Kîrîro i

KÎRÎRO

Mantû ma îbuku rîrî

Îbuku rîrî, rîrî na nyîmbo itaano cia kîrîro. Wana wegua mwandîki warîo atigweteetwe îbukuuni ndeeni, nwa wîgue rîandîkirwe i kîroria Njeremia. Mwandîki i ka akûrîrîra Njerusaremu nyuma ya î kûbîîthua mwankaani wa 586 MKA Îbukuuni rîrî Njerusaremu nwa yoo, (Mwarî wa Sayuuni) kana (Mwarî wa Njunda.) Njeremia noonire bûra Ngai agaakaanûkia antû baake n'ûntû bwa ûthûûku bwao na njîra ya gwîtîgîîria Njerusaremu îînyangua, kinya nyuma ya kûbakaania mîanka îmiingî. Antû baingî i baagwatirwe mîgwate bairwa nthîgûrû îîngî wa ta bûra Ngai aarî akûbeera gûgaakarîka, Kûririkanania maathana 28:36. N'akûrîra n'ûntû bwa ûûgû na akîerekanagîra antû baake. Arî na kîeba n'ûntû bwa ûgu, îndî n'akûreeta wîrîgîîro kîrî antû baake. “ N'ûntû bwa wendo bwa Mwathani bûra bûtathiraga tûtaathirua, n'ûntû kîao gîake gîtithiraga.” Akaraga eerîgîîrîîte Mwathani n'ûntû ariuga, “Mwathani n'we rûgai rwakwa,” (Gîcu. 3:24). N'ûntû Njeremia aarî wa kuuma mûciî wa athînjîri ba Ngai, na Mwathani n'arî akûbaa wîrane atî akabamenyeera. Bo bataanenkagîrwa rûgai, Mwathani n'we akeegua arî rûgai rwao. N'we aarî mûbamenyeeri, (Gûtara 18:20.) Na n'akûririkania antû baake, “Mwathani n'ûmwega kîrî bara bamwîrîgagîîra na kîrî bara bamûceragia.” Îbuku rîrî rîrîrîîkîîria na Njeremia akîerekaga Mwathani acookanîîria Njerusaremu.

Gwookubî îbuku rîrî rîkari ûûgû:

Bieba bia Njerusaremu (1:1-22)

Îkaanûkia rîa Njerusaremu (2:1-22)

Îkaanûkia na wîrîgîîro (3:1-66)

Njerusaremu îtuîkîîte îganjo (4:1-22)

Iromba rîa kîao (5:1-22)