Isa Al Masih coba b̄a Iblis
4:1-13
4
Isa b̄ini b̄a kuasa Roh Allah wakatu Sia tu'u wi'ina Sori Yordan. Isa ^dende ro wa'a b̄a Roh Allah aka so sarae. 2 Ta ede Sia coba b̄a Iblis upa mpuru nai ntoina. Santoi ede, Sia wati ngahana au-au. Ndad̄i cumpukaina Sia iuna hi^do.3 Edempara nggahira Iblis d̄i Sia, <<Nggomi Ana Allah.2 Ndad̄i kanda^dipu wadu ede ndad̄i roti!>>
4 Cambe b̄a Isa, <<D̄i ade Kitab Suci wara ratunti, <Manusia wati morina kai roti mpoa.> >>
5 Edempara Iblis lao wa'ana Isa aka sab̄ua hid̄i ma ^dese, ro ade sape^da mada Iblis turu teina d̄i Sia sara'a Karaja'an ma wara d̄i dunia. 6 Nggahi Iblis d̄i Isa, <<Sara'a kuasa ro ntau ro wara ede, nahu d̄imambeina d̄i Nggomi, b̄ara sara'ana wa'ura mbei d̄i nahu ro nahu kaloa mbei d̄i cou-cou rau d̄i ne'e b̄a nahu mbei. 7 Sara'ana ede d̄imandad̄i ntau Nggomi, nggara Nggomi masuju ro nembasi nahu.>>
8 Cambe b̄a Isa, <<D̄i ade Kitab Suci wara ratunti, <Nembapu Ruma, Allah Ta'alamu ro karawipu d̄i ru'u b̄a Sia mpa.>> >
9 Edempara Iblis lao wa'ana Isa aka Yerusalem ro wi'ina Sia ese wawo b̄utu Bait Allah ro nggahina d̄i Sia, <<Nggomi Ana Allah, ndad̄i ^ba^bupu wekimu ta ede. 10 B̄a one d̄i ade Kitab Suci wara ratunti, <Allah Ta'ala ^dimakau mala'eka-mala'eka-Na jaga ro sandaka Nggomi.> 11 Ro wara rau ratunti, <Mala'eka-mala'eka ^dimasakaka ao Nggomi kai rimana, loakud̄u kone e^di-Mu wati b̄oha b̄a wadu.> >>
12 Cambe b̄a Isa, <<D̄i ade Kitab Suci wara ratunti, <Aina cobamu Allah Ta'ala, Rumamu.> >>
13 Sawa'u b̄a Iblis nggori cobana Isa kai mboto cara, Iblis ede tu'u wi'ina Isa ro ngenana wakatu ma taho.
Isa Al-Masih Digoda Iblis
Isa Al Masih tampu'u karawi-Na d̄i Galilea
4:14-15
14 Edempara Isa lao mbalina aka Galilea kai rakuasakai b̄a Roh Allah. Haba mab̄oha Isa nawa'ura mbou d̄i sara'a dana ro rasa ede. 15 Sia ngoa ro teina d̄i uma-uma sambea ro ibadakai, ro sara'a dou maroi Sia.
Isa Al Masih wati tarima b̄a dou d̄i Nazaret
4:16-30
16 Isa lao rauna aka kota Nazaret, hid̄i rakana'ekai Sia. D̄i ainaina Sabat, ranginakai-Na, Sia lao aka uma sambea ro ibadakai. Sia tu'u ki^dina ^dimabaca Kitab Suci, 17 ro d̄onggo b̄a dou d̄i Sia kitab Nabi Yesaya. Sia henggana kitab ede ro bacana ayat ake,
18 <<Roh Ruma wara d̄i Nahu,
b̄ara Sia wa'ura kasahana Nahu ^dimangoa ro kahaba
Haba Mataho d̄i ru'u b̄a dou mancoki mori.
Sia nggaduna Nahu ^dimangoa
b̄a one ^dimahori kalosa dou rabui
ro dou ma mbuda ^dikataho;
dou-dou ra kasusa ro ra kancoki d̄ihori wea
19 ro ^dimangoa ro kahaba b̄a one maikai Ruma
makasalama ela-Na wa'ura raka wakatuna.>>
20 Isa luru mbalina kitab ede, ro mbei mbalina d̄i dou ma taki karawi ede, edempara dohona.d Sara'a dou d̄i ade uma sambea ro ibadakai ede ntandana Sia. 21 Ro Isa tampu'ura nuntu ro nggahina d̄i siad̄oho, <<Ayat-ayat Kitab Suci ra baca b̄a Nahu akande wa'ura kalampa b̄a Nahu d̄i ru'u b̄a nggomid̄oho ma ringa ro kade'e Nahu.>>
22 Nggahi ro eli ra renta b̄a Sia nawancuku caru ^diringa, ndad̄ina siad̄oho nawancuku midi adena ro kaco'ina Sia. Nggahi siad̄oho, <<Sab̄ua laina Sia akesi ana la Yusuf?>>
23 Edempara nggahi Isa d̄i siad̄oho, <<Tantu nggomid̄oho makaniku peribahasa ake d̄i ru'u b̄a Nahu, <Oe sando katahopu supu ndai-Mu. Lampa rawi ma^bisa ro guna ra ringa b̄a nami ra karawi b̄a Nggomi d̄i Kapernaum, karawi raupu ta ake d̄i kampo ro mporo ndai-Mu.> >> 24 Isa nggahi walina, <<D̄i kawaramu, wati wara nabi ^dilia ro horoma d̄i kampo ro mporo ndaina. 25 Pala ringa ro kade'epu: Aipu jaman la Elia, wakatu wati londo ura tolu mba'a ini wura ntoina, nda^dira bala hid̄o d̄i sara'a dana ro rasa. Wakatu ede wara mboto dou-dou siwe mambaru mboha d̄i Israel. 26 Kone ade ndedekaina, Allah Ta'ala wati kauna la Elia lao aka sab̄ua dou siwe mbaru mboha d̄i ade weki dou-dou siwe mambaru mboha ede malaisi d̄i sab̄ua dou siwe mbaru mboha d̄i Sarfat d̄i dana ro rasa Sidon. 27 Ndede rau aipu jaman Nabi Elisa wara mboto dou d̄i Israel ma supu ncola, pala wati kone sab̄ua dou rau d̄i ade weki siad̄oho rakataho, selasi la Naaman dou Siria ede.>>
28 Sara'a dou ma wara d̄i uma sambea ro ibadakai ede mbani podana wakatu ringana nuntu ro nggahi ede. 29 Siad̄oho tu'u ki^dina edempara fou kalosana Isa ari mai b̄a kota, ro wa'a-Na aka kengge rengge doro hid̄i ratu'ukai kota ngge'ekai siad̄oho.Siad̄oho nane'eku ^dunggi lo'o Sia d̄i rengge ede. 30 Pala Isa losana d̄i woha dou mamboto ede edempara laona.
