Isa Al Masih d̄i tando la Pilatus
23:1-5
23
Sawa'u b̄a ede, dou-dou d̄i hid̄i sidangkai ede tu'u ki^dina, edempara siad̄oho lao wa'ana Isa aka tando la Pilatus. 2 Ta ede siad̄oho tampu'ura b̄ab̄u ro lo'ona Sia. Nggahi siad̄oho, <<Madad̄oho rakamu eda dou ake kasantudana ela ro dou. Sia sa^du'una dou-dou loakud̄u aina cola bea d̄i Kaisar, b̄ara nggahi Sia, Sia ede Al Masih eded̄u Sangaji.>>3 Edempara la Pilatus sod̄ina d̄i Isa, <<Sab̄ua poda Nggomi sangaji dou Yahudi?>>
Cambe b̄a Isa, <<Ndai ita ma nggahina.>>
4 Edempara nggahi la Pilatus d̄i dou-dou mana'ekai imam ro d̄i dou mamboto ede, <<Nahu wati rakaku eda kone sab̄ua rau rawina mancara d̄i Dou ake ^dihukumkaiku Sia.>>
5 Pala Siad̄oho nanaha nggahi kana'e waliku, <<Kai ngoa ro tei-Na, Sia sa^du'una dou-dou d̄i sara'a Yudea. Saramba-rambakaina ntoina d̄i Galilea, ro ake wa'ura raka ta ake rau.>>
Isa Al Masih d̄i tando Sangaji Herodes
23:6-12
6 Wakatu ringa b̄a la Pilatus ede, sod̄i b̄a sia, <<Dou ake, dou Galilea?>> 7 Wakatu b̄ade b̄a sia b̄a one Isa ra d̄i dana ro rasa ra kuasakai b̄a Herodes, la Pilatus nggaduna Isa aka Herodes, ma wakatu ede wara rau d̄i Yerusalem.
Isa Al-Masih di Hadapan Pilatus
8 Herodes neo poda adena wakatu edana Isa, b̄ara ntoi wa'ura sia ringana haba mab̄oha Sia ro nane'e podaku eda Sia. Sia nane'e podaku eda Isa makarawi lampa rawi ma^bisa ro guna. 9 B̄ara ndedena Herodes mboto sod̄ina d̄i Sia, pala Isa wati cambena kone sampu'u rau. 10 Dou-dou mana'ekai imam ro ahli-ahli Taurat mai satando rauna ta ede ro b̄ab̄u ro lo'o kapodana Isa. 11 Herodes ro tentara-tentarana kampa'a-mpa'akaina ro kasungge-sunggena Isa, edempara kakanikaina Sia kai kani ro lombo sangajikai, edempara nggadu mbalina Sia aka la Pilatus. 12 D̄i ainaina ede wa'u Herodes ro la Pilatus, ntoina ma cua musu angi, wa'ura taho mbali.
Isa Al-Masih di Hadapan Herodes
Isa Al Masih b̄ab̄u kai hukuman made
23:13-25
13 La Pilatus kab̄orona dou-dou mana'ekai imam, dou-dou mana'ekai, ro ela ro dou, 14 edempara nggahina d̄i siad̄oho, <<Nggomid̄oho mai wa'amu dou ake ara nahu ro nggahimu b̄a one Sia kasantudana dou-dou. Ake d̄i tando ndai nggomid̄oho nahu wa'ura paresaku Sia, pala nahu poda-poda wati rakaku eda kone sab̄ua rau rawi-Na ma ncara b̄une ra b̄ab̄u ro lo'okai b̄a nggomid̄oho d̄i Sia. 15 Ndede rauku nggahi b̄a Herodes, b̄ara sia rau ma wa'ura nggadu mbali Isa ede d̄i nami. Dou ake wati karawina au-au ma patu d̄ib̄ab̄ukai hukuman made. 16 B̄ara ndedena nahu ^dimacambona Sia, sawa'u b̄a ede nahu ^dimahorina Sia.>>
17 D̄i sanikina ndiha Paskah, la Pilatus pab̄uaku horina sab̄ua dou ra bui d̄i ru'u b̄a ela ro dou. 18 Sara'a dou ma kab̄oro weki ta ede kanggicana, <<Hadepu Sia! Horipu la Barabas d̄i ru'u b̄a mada^doho!>> 19 La Barabas rabui b̄ara rakandad̄ina ngango ro ngora d̄i kota ro b̄ara hadena dou.
