Isa Al Masih mori mbalina
24:1-12
24
Si^di-si^di poda d̄i ainaina ahad, dou-dou siwe ede laona aka rade. Siad̄oho wa'ana marakani lo'i. 2 D̄i rade ede, siad̄oho edana wadu ra ^bontokai rade wa'ura kiri weki. 3 Edempara siad̄oho lu'una d̄i ade rade ede, pala wati rakana eda timba Ruma Isa ta ede. 4 Wakatu siad̄oho wunga ki^dina ta ede ro darura adena b̄a kananuna lampa rawi ede, wed̄i lalo mpa wara d̄ua dou ma ki^di ^deni lab̄o siad̄oho, kani ro lombona nakakila-kila. 5 Siad̄oho ede na'ipiku dahuna, edempara sujuna salalo awa dana, nggahi b̄a d̄ua dou ede d̄i siad̄oho, <<^Ba^bauku nggomid̄oho ngupakaimu Sia ma wa'ura mori mbali d̄i ade weki dou ma made? 6 Sia wati warana ta ake. Sia nawa'ura mori mbali! Kawarapu au ra wa'u nggahi b̄a Sia d̄i nggomid̄oho wakatu Sia mbuipu d̄i Galilea, 7 b̄a one <Nahu eded̄u Ana Manusia pab̄uaku ^di^donggo d̄i dou madosa, sawa'u b̄a ede d̄isalib, ro d̄i ainaina makatolukaina Sia ^dimamori mbali.> >>8 Ndad̄i kawarara b̄a dou-dou siwe ede au ra nggahi b̄a Isa.
Malaikat di Makam Isa Al-Masih
9 Sawa'u b̄a dulana d̄i rade ede, siad̄oho carita sara'ana au ma ndad̄i ede d̄i sampuru sab̄ua rasul ro d̄i sara'a anamori Isa ma kalaina. 10 Dou-dou siwe ma rangoa sara'a au ma ndad̄i ede d̄i anamori Isa eded̄u: la Maria Magdalena, Yohana ro la Maria ina la Yakub, ro dou-dou siwe makalaina ma sama-sama lab̄o siad̄oho. 11 Pala kacai b̄a rasul-rasul ede, dou-dou siwe ede carita cowana. Siad̄oho wati imbina au ra carita b̄a dou-dou siwe ede. 12 Pala la Petrus tu'u ro lao raina aka rade. Sia tio ca^deina, edempara edana salolo mpa ma wara ta aka. La Petrus midi poda adena, edempara dulana kai mboto sod̄i b̄a adena mab̄oha au ma wa'ura nda^di.e
Kebangkitan Isa Al-Masih dan Makam yang Kosong
Isa Al Masih katadana weki d̄i woha ncai ma lao aka Emaus
24:13-35
(Mrk. 16:12-13)
13 D̄i ainaina ede wa'u, d̄ua dou anamori Isa ma wunga lampa ne'e lao aka sab̄ua kampo ma ngara Emaus, takasi sampuru sakilo d̄o'ona lab̄o Yerusalem. 14 Wunga ade lampa ro laokaina, siad̄oho nuntu salahona mab̄oha sara'a lampa rawi ma wa'ura ndad̄i ede. 15 Wunga ade nuntukai siad̄oho ede ro cua sod̄i kali cempena angi, wed̄i lalo mpa mai ndai Isa ro lampa sama-samana lab̄o siad̄oho. 16 Siad̄oho edana Isa, pala wara ma kahampana ma kandad̄ina siad̄oho wati patana Sia. 17 Edempara nggahi Isa, <<Au ncau nuntu nggomid̄oho d̄i woha ncai ake?>>
Siad̄oho midina kai male pahuna. 18 Edempara sab̄ua dou d̄i ade weki siad̄oho, ma ngara la Kleopas, sod̄ina d̄i Isa, <<Sab̄ua Ita kese dou lai rasa d̄i Yerusalem ma wati b̄ade au ma wa'ura ndad̄i ta aka ^bou-b̄ou ake?>>
19 <<Au ma nda^di?>> So^di b̄a Isa.
