Mab̄oha kuasa Isa Al Masih
20:1-8
20
D̄i sab̄ua ainaina, Isa wunga ngoa ro teina ro ngoa ro kahabana Haba Mataho ma ramai ra d̄i Allah Ta'ala d̄i dou-dou d̄i ade Bait Allah. Dou-dou mana'ekai imam, ahli-ahli Taurat, ma sama-sama lab̄o dou-dou ma tuakai Yahudi, maina 2 ro nggahina d̄i Isa, <<Ngoapu d̄i nami, kai kuasa couku Nggomi karawikaimu sara'ana ede? Cou ma rambeimu kuasa ede d̄i Nggomi?>>3 Cambe b̄a Isa, <<Nahu rau wara ne'eku sod̄i d̄i nggomi^doho; ngoapu d̄i Nahu, 4 kai kuasa couku la Yahya kandeu rasona dou, sab̄ua kai kuasa ra mbei b̄a Allah Ta'ala atao ra mbei b̄a manusia?>>
5 Edempara siad̄oho tampu'ura mafakana, <<Nggara nggahisi b̄a ndai, <Allah Ta'ala ma rambeina,> Sia nanggahiku, <Nggara ndedesi, b̄ab̄auku nggomid̄oho wati imbikaimu d̄i la Yahya?> 6 Pala nggara nggahisi b̄a ndai, <manusia ma rambeina,> sara'a dou ^dimato^ba hade ndai kai wadu, b̄ara siad̄oho na'imbiku b̄a one la Yahya eded̄u nabi.>> 7 Ndad̄i siad̄oho cambena, <<Nami wati ^bademu.>>
8 Edempara nggahi Isa d̄i siad̄oho, <<Nggara ndedesi, Nahu rau wati ne'eku ngoa d̄i nggomid̄oho kai kuasa cou, Nahu karawi-Ku sara'a lampa rawi ake.>>
Hanas Mempertanyakan Kuasa Isa Al-Masih
Conto ro ibara mab̄oha dou-dou ma karawi cengga hasi nggaro anggo
20:9-19
9 Isa caritana d̄i dou-dou ede, conto ro ibara ake, <<Waraku sab̄ua dou ma nggud̄a anggo d̄i sab̄ua nggaro. Sia kauna karawi nggaro ede d̄i pila-pila dou makarawi cengga hasi edempara sia laona aka dana ro rasa makalai ro ngge'e ntoina ta aka. 10 Rakara wakatuna ^dipokekai wua anggo, dou mantau nggaro ede kakaina adana lao d̄i dou-dou makarawi wea nggarona ^diwehakai ru'una. Pala dou-dou makarawi wea nggaro ede ndukuna ada dou ede ro kauna sia dula kai rima ntaru. 11 Edempara dou mantau nggaro ede kakai walina sab̄ua adana ma kalai; pala ada ede nduku rauna ro kasungge-sungge b̄a dou-dou makarawi ede, edempara kauna dula kai rima ntaru. 12 Sawa'u b̄a ede, dou mantau nggaro ede kakaina adana ma katolukaina. Pala ada dou ede nduku rau b̄a dou-dou makarawi d̄i nggaro ede sampe ncuwu-ncuwuna, sawa'u b̄a ede pakina ari mai b̄a nggaro. 13 Edempara dou mantau nggaro ede nggahina d̄ei adena, <Auku d̄ipab̄ua karawi wali b̄a nahu? Nahu d̄imanggadu ana meci ndaiku. Tantu sia nahoroma aoku b̄a sia^doho!> 14 Pala wakatu eda b̄a dou-dou makarawi cengga hasi nggaro ede ana dou mantau nggaro ede, nggahi siad̄oho d̄i sab̄ua lab̄o ma kalaina, <Akeku sia, dou ^dimakapasakana. Mai ndai tahadeku sia, loakud̄u raka b̄a ndai pasakana.> 15 Edempara siad̄oho randa kalosana sia ari mai b̄a nggaro ede, ro hadena sia.>>
Edempara sod̄i b̄a Isa d̄i dou mamboto ma wunga ringa ro kade'e ngoa ro tei b̄a Sia, <<Sab̄ua mab̄adeku b̄a nggomid̄oho auku d̄ikarawi b̄a dou ma ntau nggaro anggo ede d̄i dou-dou ma karawi cengga hasi? 16 Tantu sia d̄imamai ro hade kampoina dou-dou makarawi cengga hasi nggarona ede, edempara d̄onggona nggaro ede d̄i dou-dou ma kalai.>>
