Pewalina i

Pewalina

Pepuua lolita

Sura Pewalina ei, mampololita poteru dunia ai sinangka isina, tepesua manusia, ai mopakanoto mbui adiwa mpane dosa ai kapari ria i dunia, ai adiwa mpane manusia mePUE si PUE. Sura Pewalina ei pensani raparonggaa:

1. Watina 1-11: Poteru dunia, ai pepuaa nu manusia mampololita, lolitakana i Adama ai Hewa, i Kai ai Habeli, i Noho ai pelaboa nu ue, ai solompio i Babeli.

2. Watina 12-50: Tainsani kalako imbana mai ulububu nu toSaraeli. Ulububura anu kaisa iamo i Abram rainsani ia lawi manoto pepotuuna ai maruminsi pengkoruna si Pue Ala. Mpane lolitaka ni Isaki ana ni Abram, ai i Yako ana ni Isaki. I Yako anu rauli mbui i Saraeli. Mpane lolitaka nu sampulu rodua ana ni Yako anu tomoane. Siramo anu mewali ulububu nu sampulu rontina toSaraeli. Kasopoana sura ei tabasa kono i sadua ana ni Yako anu rasanga i Yusupu, ai sinangka anu mewali anu kasopoana mampopelimba i Yako sampoanakara lau i Masiri.

Naudapae sura ei mampololita kono i tau sira anu mpolinguruna, agaiana anu rapopoilodo iamo sinangka kamakuasa ni Pue Ala. Sura ei ratepuu lako i poteru ni Pue Ala dunia, mpane kasopoana mampololita podandi ni Pue Ala anu batena ina motulungi tauNa sira. Anu kaisa mewali puu nu pampekiri i ope-ope sura ei iamo: i Pue Ala mosuku tau anu mobabei sala. Ia mbui anu monini ai motulungi tauNa sira anu mobabei lolitakaNa. Sura ei rauki bona mopatongawa kaadiwana pepotuu nu tauNa sira, ai motulungi bona pepotuura etu batena tuwu.

Isi nu Sura

1. Poteru nu dunia ai manusia (1:1–2:25)

2. Pepuaa nu dosa ai kapari (3:1-24)

3. Pemulea mepuu lako si Adama dongka si Noho (4:1–5:32)

4. I Noho ai pelaboa nu ue (6:1–10:32)

5. Solompio i Babeli (11:1-9)

6. Pemulea mepuu lako si Sem dongka si Abram (11:10-32)

7. I Abram, i Isaki, ai i Yako (12:1–35:29)

8. Pemulea ni Esau (36:1-43)

9. I Yusupu ai pokana sira (37:1–45:28)

10. ToSaraeli i tana Masiri (46:1–50:26)