Mafaka ne'e hade Isa Al Masih
22:1-2
22
Aruraja Roti Ma Wati Ra Tau ^Buha eded̄u ainaina Paskah ^denira wakatuna. 2 Dou-dou mana'ekai imam ro ahli-ahli Taurat ngupana ncai, b̄uneku carana siad̄oho ^diloakaina hade Isa, b̄ara siad̄oho nadahuku d̄i dou mamboto.La Yudas nangawa d̄onggo Isa Al Masih d̄i dou-dou ma musu-Na
22:3-6
3 Edempara Iblis kuasakaina la Yudas ^di'ou rau kai la Iskariot, eded̄u sab̄ua dou d̄i ade weki sampuru d̄ua anamori Isa. 4 B̄ara ndedena la Yudas lao mafakana lab̄o dou-dou mana'ekai imam ro dou-dou mana'ekai dou ma taki jaga Bait Allah b̄uneku carana sia d̄onggona Isa d̄i siad̄oho. 5 Siad̄oho nawancuku neo adena ro sakena d̄i la Yudas b̄a one siad̄oho d̄imambei piti d̄i sia. 6 La Yudas nangawa ro sia tampu'ura ngupana wakatu ma taho ^di^donggokaina Isa d̄i siad̄oho, kai wati b̄ade b̄a dou.
Sadiakai ngaha ro nono Paskah
22:7-13
7 Rakara ainaina Aruraja Roti Ma Wati Ra Tau ^Buha b̄a one jimba ^dingaha Paskah ^disambelera. 8 Edempara Isa kauna la Petrus ro la Yahya, <<Lao sadiapu ngaha ro nono Paskah d̄i ru'u b̄a ndai.>>
9 So^di b̄a siad̄oho d̄i Isa, <<Ruma, ta b̄eku hid̄i ^dine'ekai b̄a Ita loakud̄u madad̄oho ma sadia wea ngaha ro nono Paskah?>>
10 Cambe b̄a Isa, <<Wakatu nggomid̄oho wunga lu'umu d̄i kota, nggomid̄oho d̄ima'eda angi lab̄o sab̄ua dou mone ma wa'a oi kai sab̄ua gandi. Nggomid̄oho lao ^batupu dou ede sampe aka uma ra lu'ukai b̄a sia, 11 ro nggahi ndakepu d̄i dou mantau uma ede: Guru ma sod̄i d̄i ita, <Ta b̄eku hid̄i ngahakai, ngaha ro nono Paskah d̄i ru'u b̄a Nahu lab̄o anamori^doho-Ku?> 12 Dou mantau uma ede ^dimaturu teina d̄i nggomid̄oho sab̄ua ^bili mana'e ese pamoka, ma wa'ura wara sara'a tau ro tu'ina. Sadia sara'apu ta aka.>>
13 Edempara la Petrus ro la Yahya laona, ro siad̄oho eda sara'ana b̄une ra nggahi b̄a Isa. Siad̄oho rau sadiana ngaha ro nono Paskah ede.
Do'a Jamu Ruma
22:14-23
14 Rakara wakatuna, Isa lab̄o anamorid̄oho-Na ne'e ngaha ro nono Paskah. 15 Edempara nggahi Sia d̄i siad̄oho, <<Nahu kane'e poda ngaha, ngaha ro nono Paskah ake lab̄o nggomid̄oho sawatipu susa ro ncoki Nahu! 16 Imbipu, Nahu wati ^dimangaha, ngaha ro nono Paskah ake wali sampe wakatu Karaja'an Allah wontuna, eded̄u wakatu ao ro ma'anana Paskah ake ndad̄i sara'ana!