20 La Pilatus nane'eku hori Isa Al Masih, b̄ara ndedena sia nuntu ro nggahina sakali wali d̄i dou mamboto ede. 21 Pala siad̄oho kanggicana, <<Salibpu Sia! Salibpu Sia!>>
22 Edempara katolu kalikaina la Pilatus nggahina d̄i siad̄oho, <<Pala auku rawina mancara? Nahu wati rakaku kone sab̄ua rau rawi-Na mancara ma patu d̄ihukum kai hukuman made! Nahu ^dimacambona Sia, edempara Sia ^dihori.>>
23 Pala siad̄oho kanggica kana'e ncau podana b̄a one Isa Al Masih pab̄uaku d̄isalib. Ro cumpukaina kanggica siad̄oho ede wara onena. 24 Edempara la Pilatus ^ba^bukaina hukuman made d̄i ru'u b̄a Isa b̄une ra kane'ekai b̄a dou-dou ede, 25 ro horina dou ra raho b̄a siad̄oho, eded̄u dou ra bui b̄ara kangangona rasa ro rahadena dou. Edempara d̄onggona Isa d̄i siad̄oho d̄i kalampakaina rawi ra kane'ekai b̄a siad̄oho.
Isa Al-Masih Dicambuk dan Dihukum Mati
Isa Al Masih d̄isalib
23:26-43
26 Edempara Isa wa'a b̄a siad̄oho.D̄i woha ncai, siad̄oho eda angina lab̄o sab̄ua dou ma ngara la Simon, dou Kirene ma wunga ne'e lao aka kota. Siad̄oho nentina sia, ro kau pakasana tundu haju salib ede ta ari mai b̄a Isa.
27 Mboto dou malampa b̄atu ta ari mai b̄a Isa -- d̄i ade wekina ede wara rau pila-pila dou siwe. Dou-dou siwe ede nangi nduru weana d̄i ru'u b̄a Isa. 28 Pala Isa tambarina d̄i siad̄oho ro nggahina, <<Oe, dou-dou siwe Yerusalem! Aina nangi weamu d̄i ru'u b̄a Nahu. Nangipu d̄i ru'u b̄a weki ndaimu ro d̄i ru'u b̄a ana^dohomu. 29 B̄ara d̄imamai wakatuna dou ^dimanggahi, <Nalaba podaku dou-dou siwe ma watipu iu na'e loko, ma wati parana ntau ana ro ma watipu iu susu ana!> 30 D̄i wakatu edeku dou ^dimanggahi d̄i doro-doro, <Ma^bu pitapu nami!> Ro d̄i dore-dore, <Umbupu nami!> 31 B̄ara nggara d̄i haju ma mbuipu mori, dou wa'ura karawina b̄une ake, au waliku d̄ikarawi b̄a siad̄oho d̄i haju ma wa'ura mango!>>
Isa Al-Masih Memanggul Salib-Nya: Perjalanan Penyaliban
32 Wara rau d̄ua dou makalaina eded̄u dou madab̄ae -- ra wa'a b̄a siad̄oho d̄ihukum kai hukuman made sama-sama lab̄o Isa. 33 Wakatu rakara hid̄i ^dipehekai <<Rangka>>, ta ede siad̄oho salibna Isa lab̄o d̄ua dou madab̄ae ede – sab̄ua dou ta sa^bae wana ro sab̄ua walina ta sa^bae ku'i Isa. 34 Edempara Isa do'ana, <<Ama, takangampu to'ipu sia^doho! B̄ara siad̄oho wati b̄adena au ra karawi b̄a siad̄oho.>>
Kani ro lombo Isa cengga-cengga b̄a siad̄oho ta ede kai cara undi.d
Isa Al-Masih Disalibkan
Prajurit Melempar Undi untuk Pakaian Isa Al-Masih
35 Dou-dou maki^di ta ede ro ntandana, sara'a au ma ndad̄i ede. Dou-dou matuakai Yahudi kasungge-sunggena Isa kai nggahina, <<Sia wa'ura kasalamana dou makalai; co'opu ake Sia kasalamana weki ndai-Na, nggara poda-podasi Sia Sangaji Makasalama ra kad̄ale b̄a Allah Ta'ala!>>
