Sura ni Suro
Peturu
anu mpolinguruna
Pepuua lolita
Anu mouki sura ei iamo i Peturu, sadua lako i topeguru ni Yesu anu sampulu rodua. Sura ei napakatuka sira tau anu mepotuu si Pue Yesu anu baria sira toYahudi anu meari i tana Asia Kokoi. Tau anu mepotuu si Pue Yesu etu, rapopesiasi sira nakenimpepotuura si Pue Yesu. Ria sira anu rakaisii lolita (2:11-12; 2:15; 3:16; 4:4). Ria sira anu batua katuwura anu rapopesiasi nu tuara (2:18-20). Ria mbui sira towawine anu rapopesiasi nu tomoanera, lawi tomoanera etu baria sira mepotuu si Pue Yesu (3:1, 6).
I rara nu sura ei, i Peturu mopakaroso pepotuura bona tetida sira i rara nu kapari. Nauli ni Peturu, lako i kapari anu morumpa sira, ina tongawa karoso nu pepotuura (1:6-7; 4:12). Mangula patudu ei, ane rapopesiasi kita nakenimpepotuuta si Pue Yesu, sangangaa mengkoru liliu kita si Pue Ala ai sangangaa tababei liliu apa anu malompe (4:19).
Isi nu Sura
1. Pepuua nu sura (1:1-2)
2. Tatoia i Pue Ala lawi Nakiraka kita pesarumaka anu maroso (1:3-12)
3. Sangangaa magali katuwuta, lawi napoana kita ni Pue Ala (1:13–2:10)
4. Sangangaa malompe babeiata i rara dunia anu madaa ei (2:11–4:19)
5. Patudu i tadulako nu tau anu mepotuu si Pue Yesu ai i tau wori (5:1-11)
6. Kasopoa nu sura (5:12-14)