^Donggo ro mbei sab̄ua dou siwe mbaru mboha
21:1-4
(Mrk. 12:41-44)
21
Wakatu Isa wara d̄i Bait Allah, Sia tio kab̄aena dou-dou mantau ro wara makalu'u piti d̄i ade peti hid̄i d̄onggo ro mbeikai. 2 Sia eda rauna sab̄ua dou siwe mbaru mboha ma ncoki mori, makalu'u d̄ua mbua piti romba d̄i ade peti hid̄i d̄onggo ro mbeikai. 3 Edempara nggahi Isa, <<Ringa ro kade'epu: Sapodakaina dou siwe mbaru mboha ma ncoki mori ede kalu'una mancewi mboto ntewikaisi lab̄o sara'a dou ma kalaina. 4 B̄ara siad̄oho sara'a mbeina b̄ara remba ntau ro warana. Pala dou siwe mbaru mboha ede, kone na'ipi poda ncoki morina, sia mbei sara'ana au ma wara d̄i ndaina.>>
Persembahan Seorang Janda Miskin
Isa Al Masih nuntuna ro nggahina mab̄oha ndumba Bait Allah
21:5-6
5 D̄i wakatu ede, wara dou-dou ma roi b̄a one Bait Allah nawancuku ntikana b̄ara rakantika kai wadu ma ntika-ntika ro wara rau barang-barang ra d̄onggo ro mbei d̄i Allah Ta'ala. Ringana nggahi ndede siad̄oho, edempara Isa nggahina d̄i siad̄oho, 6 <<Pea, d̄imaraka wakatuna, sara'a ra eda b̄a nggomid̄oho ede ^dimandumba, ndad̄ina wati wara kone sab̄ua wadu rau ta ake ^dimangge'e sadundu weki d̄i wadu ma kalaina!>>
Mab̄oha susa ro ncoki
21:7-19
7 Siad̄oho sod̄ina d̄i Isa, <<Guru, b̄une aiku lampa rawi ede nda^dina? Ro auku tandana b̄a one wa'ura raka wakatuna lampa rawi ede ^dimanda^di?>>
8 Cambe b̄a Isa, <<Aina kabare, ai to'ina nggomid̄oho b̄ohakai b̄a tipu. Mboto dou d̄imamai kai kanina ngara Nahu, ro ^dimanggahi, <Nahuku Sia!> Ro <Wa'ura raka wakatuna.> Pala nggomid̄oho aina ^batumu au ra nggahi b̄a siad̄oho. 9 Ai rauna nggomid̄oho dahumu nggara ringasi b̄a nggomid̄oho haba mab̄oha lewa ro laka ro dou makangango rasa. Sara'ana ede pab̄uaku d̄imandad̄i ulu. Pala ede laina aona rakara wakatuna kiama.>>
10 Edempara Isa nuntu wali-Na, nggahi-Na, <<Bangsa ma sa^buana ^dimalewa lab̄o bangsa ma kalaina ro negara ma sa^buana d̄imamai dei negara ma kalaina. 11 Ta b̄e-b̄e d̄imandad̄i epu ma na'e poda, bala hid̄o ro mboto bala supu. ^Dimandad̄i lampa rawi ma samangikai ade ro tanda-tanda ma na'e poda ese langi. 12 Pala sawatipu ndad̄i sara'ana ede, nggomid̄oho ^diwa'u ro ^dikancoki b̄a dou. Nggomid̄oho d̄iparesa ncihi ro ncaramu d̄i uma-uma sambea ro ibadakai ro ^dikalu'u ade uma bui. Ro nggomid̄oho ^diranda wa'a aka tando sangaji-sangaji ro dou-dou mana'ekaina b̄ara nggomid̄oho ^batumu Nahu. 13 Wakatu nggomid̄oho wunga paresa b̄a dou ncihi ro ncaramu edeku wakatuna d̄ingoa ro kahabakai b̄a nggomid̄oho mab̄oha Injil d̄i siad̄oho. 14 Katenggopu ademu b̄a one nggomid̄oho wati ^dimadarura ade mab̄oha auku ^dinggahi b̄a nggomid̄oho ^dihorukaimu weki. 15 Ndai Nahu ^dimambeimu tenggo ro wale ^diloakaimu renta nggahi ro eli ^diloakaimu timba ro lemba, ndad̄ina wati kone sab̄ua dou rau ra d̄i musu-musumu ma tele d̄i nggomid̄oho. 16 Kone dou ma tuamu, sa'e ro arimu, iwa ro wekimu ro lenga^dohomu d̄imad̄onggo nggomid̄oho d̄i dou-dou makuasakai dana ro rasa. Wara d̄i ade weki nggomid̄oho ^dihade. 17 Ro sara'a dou d̄imatula ao nggomid̄oho b̄ara ^batumu Nahu. 18 Pala kone salela honggo rau d̄i tutamu wati d̄imambora. 19 Nggara nggomid̄oho ngge'e mpa to'amu d̄i Nahu, nggomid̄oho d̄imaraka mori masapodakaina ro ma ede ro hi^di.>>