17 Sawa'u b̄a ede Isa hantana gla anggo, edempara rentana do'a syuku d̄i Allah Ta'ala, ro nggahi Sia, <<Wehapu ake, ro cengga-cenggapu. 18 Nahu manggahi d̄i nggomi^doho: Sawa'u b̄a nggori Paskah ake, Nahu wati ^dimanono anggo ake wali sampe maikai Karaja'an Allah makuasakai sara'ana.>>
19 Sawa'u b̄a ede Isa wehana roti. Edempara rentana do'a syuku, Sia to^be-to^bena roti ede kai rima-Na edempara mbeina d̄i siad̄oho, ro nggahi-Na, <<Akeku sarumbu Nahu ra d̄onggo d̄i ru'u b̄a nggomid̄oho.Karawipu ake d̄i kawarakaimu Nahu.>> 20 Ndede rauku sawa'u b̄a ngaha, Sia mbeina gla anggo ede d̄i siad̄oho ro nggahina, <<Gela ake eded̄u ra sake Allah Ta'ala ma b̄ou, ra kasaha kai ra'a Nahu -- ra'a ra ^boho d̄i ru'u b̄a nggomid̄oho.>>
21 <<Pala tio ka^baepu! Dou d̄imad̄onggo Nahu d̄i dou-dou ma musu Nahu wara ta ake sama-sama lab̄o Nahu! 22 Ana Manusia poda d̄imamade b̄une ra katantukai b̄a Allah Ta'ala; pala ihara dou ma^donggo Sia d̄i dou-dou ma musu-Na!>>
23 Edempara siad̄oho tampu'ura so^di-so^dina d̄i sab̄ua lab̄o ma kalaina, couku d̄i ade weki siad̄oho ^dimakarawina lampa rawi ede.
Perjamuan Terakhir
Cence ncihi mab̄oha couku ma ipi penti
22:24-30
24 D̄i ade weki anamori Isa wontu cence ncihi mab̄oha couku d̄i ade weki siad̄oho d̄iwi'ikai ma ipi penti. 25 Nggahi Isa d̄i siad̄oho, <<Sangaji-sangaji bangsa d̄i dunia ake ma wati pata Allah Ta'ala ma parenta kai b̄e rane'e siad̄oho d̄i ela ro douna, ro dou-dou mantau kuasa nane'eku loakud̄u ela ro douna ma pehe b̄a one siad̄oho ede dou-dou ma ncera ro mbura ade. 26 Pala nggomid̄oho wati loamu karawi b̄une ede. Dou ma na'e d̄i ade wekimu pab̄uaku ndad̄ina b̄une ma ipi to'i, ro dou mana'ekaina pab̄uaku ndad̄i dou ma karawi wea d̄i ru'u b̄a dou ma kalai. 27 Cou ma ncewi na'e: dou ma doho ngaha d̄i meja, atao dou ma kab̄ua wea ngaha ro nono? Tantu dou ma doho edeku. Pala Nahu wara d̄i woha nggomid̄oho kai dou ma taki karawi wea d̄i ru'u b̄a dou ma kalai.
28 D̄i ade sara'a susa ro ncoki Nahu, nggomid̄oho ngge'e mpa waramu lab̄o Nahu. 29 B̄ara ndedena Nahu d̄imambei d̄i nggomid̄oho kuasa ^diloakaimu parenta, sama b̄une Ama Nahu ma mbei kuasa d̄i Nahu. 30 Kai ndedena nggomid̄oho d̄ima'iu sana ro loa ngaha ro nono lab̄o Nahu d̄i ade Karaja'an Nahu. Nggomid̄oho d̄imacua-cua doho rau d̄i kadera sangajikai ^dimaparenta sampuru d̄ua suku bangsa Israel.>>
Isa Al Masih ngoa ro kawarana b̄a one la Petrus ^dimakawati pata Isa Al Masih
22:31-38
31 <<Simon, Simon, ringapu! Iblis wa'ura mbei ijin ^dicobakaina nggomi^doho; ndad̄i Iblis nakarawiku d̄i nggomid̄oho b̄une dou ma mbe^di gandum ^dikalaikaina gandum lab̄o saroena. 32 Pala Nahu wa'ura do'aku d̄i ru'u b̄a nggomi, Simon, loakud̄u nggomi ngge'e mpa imbimu d̄i Nahu. Ro nggara nggomi ma wa'usira mbali d̄i Nahu, nggomi pab̄uapu katenggomu cina ro angimu.>>
33 Cambe b̄a la Petrus, <<Ruma, mada karela lu'u ade uma bui ro made sama-sama lab̄o Ita!>>
34 Pala nggahi b̄a Isa, <<Kawarapu, Petrus, sawatipu koko janga d̄i ainaina ake, nggomi tolu kali nggahimu b̄a one nggomi wati patamu Nahu.>>
35 Sawa'u b̄a ede nggahi Isa d̄i siad̄oho, <<Ntoina wakatu nggadu b̄a Nahu nggomid̄oho kai kanta b̄a Nahu wa'a dompe, ka^du^du atao sadopa, sab̄ua nggomid̄oho wara madancihimu?>>
<<Io watita!>> Cambe b̄a siad̄oho.