36 Tentara-tentara rau kasungge-sunggena Sia. Siad̄oho maina ro mbeina anggo ngonco d̄i Sia 37 ro nggahina, <<Nggara podasi Nggomi Sangaji dou Yahudi, kasalamapu weki ndai-Mu!>>
38 Ta sumpu ese haju salib Isa, ratunti nggahi ro eli ake: <<Akeku Sangaji Dou Yahudi.>>
Tanda Tulisan pada Salib
39 Sab̄ua dou madab̄ae ra salib ta ede kab̄awa ro katunana Isa. Nggahi sia, <<Nggara podasi Nggomi Sangaji Makasalama, kasalamapu weki ndai-Mu ro nami!>>
40 Pala dou madab̄ae ma sab̄ua wali rojona d̄i lengana ede, nggahina, <<Sab̄ua nggomi wati dahumu d̄i Allah Ta'ala? Nggomi sama-sama rakamu hukuman made b̄une Sia. 41 Hukuman ndai d̄ua ake ncihi ncao lab̄o ra rawi ndaita. Pala Sia wati wara kone sato'i rau ncarana!>> 42 Edempara nggahi sia, <<Isa, takawara to'ipu mada, wakatu Ita maimu kai Sangajikaita!>>
43 <<Imbipu,>> nggahi Isa d̄i sia, <<D̄i ainaina ake wa'u nggomi ^dimasama-sama lab̄o Nahu d̄i Firdaus.>>
Penjahat yang Disalibkan: Binasa dan Diampuni
Madena Isa Al Masih
23:44-49
44 Takasi ^boe sampuru d̄ua aimarai, liro wati kaleana, ro sara'a dana ro rasa ede ndad̄i rindi poda sampe ^boe tolu aimambia. 45 Satampa ra tero d̄i ade Bait Allah, ncipa ^dua. 46 Edempara Isa kanggica kana'ena, <<Ama! D̄i ade rima Ita, Mada ma^donggo nawa-Ku!>> Sawa'u b̄a nggahi ndedena, Sia madena.
47 Wakatu eda b̄a perwira tentara au ma wa'ura ndad̄i, sia roi ro wadina Allah Ta'ala. Edempara nggahi sia, <<Poda, Sia wati wara ncarana!>>
48 Dou mamboto ma mai ta ede b̄a ne'ena ntanda, edana au ma wa'ura nda^di. Siad̄oho dula sara'ana kai sinci poda adena. 49 Ro sara'a dou mapata Isa, dou-dou siwe rau ma rab̄atu Sia ra d̄i Galilea, ki^di sando'o ro eda sara'ana au ma ndad̄i ede.
Isa Al-Masih Wafat
Umbukai Isa Al Masih
23:50-56
50-51 Wara sab̄ua dou ma ngara la Yusuf, dou kota Arimatea d̄i dana ro rasa Yudea. Sia dou mataho ro nalia ro horomaku b̄a dou, ro ma wunga ngena wakatu maikai Karaja'an Allah. Konena sia anggota Mahkama Agama, sia wati satujuna kaputusan ro au ra karawi b̄a mahkama ede. 52 La Yusuf ake lao satandona la Pilatus ro rahona loakud̄u timba Isa mbeina d̄i sia. 53 Edempara sia kalondona timba Isa ra d̄i haju salib ede, ro salolona kai kaen linen. Sawa'u b̄a ede karu b̄a sia ade rade ra ndawi d̄i doro wadu – rade ede watipu parana rakani. 54 D̄i ainaina ede ainaina Jama'a; ro ainaina Sabat ne'empara tampu'u.
55 Dou-dou siwe ma ramai lab̄o Isa ra d̄i Galilea lampa b̄atuna la Yusuf ro edana rade ede. Siad̄oho eda rauna b̄uneku timba Isa rakaru ade rade. 56 Edempara siad̄oho lao dulana ro sadiana lo'i ro oi ro mina mengi d̄i kaminakaina timba Isa.
D̄i ainaina Sabat, siad̄oho nadengga karawi ^dito'akaina d̄i hukum agama.
Upacara Pemakaman Isa Al-Masih oleh Yusuf Arimatea