Isa Al Masih nuntuna mab̄oha ndumba Yerusalem
21:20-24
20 Edempara Isa nggahi walina, <<Nggara nggomid̄oho ma'edasi Yerusalem mai dei heko b̄a tentara, nggomid̄oho ^dimab̄adeb̄a one kota ede watid̄u ntoi walina ^dikaleli. 21 D̄i wakatu ede, dou ma wara d̄i Yudea pab̄uaku lao raina ese doro. Siad̄oho ma wara d̄i ade kota pab̄uaku tu'u wi'ina kota ro siad̄oho ma wara ari mai b̄a kota aina lu'una d̄i kota. 22 B̄ara wakatu ede eded̄u <Ainaina d̄ib̄ab̄ukai Hukuman>, loakud̄u nda^dira au ra wa'u tunti d̄i ade Kitab Suci. 23 Nawancuku samangikai ademu ainaina-ainaina ede d̄i ru'u b̄a dou siwe ma wunga na'e loko ro ina ma mbuipu susu anana! Dana ro rasa ake d̄ima'iu susa ro ncoki ma ipi poda ro Ruma ^dimahukum bangsa ake. 24 Wara ^dihade kai peda, wara rau ^diwa'a paki aka dana ro rasa dou; ro dou-dou ma wati pata Allah Ta'ala ^dimatonda le^dina Yerusalem sampe nggori wakatu ra wa'u katantukai b̄a Ruma d̄i ru'u b̄a siad̄oho.>>
Wakatu maikai Ana Manusia
21:25-28
25 Sawa'u b̄a ede, Isa nggahi walina, <<^Dimawara tanda-tanda ma ipi poda d̄i liro, wura ro ntara-ntara.D̄i dunia, bangsa-bangsa ^dimadahu ro darura adena ringana eli kambimbi ro balumba d̄i moti. 26 Manusia ^dimadahu poda eda au ma ndad̄i d̄i dunia ake, b̄ara sara'a makuasa ese woha ai d̄imambari mbura. 27 D̄i wakatu edeku Ana Manusia maikaina d̄i ade apu kai kuasa ro d̄ese ro ntasa-Na ma na'e. 28 Nggara natampu'usira ndad̄i lampa rawi-lampa rawi ede, tu'u ro ka'ambipu wekimu, b̄ara samporo wali nggomid̄oho ^dikasalama b̄a Allah Ta'ala.>>
Tana'o ra d̄i fu'u ara
21:29-33
29 Edempara Isa caritana conto ro ibara ake d̄i siad̄oho, nggahi-Na, <<Tio kab̄aepu fu'u ara ro sara'a fu'u ma kalaina. 30 Nggara nggomid̄oho ma'edasi fu'u haju matampu'u ncuri, nggomid̄oho mab̄adeku b̄a one ^denira oru mpana ai. 31 Ndede rauku nggara nggomid̄oho ma'edasi lampa rawi ede nda^dina, nggomid̄oho mab̄adeku b̄a one Karaja'an Allah wa'ura ^deni.
32 D̄i ^bademu! Lampa rawi ede d̄imandad̄i sawatipu b̄a dou-dou ma mori wakatu ake made sara'ana. 33 Langi ro dana ^dimambora, pala nggahi ro eli Nahu ngge'e mpa santoi-ntoina.
Jaga-jagapu
21:34-38
34 Nahu manggahi wali d̄i nggomid̄oho, <<Jaga-jagapu loakud̄u nggomid̄oho aina kananu ncaumu ngaha ndiha ro nono ^dimawukai atao darura mab̄oha mori ro wokomu. Nggara makananusi b̄une ede, ndad̄i nggomid̄oho wati ^dimaloa tarima ainaina maikai Ana Manusia ma wontu sadeka. 35 B̄ara ainaina ede ^dimawontu sadeka d̄i ru'u b̄a sara'a dou, sama b̄une binata ra hina sadeka b̄a sarente. 36 Jaga-jagapu ro do'a ncaupu loakud̄u nggomid̄oho wati b̄oha b̄a sara'a lampa rawi d̄imandad̄i ede ro nggomid̄oho maloaku mai satando Ana Manusia.