<<Lampa rawi ma ndad̄i lab̄o Isa, dou Nazaret ede,>> cambe b̄a siad̄oho.<<Sia nabi. Nggahi ro eli-Na ro ruku ro rawi-Na nantau poda kuasa -- nataho d̄i eda b̄a Allah Ta'ala ro ^dintanda ro eda b̄a sara'a dou. 20 Pala dou-dou mana'ekai imam ro dou-dou mana'ekai bangsa ndaita wa'ura d̄onggona Sia d̄i pamarenta Roma loakud̄u Sia d̄ihukum made ro siad̄oho wa'ura salibna Sia! 21 Sapodakaina ne'e b̄a mada^doho, Sia edeku ^dimahorina bangsa Israel! Ro ainaina ake ainaina katolukaina sawa'u b̄a ndad̄ina lampa rawi ede. 22 Wara rau pila-pila dou siwe, lenga mada^doho. Siad̄oho kawe^dina madad̄oho mab̄oha Isa ede. Si^di-si^di poda siad̄oho laona aka rade, 23 pala wati rakana eda timba-Na ta aka. Edempara siad̄oho dula mbalina ro nggahina b̄a one siad̄oho edana d̄ua dou mala'eka, ro mala'eka-mala'eka ede manggahi b̄a one Isa nawa'ura mori mbali. 24 Pila-pila dou d̄i ade weki madad̄oho wa'ura lao aka rade ro edana au ra nggahi b̄a dou-dou siwe ede palasi poda, pala siad̄oho wati edana Isa.>>
25 Edempara nggahi Isa d̄i siad̄oho, <<Nggomi^doho, dou sampula poda! Na'ipiku ahona nggomid̄oho imbimu d̄i sara'a au ra nggahi b̄a nabi-nabi! 26 Sab̄ua laina Sangaji Makasalama ma pab̄ua iu susa ro ncoki wa'u sawatipu Sia tarimana d̄ese ro ntasa-Na?>> 27 Edempara Isa ngoa kab̄aena d̄i siad̄oho au ra tunti d̄i ade sara'a Kitab Suci mab̄oha ndai-Na, ra tampu'u d̄i buku-buku Musa ro buku nabi-nabi.
28 Wakatu siad̄oho ^denira lab̄o kampo ^dilaokaina ede. Isa b̄une mane'e lampa ro lao wali, 29 pala siad̄oho tapana ro kantana Sia. Nggahi siad̄oho, <<Ngge'e wa'upu d̄i hid̄i mada^doho, ake ne'era nci'i liro ro nane'era nga^di ai.>> Edempara Isa lu'una ne'e maru sai d̄i hid̄i siad̄oho. 30 Wakatu doho ngaha samana lab̄o siad̄oho, Isa wehana roti, rentana syuku d̄i Allah Ta'ala, edempara to^be-to^bena roti ede kai rima-Na, sawa'u b̄a ede mbeina d̄i siad̄oho. 31 D̄i wakatu ede, wed̄i lalo mpa siad̄oho kawarana weki b̄a one Dou ede eded̄u Isa. Pala Sia mbora lalona d̄i tando mada siad̄oho. 32 Nggahi siad̄oho d̄i sab̄ua lab̄o ma kalaina, <<Sab̄ua laina ^di'iu b̄a ade ndai b̄une mane'e losa, wakatu Sia nuntu ro nggahi-Na lab̄o ndaita d̄i woha ncai, ro ngoa ro tei kab̄aena isi Kitab Suci d̄i ndai?>>
33 D̄i wakatu ede wa'u siad̄oho tu'u wi'ina hid̄i ede edempara lao mbalina aka Yerusalem. Ta aka siad̄oho eda angina lab̄o sampuru sab̄ua anamori Isa ma wunga kab̄oro weki lab̄o ma kalaina. 34 Nggahi siad̄oho ede, <<Ncihi romo Ruma ndai wa'ura mori mbali! Sia wa'ura katadana weki-Na d̄i la Simon!>>
35 ^Dua dou anamori Isa ma b̄oupu mai ede carita mbalina au ra iu ro eda b̄a siad̄oho d̄i woha ncai, ro b̄uneku siad̄oho patakaina Ruma wakatu Sia to^be-to^bena roti.