Ringana ede, nggahira dou-dou d̄i Isa, <<Guru, aito'ina ndad̄i ndedena!>>
17 Isa ntanda kab̄aena siad̄oho edempara nggahi-Na, <<Nggara ndedesi, auku aona ayat Kitab Suci ake?
<Wadu ma wati rakani b̄a dou mataki tu'u uma, wa'ura ndad̄i wadu ma ipi penti.>
18 Sara'a dou ma mab̄u d̄i wadu ede, dou ede ^dimaleli; ro cou-cou ra mab̄u b̄oha b̄a wadu ede, dou ede ^dimamub̄u ndad̄i kalu^bu.>>
19 Ahli-ahli Taurat ro dou-dou mana'ekai imam nab̄adeku b̄a one conto ro ibara ede tei b̄a Isa d̄i ru'u b̄a siad̄oho.B̄ara ndedena siad̄oho nane'eku wa'u ro leto Sia wakatu ede wa'u, pala siad̄oho nadahuku d̄i dou mamboto.
Ibarat tentang Penggarap-Penggarap Kebun Anggur
Mab̄oha cola bea
20:20-26
20 B̄ara ndedena, ahli-ahli Taurat ro dou-dou mana'ekai imam ngupana wakatu ma taho. Sawa'u b̄a ede, siad̄oho ufana pila-pila dou loakud̄u dou-dou ede coro-coro ndad̄i dou-dou ma taho. Siad̄oho kauna dou-dou ra ufa ede sod̄i d̄i Isa d̄ib̄ab̄ukaina Sia ro loakud̄u siad̄oho d̄onggona Isa d̄i dou ma kuasakai dana ro rasa Roma. 21 Edempara nggahi b̄a dou-dou ra ufa ede d̄i Isa, <<Guru, madad̄oho mab̄adeku b̄a one sara'a au ra ngoa ro tei b̄a Ita ede ncihi. Madad̄oho mab̄aderauku Ita mangoa ro tei ntiriku mab̄oha au d̄ine'e b̄a Allah Ta'ala d̄i ru'u b̄a manusia, b̄a one Ita wati ntanda kalaita dou. 22 Ndad̄i, ta ngoa to'ipu d̄i mada^doho, ade hukum Taurat sab̄ua loa atao wati ndai cola bea d̄i Kaisar?>>
23 Pala Isa nab̄adeku kananu siad̄oho ma da^bae. B̄ara ndedena nggahi Sia, 24 <<Katadapu d̄i Nahu sab̄ua piti salaka. Pahu ro ngara cou ake?>>
<<Kaisar!>> Cambe b̄a siad̄oho.
25 Nggahi Isa d̄i sia^doho,<<Nggara ndedesi, mbeipu d̄i Kaisar, au ra ntau Kaisar ro d̄i Allah Ta'ala, au ra ntau Allah Ta'ala.>>
26 Pala d̄i tando dou mamboto ede siad̄oho wati loana raka kone sab̄ua rawi ncara d̄i Isa. Siad̄oho namidi mpa ro mbora akana ringa au ra cambe b̄a Isa.
