? 3 Wati! Pala kawarapu: nggara nggomid̄oho watisi tobamu ra d̄i dosa-dosamu, nggomid̄oho sara'ana d̄imamade rau, b̄une siad̄oho. 4 Ro b̄une rauku lab̄o sampuru waru dou ma made d̄i Siloam, wakatu mbo'o pita b̄a menara? Kacai b̄a nggomid̄oho, siad̄oho ede nancewi na'e dosana ntewikaisi lab̄o dou-dou makalai ma ngge'e d̄i Yerusalem? 5 Wati! Nahu manggahi wali d̄i nggomi^doho: Nggara nggomid̄oho watisi tobamu ra d̄i dosa-dosamu, nggomid̄oho sara'ana d̄imamade rau b̄une siad̄oho.>> Conto ro ibara mab̄oha fu'u ara ma wati mbua
13:6-9
6 Sawa'u b̄a ede Isa carita rauna conto ro ibara ake, <<Waraku sab̄ua dou mantau fu'u ara d̄i nggaro anggona. D̄i sab̄ua ainaina sia lao ngupana wua ara d̄i fu'u ara ede, pala wati rakana eda kone sab̄ua rau. 7 Ndad̄i, nggahira sia d̄i dou matonggu nggarona, <Tiopu, wa'ura tolu mba'a nahu maiku ta ake d̄i ngupakaiku wua ara d̄i fu'u ara ake, pala wati rakaku eda kone sab̄ua rau. Natahopu ^bo'omu fu'u haju ede! Fu'u ara ede nakab̄ini mpa hid̄i d̄i nggaro ede!> 8 Pala cambe b̄a dou mataki tonggu nggaro ede, <ruma, co'opu fu'u ara ede morina samba'a wali. Mada ^dimamaco hekona ro ^dimapupuna. 9 Kombisi nambua d̄i mba'a satandona. Pala nggara watisi mbuana, mada ^dima^bo'ona fu'u ara ede.> >>
Isa Al Masih katahona sab̄ua dou siwe ma mbuku d̄i ainaina Sabat
13:10-17
10 D̄i sab̄ua ainaina Sabat, Isa ngoa ro teina d̄i sab̄ua uma sambea ro ibadakai. 11 Ta ede wara sab̄ua dou siwe ma wa'ura sampuru waru mba'a supu, b̄ara wara roh setan d̄i ade sarumbuna. Dou siwe ede nambuku ro wati loana ki^di mpende. 12 Wakatu sia eda b̄a Isa, nggahi Isa d̄i sia, <<Ina, ita wa'ura taho supumu!>> 13 Edempara Isa tohona rima-Na ese wawo dou siwe ede, ro wakatu ede lalo sia ki^di mpendena, edempara sia roi ro wadina Allah Ta'ala.
14 Dou mana'ekai uma sambea ro ibadakai ede mbanina, b̄ara Isa katahona dou d̄i ainaina Sabat, ndad̄i nggahi sia d̄i dou mamboto ede, <<Wara ini nai ^dikarawikai; maipu d̄i ainaina ede d̄i katahokai supumu, aina d̄i ainaina Sabat!>>
15 Cambe b̄a Ruma, <<Nggomid̄oho ake, dou munafik! D̄i ainaina Sabat, sara'a dou nahoriku capi atao keledaina d̄i kandana ro nawa'a kalosaku ^dimbeikaina nono. 16 Ta ake wara sab̄ua dou siwe londo ro mai la Ibrahim, ma wa'ura sampuru waru mba'a ntoina kuasakai b̄a Iblis. Sab̄ua sia wati loa d̄ihori wea ade kuasakai b̄a Iblis d̄i ainaina Sabat?>> 17 Au ra nggahi b̄a Isa ede nakamaja podaku dou-dou ma musu Isa; pala sara'a dou makalaina nasana adena eda sara'a ma b̄isa ro guna ra karawi b̄a Isa.
