Isa Al Masih ro la Zakheus
19:1-10
19
Wakatu Isa ronggana d̄i kota Yerikho, Sia lampa ntuwuna d̄i kota ede. 2 D̄i kota ede waraku sab̄ua dou mantau ro wara ma ngara la Zakheus. Sia eded̄u mana'ekai dou ma taki tagi bea. 3 Sia nane'eku eda Isa ede, pala b̄ara mboto poda dou ro ndai sia na'ipiku porona, ndad̄i sia wati loana raka eda Isa. 4 Ndad̄i, sia rai uluna, edempara ne'ena ese fu'u haju, loakud̄u rakana eda Isa ma samporo wali ^dimalampa sai hid̄i ede. 5 Wakatu Isa rakara d̄i fu'u haju ede, Sia ^dongana edempara nggahina, <<Zakheus, londo rocira! B̄ara Nahu d̄imalao aka umamu d̄i ainaina ake.>>6 Edempara la Zakheus londo rocina ro weha aona Isa kai neo poda adena. 7 Sara'a dou ma edana lampa rawi ede tampu'ura badare^dena, <<Sia lao ronggana d̄i uma dou ma da^bae!>>
8 Edempara d̄i umana, la Zakheus ki^dina ro nggahina d̄i Isa, <<Ruma, satenga d̄i sara'a ntau ro wara mada, mada d̄imambeina d̄i dou-dou mancoki mori; ro d̄i cou-cou rau ra tipu b̄a mada, mada d̄imacola mbalina d̄i sia ede upa kali mbotona!>>
9 Edempara nggahi Isa, <<D̄i ainaina ake nggomi ro samenana iwa ro wekimu ^dikasalama b̄a Allah Ta'ala ro d̄imbei mori ma b̄ou, b̄ara nggomi rau londo ro mai la Ibrahim. 10 Nahu, Ana Manusia mai ^dimangupa ro ^dimakasalama dou ma santuda.>>
Isa Al-Masih dan Zakheus
Conto ro ibara mab̄oha piti masa
19:11-27
(Mat. 25:14-30)
11 Wakatu dou mbuipu kade'ena Isa manuntu ro nggahi, Sia carita rauna sab̄ua conto ro ibara. B̄ara wakatu ede Sia wa'ura ^deni lab̄o Yerusalem, ro kacai b̄a dou b̄a one Karaja'an Allah ^dikatada roci d̄i dunia. 12 Nggahi Isa, <<Waraku sab̄ua dou londo ro mai sangaji ma lao aka dana ro rasa mad̄o'o d̄ine'ekaina kasaha ndad̄i sangaji, edempara dula mbalina. 13 Sawatipu b̄a laona, sia ouna sampuru dou adana, edempara mbeina d̄i siad̄oho hangga sab̄ua piti masa. <Landa ro lajokaipu kai piti ake wunga ade laokai nahu,> nggahina d̄i siad̄oho. 14 Pala dou-dou ma wara d̄i dana ro rasa ede fa'a adena d̄i sia. Ndad̄i, sawa'u b̄a lao sia, siad̄oho nggaduna nggahi aka sangaji makasaha ndad̄i sangaji, <Madad̄oho wati ca'umu dou ake d̄imandad̄i sangaji mada^doho.>
15 Sawa'u sia ndad̄i sangaji, sia lao dula mbalina d̄i dana ro rasana. Ou roci b̄a sia ada^dohona mai satando sia, b̄a ne'ena b̄ade sab̄une laba ra raka b̄a siad̄oho. 16 Adana masarambakaina mai ro nggahina, <ruma, sab̄ua piti masa ra mbei b̄a Ita ede, wa'ura kandad̄i b̄a mada sampuru mbua.> 17 <Taho,> nggahi rumana ede, <nggomi ada ma taho! B̄ara ade lampa rawi-lampa rawi ma to'i nggomi loa ^di'imbikai, nahu ^dimahanta nggomi ndad̄i dou ^dimakuasakaina sampuru mbua kota.> 18 Adana maka^duakaina mai ro nggahina, <ruma, sab̄ua piti masa ra mbei b̄a Ita ede, wa'ura kandad̄i b̄a mada lima mbua.> 19 Sangaji ede nggahina d̄i adana,<Nggomi d̄imandad̄i dou ^dimakuasakai d̄i lima mbua kota.> 20 Adana ma kalai mai ro nggahina, <ruma, ake piti Ita; mada putu wi'iku d̄i ade pasapu. 21 Mada kadahuku d̄i Ita, b̄ara Ita dou ma toku. Ita mawehaku au ma laina ntau Ita, ro Ita mawehaku hasi d̄i hid̄i ra wati ra nggud̄a ro conggekai b̄a Ita.> 22 Nggahi sangaji ede d̄i sia, <Nggomi ada ma da^bae! Ncihi ncao b̄une ra nggahi b̄a ndai nggomi, nahu ^dimahukum nggomi. Nggomi mab̄adeku nahu dou ma toku: nahu ma weha au ma laina ntauku ro maweha hasi d̄i hid̄i ma wati ranggud̄a ro conggekai b̄a nahu. 23 Nggara ndedesi b̄ab̄auku nggomi wati wi'imu piti ede d̄i bank loakud̄u wakatu mai mbalikai nahu, nahu kaloa tarima piti ede lab̄o ^bungana?> 24 Edempara nggahi sangaji ede d̄i dou-dou ma ki^di ta ede, <Wehapu piti ede d̄i sia ro mbeipu d̄i ada ma ntau sampuru mbua piti masa ede.> 25 Pala nggahi dou-dou ede, <ruma, sia nawa'ura wara ntauna sampuru mbua.> 26 Cambe b̄a sangaji ede, <Kawarapu: dou ma wa'ura ntau, d̄i sia d̄imbei kancewi mboto wali. Pala dou ma wati wara ntau au-au, au ma wara d̄i sia ^diweha rau. 27 Ro ake mai wa'a ca'arapu musu-musu nahu ede ma wati ca'u nahu d̄imandad̄i sangajina. Hade sara'apu siad̄oho d̄i tando nahu!> >>