36 <<Pala ake,>> nggahi Isa, <<cou mantau dompe, atao ka^du^du, pab̄uapu wa'amu; ro cou mawati ntau peda, pab̄uaku landa jumbana d̄i welikaina peda. 37 Nahu nggahi ndedekaiku d̄i nggomid̄oho b̄ara au ra tunti ade Kitab Suci ake pab̄uaku ndad̄ina d̄i Nahu; Sia d̄iwi'ikai kai sab̄ua dou mada^bae. Lampa rawi ede wunga ndad̄ina d̄i wakatu ake.>>>
38 Nggahi b̄a anamori Isa, <<Ruma, tatiopu, ta ake wara d̄ua lona peda.>>
<<Tahora!>>b Cambe b̄a Isa.
Pengajaran Isa Al-Masih di Ruangan Atas
Isa Al Masih do'ana d̄i Doro to'i Zaitun
22:39-46
39 Isa tu'u wi'ina kota ro laona b̄une ranginakai b̄a Sia lao aka Doro to'i Zaitun, ro anamorid̄oho-Na b̄atu rauna Sia. 40 Wakatu ronggana ta ede, nggahi Sia d̄i siad̄oho, <<Do'apu loakud̄u nggomid̄oho wati b̄oha b̄a coba'an.>>
41 Edempara Sia lao d̄o'o narina lab̄o siad̄oho, takasi b̄une sad̄o'o to^bakai wadu, edempara doho sujuna ro do'ana. 42 Nggahi-Na, <<Ama, nggara loasi, takad̄o'o to'ipu d̄i Mada susa ro ncoki ma pab̄ua ^di'iu b̄a Mada ake. Pala aina ra kane'ekai b̄a ndai Mada, malaisi ra kane'ekai b̄a ndai Ita mpa.>> 43 Sab̄ua mala'eka mai rakana Sia ro katenggona Sia. 44 Isa na'ipiku susa ro ncoki iuna ro lalai ade-Na, ndad̄ina Sia nanaha do'a kapodana ade. Howina nakata^ba b̄une ra'a ma kata^ba awa dana.
45 Nggori do'a-Na, Isa dula mbalina d̄i anamori^doho-Na. Sia edana siad̄oho wunga maruna b̄ara na'ipiku ncoki mena adena. 46 Edempara nggahi Sia d̄i siad̄oho, <<^Ba^bauku nggomid̄oho marukaimu? Tu'ura ro do'apu loakud̄u nggomid̄oho aina b̄oha b̄a coba'an.>>
Isa Al Masih wa'u ro leto b̄a dou
22:47-53
47 Wakatu Isa mbuipu nuntuna, wontura sakalompo dou mamboto. Ma na'ekai siad̄oho eded̄u la Yudas, sab̄ua dou ade weki anamori Isa. La Yudas lao rakana Isa edempara ngiluna Sia. 48 Pala nggahi Isa d̄i sia, <<Yudas, sab̄ua kai ngilumu ede nggomi d̄onggomu Ana Manusia?>>
49 Wakatu anamori Isa ma wara ta ede edana au ^dimandad̄i, nggahi siad̄oho, <<Ruma, madad̄oho ^dimadei aona kai peda!>> 50 Edempara sab̄ua dou ade weki siad̄oho ede fatina ada Imam Agung kai peda ndad̄ina fiko wana ada dou ede korina.