Menyembuhkan Seoang Ibu yang Dirasuk Roh Kelemahan pada Hari Sabat
Conto ro ibara mab̄oha isi sesawi ro b̄uha
13:18-21
18 So^di b̄a Isa, <<Mab̄oha Karaja'an Allah, b̄uneku ka'ada'ana? Kai auku ^dintewikai b̄a Nahu? 19 Ka'ada'ana b̄une conto ro ibara ake. Sab̄ua dou wehana sanggini isi sesawi,u edempara nggu^dana d̄i nggarona. Isi sesawi ede wokona edempara ndad̄i fu'u haju ro nasi-nasi ndawina so^bu d̄i sanga-sanga fu'u haju sesawi ede.>>
Kerajaan Allah seperti Biji Sesawi
20 Isa nggahi walina, <<Mab̄oha Karaja'an Allah, b̄uneku ka'ada'ana? Kai auku ^dintewikai b̄a Nahu? 21 Ka'ada'ana b̄une b̄uha ra weha b̄a sab̄ua dou siwe, edempara ncambuna lab̄o upa mpuru lite mub̄u sampe teka sara'ana.>>
Ta^da ncai ma tuka
13:22-30
22 D̄i ade lampa ro laokaina aka Yerusalem, Isa saina d̄i kota-kota ro d̄i kampo-kampo ro ngoa ro teina ta ede. 23 Edempara wara dou ma sod̄i d̄i Sia, <<Guru, sab̄ua sato'i mpa dou ^dimasalama?>>
Cambe b̄a Isa, 24 <<Usahapu lu'u ta ta^da ncai ma tuka. B̄a one Nahu ma nggahi! Mboto dou mane'e lu'u pala wati loana. 25 Wakatu ^bola dou mantau uma, ro kempana ta^da ncaina, nggomid̄oho ^dimaki^di ta ari lua ro tampu'u toke-tokemu ta^da ro nggahimu, <ruma, tahengga to'ipu ta^da d̄i ru'u b̄a mada^doho!> Ruma ede ^dimacambena, <Nahu wati ^badeku nggomid̄oho ramaimu ta ^be!> 26 Nggomid̄oho ^dimacambe, <Madad̄oho wa'ura ngaha ro nono samamu lab̄o Ita, ro Ita wa'ura ngoa ro tei raumu d̄i ncai-ncai kota mada^doho!> 27 Pala ruma ede ^dimanggahi wali, <Nahu wati ^badeku dou au nggomid̄oho.Pesopu wekimu ta ake, nggomid̄oho makarawi ma da^bae!> 28 Wakatu nggomid̄oho edamu la Ibrahim, Ishak, ro la Yakub ro sara'a nabi makad̄ihi ade d̄i ade Karaja'an Allah, nggomid̄oho ^dimanangi ro susa ro ncoki iumu b̄ara ndai nggomid̄oho ^dikatesa kalosa! 29 Dou-dou d̄imamai ele mai ro mai d̄i mai, mai ^da mai ro mai d̄o mai, ro ^dimakad̄ihi ade d̄i ade Karaja'an Allah. 30 Sapodakaina, wara dou macumpukaina d̄imandad̄i dou masarambakaina, ro wara dou masarambakaina d̄imandad̄i dou macumpukaina.>>
Isa Al Masih kasi adena d̄i Yerusalem
13:31-35
(Mat. 23:37-39)
31 D̄i wakatu ede wa'u, wara pila-pila dou Farisi ma mai raka Isa ro nggahina, <<Aina ngge'emu ta ake! Laopu d̄i hid̄i makalai, b̄ara la Herodes nane'eku hade Ita.>>
32 Cambe b̄a Isa, <<Laopu ro ngoapu d̄i lako doro ma wati wara onena ro ma dab̄ae ede, <Ainaina ake ro naisi Nahu ma katesa roh setan ro kataho dou masupu, pala d̄i ainaina katolukaina, Nahu d̄imakanggorina karawi-Ku.> 33 Kone ade ndedekaina, Nahu pab̄uaku lampa ro lao wali d̄i ainaina ake, nai ro ^di^disi, b̄ara wati tahona sab̄ua dou nabi ^dihade ari mai b̄a Yerusalem.
34 Yerusalem, Yerusalem! Nabi-nabi hade b̄a nggomi! Dou-dou ra nggadu b̄a Allah Ta'ala to^ba b̄a nggomi kai wadu sampe madena! Wa'ura pila-pila kali Nahu ne'eku pohu sara'a ela ro doumu, b̄une ina janga ma ^bonto ana-anana kai kaletena, pala nggomi wati ngawamu! 35 B̄ara ndedena Allah Ta'ala watid̄u ^dimalab̄ona nggomi.D̄i ^badekaimu, tampu'u ake nggomi wati d̄ima'eda Nahu wali sampe nggomi nggahimu, <^Dibareka b̄a Ruma, Sia ma mai wa'a ngara Ruma.>>>