Isa Al Masih weha ao b̄a dou kai ndiha poda d̄i Yerusalem
19:18-40
28 Sawa'u b̄a nggori nggahina ede, Sia lampa uluna d̄i tando siad̄oho lao aka Yerusalem. 29 Wakatu ne'era ^deni lab̄o Betfage ro Betania d̄i Doro to'i Zaitun, Sia kauna d̄ua dou anamori-Na lao ulu. 30 Nggahi Isa d̄i siad̄oho ede, <<Laopu aka kampo d̄i tando ede, nggomid̄oho malu'usi ta aka, nggomid̄oho ma'edaku sab̄ua ana keledai ra ^diki. Keledai ede watipu parana ranente b̄a dou. Horipu keledai ede ro mai wa'a ca'arapu. 31 Nggara naso^disi b̄a dou d̄i nggomid̄oho, <^Ba^bauku nggomid̄oho horikaimu keledai ede?> Nggahipu, <Rumaz maparaluna.> >>
32 ^Dua dou anamori Isa ede laona, ro siad̄oho rumpana sara'ana ede ncihi ncao b̄une ra nggahi b̄a Isa. 33 Wakatu siad̄oho wunga horina ana keledai ede, dou mantau keledai ede sod̄ina d̄i siad̄oho, <<^Ba^bauku nggomid̄oho horikaimu keledai ede?>>
34 Cambe b̄a siad̄oho, <<Ruma maparaluna.>> 35 Edempara siad̄oho wa'ana ana keledai ede d̄i Isa. Sawa'u b̄a ede siad̄oho wirana jumba ese wawo kontu keledai ede ro bantuna Isa ne'e ese kontu keledai. 36 Wakatu Isa wunga nentena keledai ede, dou-dou wira menana jumba siad̄oho d̄i woha ncai.
37 Wakatu Isa ne'empara rongga d̄i Yerusalem, d̄i ncai ma salondo ra d̄i Doro to'i Zaitun, sara'a anamori-Na ede tampu'ura roi ro wadina Allah Ta'ala ro rentana syuku d̄i Sia b̄ara sara'a ma^bisa ro guna ra wa'u eda mada b̄a ndai siad̄oho. 38 Nggahi siad̄oho, <<^Dese ro ntasara Sangaji ma mai kai ngara Ruma! Taho ro sanara d̄i saroga, ro d̄ese ro ntasara d̄i ru'u b̄a Allah Ta'ala!>>
Isa Al-Masih Diarak di Yerusalem
39 Pila-pila dou Farisi d̄i ade weki dou mamboto ede nggahina d̄i Isa, <<Guru, takau to'ipu anamori^doho-Mu ede midi.>>
40 Cambe b̄a Isa, <<Imbipu! Nggara namidisi siad̄oho, wadu-wadu ake ^dimakanggica.>>
Isa Al Masih nangi weana d̄i ru'u b̄a Yerusalem
19:41-44
41 Wakatu Isa nanaha ^denira lab̄o Yerusalem, ro edana kota ede, Sia nangi weana. 42 Nggahi-Na, <<Kasi ade-Ku, nawancuku taho podana nggara ^badesi b̄a nggomi auku ma taho d̄i ru'u b̄a nggomi d̄i ainaina ake! Pala ake nggomi wati loamu eda ede. 43 D̄imaraka wakatuna musumu mandawi kahampakai d̄i kompe ro peimu; siad̄oho ^dimadei hekomu ra d̄i sara'a welana. 44 Siad̄oho ^dimakalelina nggomi, oe Yerusalem, ro ma hade sara'a ela ro doumu, ro wati co'ona kone sab̄ua wadu rau ma ngge'e sadundu d̄i hi^dina. Ede ndad̄ina b̄ara nggomi wati b̄ademu wakatu Allah Ta'ala mai kasalamana nggomi!>>
Isa Al-Masih Menangisi Yerusalem
Isa Al Masih lu'una d̄i ade Bait Allah
19:45-48
45 Isa lu'una d̄i Bait Allah ro tampu'ura katesana dou-dou malanda ro lajo ta ede. 46 Nggahi Isa d̄i siad̄oho, <<D̄i ade Kitab Suci, wara ratunti ndake: Nggahi Allah Ta'ala, <Uma-Ku d̄imandad̄i uma hid̄i do'akai.> Pala nggomid̄oho makanda^dikaiku so^bu parampo!>>
47 Saniki ainaina Isa ngoa ro teina d̄i ade Bait Allah. Dou-dou mana'ekai imam, ro ahli-ahli Taurat, ro dou-dou ma tuakai Yahudi nane'eku hade Sia, 48 pala wati rakana ncai d̄ikalampakaina rawi ede, b̄ara sara'a dou ngge'e mpa ringa ro kade'ena au ra ngoa ro tei b̄a Sia, ro nasana adena ringa ngoa ro tei b̄a Sia.
Isa Al-Masih Menyucikan Bait Allah