Membayar Pajak kepada Kaisar
Mab̄oha mori mbali sawa'u b̄a made
20:27-40
27 Pila-pila dou d̄i ade kalompo dou Saduki maina d̄i Isa. Siad̄oho ede eded̄u kalompo dou ma nggahi b̄a one dou ma wa'ura made wati ^dimamori mbali. So^di b̄a siad̄oho d̄i Isa, 28 <<Guru, la Musa tuntina hukum ake d̄i ru'u b̄a ndaita: Nggara namadesi sab̄ua dou mone ro sia wati ntauna ana, ndad̄i arina pab̄uaku nikana lab̄o dou siwe mbaru mboha ra wei wa'u sa'ena ede loakud̄u mbeina londo ro mai d̄i dou ma wa'ura made ede. 29 Ntoina waraku pidu dou sa'e ro ari^dohona. Ma sasa'e nikana, edempara madena kai wati ntauna ana. 30 Edempara ma ka^duakaina nika lab̄o dou siwe mbaru mboha ede, pala sia rau made kai wati ntauna ana. 31 Lampa rawi ma sama ndad̄i rau lab̄o arina makatolukaina sampe ari ma kapidukaina. 32 Cumpukaina dou siwe ede made rau. 33 Ndad̄i, wakatu ainaina dou mamade ^dikamori mbali, wei couku dou siwe ede? B̄ara pidu dou sa'e lab̄o arina wa'ura nikana lab̄o dou siwe ede.>>
34 Cambe b̄a Isa, <<Dou-dou ma mori d̄i dunia wakatu ake nanika ro ^dikanika, 35 pala d̄i ade dunia ma b̄ou d̄imamai kento wati ndedena; Allah Ta'ala d̄imakamori mbalina dou-dou ra wi'ikai b̄a Sia taho, pala siad̄oho wati d̄imanika ro wati ^dikanika.>> 36 Ka'ada'an siad̄oho b̄une mala'eka ro wati ^dimamade. Siad̄oho eded̄u ana-ana Allah, b̄ara siad̄oho wa'ura kamori mbali ra d̄i madekaina. 37 Ndai la Musa ma nggahi b̄a one dou mamade ^dimamori mbali. D̄i ade kitab ratunti b̄a sia mab̄oha mpori rui ma kalea ede sia pehena, <<Ruma eded̄u Allah Ta'ala ra nemba b̄a la Ibrahim, Ishak, ro la Yakub.>> 38 Allah Ta'ala ede laina Allah Ta'ala dou mamade! Sia eded̄u Allah Ta'ala dou-dou ma mori! B̄a one d̄i tando Allah Ta'ala sara'a dou namori.>>
39 Nggahi pila-pila ahli Taurat d̄i Isa, <<Au ra nggahi b̄a Ita, ncihi poda.>> 40 B̄ara ndedena siad̄oho wati disa walina sod̄i au-au d̄i Isa.
Mab̄oha Sangaji Makasalama
20:41-44
41 Sawa'u b̄a ede, Isa sod̄ina d̄i siad̄oho ma wara ta ede, <<^Buneku loana dou nggahi, b̄a one Sangaji Makasalama ede londo ro mai la Daud? 42 D̄i ade kitab Zabur, la Daud manggahi,
<Allah Ta'ala manggahi d̄i Rumaku:
Dohopu d̄i sa^bae wana Nahu,a
43 sampe Nahu makandad̄ina dou-dou ma musu Nggomi
oko ro dahu d̄i Nggomi.>
44 Ndad̄i, nggara ndai la Daud mapehe Sangaji Makasalama ede <<Ruma>>, ndad̄i b̄uneku loana Sia ede londo ro mai la Daud?
Ngoa ro kawara loakud̄u aina kabare d̄i ahli-ahli Taurat
20:45-47
45 Wakatu dou mamboto wunga kade'ena ngoa ro tei Isa, nggahi Sia d̄i anamori^doho-Na, 46 <<Nggomid̄oho aina kabaremu, aina ^batumu tabe'a ahli-ahli Taurat. Siad̄oho naca'u lampa-lampa kai jumba ma ^dondo ro naca'u ^dilia ro horoma d̄i amba-amba. Siad̄oho naca'u hid̄i-hid̄i mataho d̄i ade uma sambea ro ibadakai ro d̄i hid̄i ndiha-ndihakai. 47 Siad̄oho tipu ro rampana uma-uma dou mbaru mboha. Siad̄oho narentaku do'a ma ^dondo-^dondo, siad̄oho karawi ndedekaina ^ditipukaina dou mpa. B̄ara ndedena, Allah Ta'ala tantu ^dimahukumna siad̄oho kai hukuman ma ncewi tani!>>