Isa Al Masih katadana weki-Na d̄i anamorid̄oho-Na
24:36-49
36 Wakatu siad̄oho wunga carita menana, wed̄i lalo mpa ndai Isa ki^dina d̄i woha siad̄oho ro nggahi-Na, <<Taho ro sanara d̄i ru'u b̄a nggomi^doho!>>f
37 Siad̄oho wed̄i ro dahuna, b̄ara kacai b̄a siad̄oho, au ra edana ede henca. 38 Pala nggahi Isa, <<^Ba^bauku nggomid̄oho dahukaimu? ^Ba^bauku mbalimbuakai ademu? 39 Tiopu rima Nahu ro tiopu ed̄i Nahu. D̄i ^bademu, b̄a one ndai Nahu ake! ^Damapu ro tio ka^baepu, b̄a one henca wati ntauna hi'i atao peke, b̄une ra eda b̄a nggomid̄oho d̄i Nahu.>>
40 Sawa'u b̄a nggahi ndedena, Isa teina rima ro ed̄i-Na d̄i sia^doho.g 41 Siad̄oho wati ngge'epu imbina, b̄ara siad̄oho na'ipiku neo adena ro midi adena, sod̄i b̄a Isa d̄i siad̄oho, <<Sab̄ua nggomid̄oho wara ntaumu ngaha ro nono ta ake?>> 42 Edempara siad̄oho mbeina d̄i Sia sadompo uta ra kamami. 43 Weha b̄a Isa uta ede, edempara ngahana d̄i tando siad̄oho.
44 Sawa'u b̄a ede nggahi Isa d̄i siad̄oho, <<Akeku lampa rawi-lampa rawi ra wa'u ngoa b̄a Nahu d̄i nggomid̄oho wakatu Nahu mbuipu sama-samaku lab̄o nggomi^doho: b̄a one sanikina lampa rawi ra tunti mab̄oha Nahu d̄i ade kitab-kitab Musa, nabi-nabi, ro Kitab Zabur, pab̄uaku ^dimanda^di.>>
45 Edempara Isa henggana fiki ro kananu siad̄oho ^diloakaina ka'ao isi Kitab Suci. 46 Sawa'u b̄a ede nggahi Sia d̄i siad̄oho, <<D̄i ade Kitab Suci wara ratunti b̄a one Sangaji Makasalama pab̄uaku iuna susa ro ncoki, ro pab̄uaku mori mbalina ra d̄i madekaina d̄i ainaina katolukaina. 47 D̄i ade Kitab Suci rau wara ratunti b̄a one anamori-anamori Al Masih pab̄uaku ngoa ro kahabana ngoa ro tei ake kai kuasa Sangaji Makasalama kai nggahina, <Tobapu ra d̄i dosa-dosamu loakud̄u Allah Ta'ala ^dimakangampu wea nggomi^doho.> Anamori-anamori-Na ede pab̄uaku karonggana ngoa ro tei ake ra tampu'u d̄i Yerusalem ro sawa'u b̄a ede aka sara'a bangsa d̄i dunia. 48 Nggomi^dohoku d̄imandad̄i sakasi-sakasi d̄i samenana ede. 49 Ro ndai Nahu ^dimanggaduna d̄i ru'u b̄a nggomid̄oho Roh Ma Raso ra sake b̄a Ama Nahu. Pala nggomid̄oho pab̄uaku ngge'emu d̄i kota Yerusalem ake sampe Allah Ta'ala mbeina d̄i nggomid̄oho kuasa-Na.>>>
Isa Al-Masih yang Bangkit Menampakan Diri kepada Semua Pengikut-Nya
Isa Al Masih ne'ena ese saroga
24:50-53
50 Sawa'u b̄a ede Isa wa'ana siad̄oho ari mai b̄a kota sampe aka Betania. Ta ede Sia hantana rima-Na, edempara barekana siad̄oho. 51 Wakatu Sia mbuipu karawina ede, Sia hanta weki lao ese saroga, roh ncenggana lab̄o siad̄oho. 52 Siad̄oho suju nembana Sia, edempara dula mbalina aka Yerusalem kai neo poda adena, 53 ro roi ro wadi ncauna Allah Ta'ala d̄i Bait Allah.
Isa Al-Masih Memberi Amanah Agung Allah dan Naik ke Surga
Mengenal Isa Al-Masih