Proklamasi Penggenapan Kitab Suci dan Isa Al-Masih Ditolak
Isa Al Masih ngoa ro teina d̄i ade uma sambea ro ibadakai d̄i Kapernaum
4:31-37
(Mrk. 1:21-28)
31 Edempara Isa laona aka kota Kapernaum d̄i Galilea. Ta aka Sia ngoa ro teina dou-dou d̄i ainaina Sabat. 32 Siad̄oho nawancuku ca'una ringa ro kade'e cara Sia ngoa ro teina dou, b̄ara Sia nanuntu ro nggahi kai b̄ini b̄a kuasa. 33 D̄i ade uma sambea ro ibadakai ede wara sab̄ua dou rakuasakai b̄a roh setan. Dou ede kanggica-nggicana, 34 <<Oe Isa, dou Nazaret, au d̄ine'e karawi b̄a Nggomi d̄i nami? Sab̄ua Nggomi maimu mane'eku kaleli nami? Nahu kab̄adecou Nggomi: Nggomi Ma Raso ra nggadu b̄a Allah Ta'ala!>>
35 Isa ficana roh setan ede, <<Midi! Losapu d̄i dou ake!>> Edempara roh setan ede losana, ndad̄ina dou ede mbo'o ^batena weki d̄i tando dou mboto. Roh setan ede losa laona kai wati ka^bune-^bunena dou ede.
36 Sara'a dou midi adena, ro nggahina d̄i sab̄ua lab̄o ma kalaina, <<Heba poda nggahi ro eli-Na. Kai kuasa, Sia kauna roh-roh setan ede losa, ro roh-roh setan rau losana!>> 37 Edempara haba mab̄oha Isa mbou d̄i sara'a dana ro rasa ede.
Isa Al Masih katahona supu riana siwe la Simon Petrus ro dou-dou makalai
4:38-41
38 Isa tu'u wi'ina uma sambea ro ibadakai ede, edempara laona aka uma la Simon. Riana siwe la Simon wunga hengge sari'ina, ro dou-dou ngoana au ma ndad̄i ede d̄i Isa. 39 Isa laona aka hid̄i marukai ina ede, edempara kamborana hengge sari'ina ede. Hengge sari'i ede mbora lalona, ro riana siwe la Simon tu'u lalona ro kab̄uana ngaha ro nono d̄i ru'u b̄a siad̄oho.
40 Wakatu nci'i liro, sara'a dou lao wa'ana aka Isa cina ro angina ma wunga b̄oha b̄a mboto pahu supu. Isa tohona rima-Na ese wawo cua-cua ndai siad̄oho ro katahona siad̄oho. 41 Roh-roh setan rau losa d̄i ade mboto dou, ro kanggica salahona, <<Nggomiku Ana Allah!>>3
Pala Isa ^bakana siad̄oho ro wati kauna siad̄oho nuntu, b̄ara siad̄oho nab̄adeku Sia ede Sangaji Makasalama.
Isa Al Masih ngoa ro teina d̄i kota-kota makalaina
4:42-44
(Mrk. 1:35-39)
42 Wakatu tampu'u wontu liro, Isa tu'u wi'ina kota ede ro laona aka sab̄ua hid̄i ma lingi. Dou-dou tampu'ura ngupana Sia, ro wakatu siad̄oho rumpana Sia, siad̄oho na'usahaku loakud̄u Sia aina tu'u wi'ina siad̄oho. 43 Pala nggahi Isa, <<Haba Mataho mab̄oha Karaja'an Allah pab̄uaku d̄ingoa ro kahaba rau b̄a Nahu d̄i kota-kota makalai, b̄ara ru'u edeku Allah Ta'ala nggadukaina Nahu d̄i dunia.>>
44 B̄ara ndedena Isa ngoa ro teina d̄i uma-uma sambea ro ibadakai d̄i sara'a dana ro rasa Yudea.