Paulus pung Surat Kadua par
Timotius
Kata-Kata Partama
Sapa yang tulis surat ni: Orang yang tulis surat 2 Timotius ni Paulus. Dia tulis surat ni waktu ada dalang bui di Roma tagal kasi tau Kabar Bae soal Yesus Kristus (1:8, 16-18, 2:9). Waktu itu dia dapa putus par dapa hukum mati (4:6).
Surat ni par sapa: Surat ni par Timotius yang ada karja par Tuhan Yesus di jamaat di Efesus. Lia Kata-kata Partama surat 1 Timotius.
Mangapa Paulus tulis surat ni: Paulus tulis surat ni par kasi kuat deng kasi samangat Timotius. Biar kata Timotius dapa susa deng sangsara, dia musti tetap tahang hati deng tetap biking dia pung tugas tarus. Paulus minta Timotius par tetap kasi balajar ajarang yang batul deng lawang orang-orang yang kasi balajar ajarang yang seng batul. Conto macang Himeneus deng Filetus yang ajar kalo Allah su kasi hidop samua orang yang su mati (2:17-18). Dia jua minta Timotius par datang capat-capat ka Roma (4:9, 21), tagal Paulus tau kalo Paulus pung waktu di dunya su seng lama lai (4:6-9).
Surat ni tabage par babarapa bagiang:
| 1:1-2 | Tabea |
| 1:3-18 | Nasehat soal kasi tau Kabar Bae |
| 2:1—3:9 | Soal guru parlente deng waktu dunya mau kiamat |
| 3:10—4:18 | Paulus pung nasehat deng pasáng |
| 4:19-22 | Paulus tutu dia pung surat |