Sura ni Suro
Yohane
anu mpolinguruna
Pepuua lolita
Mangula lolita nu topepotuu si Pue Ala ni banimpia, i Yohane mouki sura anu mpolinguruna ei lako i kota Epesu, mpane napakatuka sira ope-ope topepotuu si Pue Ala i propinsi Asia Kokoi.
Ni tempona i Yohane mouki sura ei, ria guru agama anu mangkeni patudu anu masala. Rauli nu guru agama aretu: baria mesua akala i Kerisitu mewali manusia. Raulira mbui: nauda madaa babeiata, baria mangkia, lawi wotota ngkida anu madaa. Anu rapailodo nu guru aretu iamo kapande. Asi baria rapailodora.
I Yohane mopakanoto kamasalana ope-ope pepatudura etu, nauli: i Yesu iamo Ana ni Pue Ala anu mewali manusia. Ane tainsani i Pue Ala, ina mobabei kita apa anu sintoto ai peundeaNa. Lempona, ina mopawia kita dosata, ina mampeulai kita parentaNa, ai ina mombepokaasi kita sadua ai sadua.
Sampangka tunggaia ni Yohane, tasumba i 1 Yohane 5:13, anu manguli, “Sura ei kuukika komi anu mepotuu i Ana ni Pue Ala bona niinsani mpuu kamansumbamimo katuwu malompe anu baria mokasopoa.” I rara nu sura ei tabasa basangkia kirana anu mopakaroso rarata, bona tainsani pansumbata katuwu malompe lako si Pue Ala (2:3, 5-6; 3:10, 14, 24; 5:11-12, 18-20).
Isi nu Sura
1. Pepuua Lolita (1:1-4)
2. Tuwu i rara pewangka ni Pue Ala (1:5–2:27)
3. Kita ana ni Pue Ala (2:28–4:6)
4. Sangangaa maasi rarata ewa kamaasi ni Pue Ala (4:7–5:5)
5. Sangangaa tapotuu pansumbata katuwu malompe anu baria mokasopoa (5:6-21)