Sura ni Suro
Yohane
anu mpolinguruna
Ngkora anu moparia katuwu
1
1 Isi nu sura ei mampololita Ngkora anu moparia katuwu. Ngkora etu, riamo lako ni mpolinguruna, kiepemo, kiita matamo, kisabikimo ai kipatoromo. 2 Anu moparia katuwu etu dongkamo i dunia ei, ai kiitamo. Etumo mpane kipakanotokamo komi kaimaNa. Kisabiki ka Iana anu moparia katuwu malompe anu baria mokasopoa. Ia anu ria simbela-mbela ai i Pue Ala Tuamata, ai anu rapatongawamo si kami.3 Apa anu kiita ai kiepemo, etu anu kipadongkaka komi, bona mosintuwu komi simbela-mbela ai kami i rara posintuwuta ai i Pue Ala Tuamata, ai i Yesu Kerisitu AnaNa. 4 Kiukika komi ei, bona maruminsi kamatonota.
Tuwu i rara pewangka ni Pue Ala
5 Eimo bambari anu kiepe lako si Yesu ai anu kipadongkaka komi: I Pue Ala iamo pewangka, si Ia baria ria kamadedi.
6 Ane tauli mosintuwu kita ai i Pue Ala, agaiana kamonsona tuwu kita i rara nu kamadedi, modongko kita ai baria kita mampeulai patudu anu mamonso. 7 Ane tuwu kita i rara nu pewangka, ewa i Pue Ala ria i rara nu pewangka, mewali tuwu kita i rara posintuwuta sadua ai sadua, ai raa ni Yesu Ana ni Pue Ala, mobakosimo kita lako i ope-ope dosata.
8 Ane tauli baria kita madosa, modongkoki kita wotota saduduata, ai baria kita mopairara patudu ni Pue Ala. 9 Ane tapangaku dosata, i Pue Ala batena mopabukei dandiNa si kita, ai Nababeika kita apa anu manoto: Naampuni sinangka dosata, mpane Nabakosi rarata lako i sinangka anu madaa.
10 Ane tauli baria kita madosa, mampopodongko kita i Pue Ala, ai NgkoraNa baria ria i rarata.