Sura ni Suro
Peturu
anu karombelana
Pepuua lolita
Sura ni Peturu anu karombelana ei, nauki i katuaanamo lako baria mani ia napopate ni Datu Nero, mewali sura ei rauki lako baria mani pae aono mpulu walu. I rara nu sura ei, i Peturu moewa guru-guru agama anu baria malompe babeiara, ai anu mopadongka patudu anu masala. Nauli ni Peturu, sangangaa mainga-inga kita i guru-guru agama anu mepakanawu, ai sangangaa mopakaroso kita peulata si Pue Yesu. Napatuduka mbui kita ni Peturu bona tapeulai mpuu patudu anu mamonso, lawi patudu etu rapadongkaka kita tau anu mangita mata, apa anu nababei ni Pue Yesu ai anu mangepe ntalinga sira pololitaNa.
Anu mopakasusa mpii rara ni Peturu, iamo guru-guru anu mepakanawu. Rauli nu guru aretu, i Yesu bariamo ina dongka mpesola i dunia (3:3-4). Nauli ni Peturu, i Pue Yesu baria mani mai mpesola, lawi sabara mani i Pue Ala i tau anu madaa (3:8-9).
Isi nu Sura
1. Pepuua lolita (1:1-2)
2. Sangangaa maroso pepotuuta ai tapakalompe babeiata (1:3-21)
3. Sangangaa mainga-inga kita i guru-guru agama anu mepakanawu (2:1-22)
4. I Peturu mampopaingaka kita kaina dongkaNa mpesola i Pue Yesu (3:1-10)
5. Lolita kasopoana (3:11-18)