Paulus pung Surat par
Titus
Kata-Kata Partama
Sapa yang tulis surat ni: Orang yang tulis surat Titus ni Paulus. Abis kasi tau Kabar Bae di pulo Kreta, Paulus minta Titus tinggal di situ par ator jamaat (1:5, 2:15).
Surat ni par sapa: Surat ni par Titus. Dia tu orang bukang Yahudi yang parcaya Yesus (Galatia 2:3). Dia ni satu dari Paulus pung tamang yang karja sama-sama deng Paulus par kasi tau Kabar Bae (2 Korintus 8:23; Galatia 2:1-5). Paulus parcaya dia par urus hal-hal panting (2 Korintus 7:6, 13-14, 8:6, 16-24, 12:18).
Mangapa Paulus tulis surat ni: Lewat surat ni Paulus kasi inga Titus soal atorang-atorang par pili penatua (1:5-9). Dia kasi nasehat Titus soal bagemana Titus musti tolong deng kasi balajar ajarang yang batul par jamaat di pulo Kreta, biar dong labe tamba parcaya Yesus Kristus deng batul-batul tau apa yang Antua mau. Dia minta Titus kasi barenti orang-orang yang kasi balajar ajarang yang seng batul deng yang malawang Tuhan Yesus pung ajarang (1:10-11). Dalang surat ni jua Paulus minta Titus capat-capat iko dia ka kota Nikopolis (3:12).
Surat ni tabage par babarapa bagiang:
| 1:1-4 | Tabea |
| 1:5-16 | Atorang-atorang par jadi penatua |
| 2:1—3:11 | Nasehat-nasehat biar hidop iko Tuhan pung mau |
| 3:12-15 | Paulus tutu dia pung surat |