51 Pala nggahi Isa, <<Ncihira!>> Edempara Sia ^damana fiko dou ede ro katahona.
52 Edempara nggahi Isa d̄i dou-dou mana'ekai imam ro perwira-perwira majaga Bait Allah, ro d̄i dou-dou matuakai Yahudi mamai ta ede mane'e wa'u ro leto Sia, <<Sab̄ua Nahu ake dou dab̄ae, sampe nggomid̄oho mai wa'amu peda ro kapodo d̄i ne'ekaimu wa'u ro leto Nahu? 53 Saniki ainaina Nahu wara ncau lab̄o nggomid̄oho d̄i Bait Allah, nggomid̄oho wati wa'u ro letomu Nahu. Pala akeku wakatuna nggomid̄oho karawikaimu, wakatu d̄i ru'u b̄a Iblis kalampana kuasana.>>
Penghianatan Yudas dan Isa Al-Masih Ditangkap
La Petrus nggahina b̄a one sia wati patana Isa Al Masih
22:54-62
54 Siad̄oho wa'u ro letona Isa ro lao wa'a-Na aka uma Imam Agung. La Petrus b̄atu salandona. 55 D̄i woha sarei uma ede, dou wa'ura kana'ena afi ro siad̄oho doho niru hekona afi ede. La Petrus rau wara d̄i woha siad̄oho ede. 56 Sab̄ua ada siwe ma eda la Petrus ma doho d̄i kengge afi ede; edempara ada siwe ede tio kab̄aena la Petrus, ro nggahina, <<Dou ake rau akande wara sama-sama lab̄o la Isa!>>
57 Pala la Petrus wati mangakuna. Nggahi sia, <<Nahu wati poda pataku Dou ede!>>
58 Wati ntoina sawa'u b̄a ede, sab̄ua dou makalai wali edana la Petrus, <<Nggomi rau sab̄ua dou ade weki sia^doho!>>
Pala cambe b̄a la Petrus, <<Wati, laina nahu!>>
59 Takasi sajam sawa'u b̄a ede, sab̄ua dou wali manggahi kana'e, <<Ncihi romo dou ake mab̄atu la Isa, sia rau dou Galilea!>>
60 Pala cambe b̄a la Petrus, <<Ausi aona nggahi nggomi, nahu wati ^badeku!>>
Wakatu ede wa'u, la Petrus wunga mbuipu nuntuna lab̄o dou, kokora janga. 61 Isa tambarina ro ntandana la Petrus. Edempara la Petrus kawarana b̄a one Isa wa'ura nggahina d̄i sia, <<Sawatipu koko janga d̄i ainaina ake, nggomi tolu kali nggahimu b̄a one nggomi wati patamu Nahu.>> 62 Edempara la Petrus losana ra d̄i hid̄i ede ro nangi sase^dina.
Petrus Menyangkal Isa Al-Masih Tiga Kali
Isa Al Masih kampa'a-mpa'akai ro kancoki b̄a dou
22:63-71
63 Dou-dou ma wunga jaga Isa, kampa'a-mpa'akaina ro nduku ro ^boena Sia. 64 Siad̄oho ^bontona mada-Na ro sod̄ina d̄i Sia, <<Pehepu! Cou ma ra^boe-Mu?>> 65 Mboto walipu nggahi ro eli siad̄oho makab̄awa ro katuna Isa.
66 D̄i aimasi^di, dou-dou matuakai Yahudi, dou-dou mana'ekai imam, ro ahli-ahli Taurat kab̄orona weki, edempara Isa lao wa'a b̄a siad̄oho aka tando Mahkama agama siad̄oho. 67 Nggahi siad̄oho d̄i Isa, <<Ngoapu d̄i nami, sab̄ua poda Nggomi ake Sangaji Makasalama?>>
Cambe b̄a Isa, <<Nggara ngoasi b̄a Nahu d̄i nggomid̄oho, nggomid̄oho wati ^dima'imbi. 68 Ro nggara so^disi b̄a Nahu d̄i nggomid̄oho, nggomid̄oho wati ^dimacambe. 69 Pala tampu'u ake, Ana Manusia ^dimadoho d̄i sa^bae wanac Allah Ta'ala Ma Wancu Na'e Kuasa.>>
70 Nggahi siad̄oho, <<Nggara ndedesi, Nggomi ake Ana Allah?>>5
Cambe b̄a Isa, <<Ndai nggomid̄oho ma nggahina.>>
71 Edempara nggahi siad̄oho, <<Ndai watid̄u paralu walina sakasi! Ndai wa'ura ringata d̄i asa ndai Sia!>>
Prajurit Mengejek dan Isa Al-Masih di Hadapan Mahkamah Agama