Paulus pung Surat par
Filemon
Kata-Kata Partama
Sapa yang tulis surat ni: Orang yang tulis surat Filemon ni Paulus. Paulus tulis surat ni waktu dia ada dalang bui di kota Roma.
Surat ni par sapa: Surat ni par Filemon. Paulus kasi tau Kabar Bae par dia la dia parcaya Yesus la bagabung deng jamaat di Kolose. Dia tu orang yang kaya di kota Kolose deng dia tu orang panting dalang jamaat, la jamaat jaga bakumpul di dia pung ruma.
Mangapa Paulus tulis surat ni: Dalang surat ni, Paulus minta Filemon par tarima Onesimus kombali. Onesimus ni Filemon pung jongos yang lari dari dia pung bos tu. Dia lari ka Roma la baku dapa deng Paulus, la Paulus kasi tau Kabar Bae par dia la dia parcaya Yesus. Dia jaga bantu Paulus di bui.
Paulus suru Onesimus musti bale par dia pung bos Filemon tu kombali, mar mangkali Onesimus taku. Barang waktu itu kalo iko hukum Roma, kalo jongos lari dari dia pung bos, dia bisa dapa hukum mati. Jadi Paulus tulis surat par Filemon minta dia kasi ampong Onesimus deng tarima Onesimus kombali (17). Paulus jua bilang kalo Onesimus pung utang, nanti Paulus yang bayar akang samua (18).