Luka 4

[Isa Alimasiiwu jaarabiye]

(Mace 4.1-11 ; Maarika 1.12-13)

Alla ga yanqa Isa Alimasiiwu kanma, a giri xannen ŋa. Fanka Sennen da a kanda katta gunjuran ŋa. 2 Tannaxate bito a gaa non ŋa, xa wa a jaarabini. A ma fo wo fo yiga ken waxati noxon ŋa. Tannaxaten biton ga dangi, dullen da a raga. 3 Ayiwa Ibiliisa ti a da : « Selli ya ga ni an ŋa tonŋun ŋa, ti ke gide na du yilla buuru yi. » 4 Isa da a jaabi nan ti : « A safanten wa Tawureeta yi ti :

“ Buuru baane nta sere birandini. ” »

5 Ibiliisa do a daga kanmu laaten ŋa na duna tunkaaxun su koyi a yi wucinne noxon ŋa. 6 A ti a da : « N na ku senben do i yanbanŋen su kinni an ya yi, baawo ku su kini inke ya yi, sere be xa ga na liŋo in da, n na i kini a kaman ŋa. 7 An xa ga na sujudi in da su, ke su wa ɲaana an xalle yi. » 8 Isa ti a da : « A safanten wa Tawureeta yi ti :

“ , an Alla, an nan xawa a baane ya batta, an gollini a baane ya da. ” »

9 Ken falle, Ibiliisa da a kanda katta yi, na a sigindi Allanbatikaxooren soorooron kanma, nan ti a da : « Selli Allanlenmen ya ga ni an ŋa, du fitta yanqana ke ! 10 Baawo a safanten wa Jabuuri yi nan ti :

“ Tunka Duumanten wa i maliikanun ɲaamarini ti i na an koroosi.

11 I na tigiti an ŋa xa an nan maxa finbi gide yi. ” »

12 Isa ti a da : « A koni Tawureeta yi ti :

“ Maxa Tunka Duumanten xenpe, an Alla. ” »

13 Ibiliisa ga da Isa jaarabi moxon danben su yi nan konto, a fate a yi katta waxati.

[Isa golle jaman ŋa]

(4.14-9.50)

[Nasaaranko balle Isa yi]

(Mace 4.12-17 ; Maarika 1.14-15)

14 Isa saage katta yi, Alla Fanka Sennen senben wa a kanma. Seron wa a fin koono noqun su yi mara ke noxon ŋa. 15 A wa seron xaranŋundini noxon ŋa, seren su wa a daroono.

(Mace 13.53-58 ; Maarika 6.1-6)

16 Isa daga , a ga xooro debe ke be yi. A ro allanxarankan noxon ŋa ŋa, Sibiti, xo koota kuttun moxo. A giri nan ti i wa Kitaabi Sennen xaranŋa. 17 I da kitaaben kini a yi. A da kitaabe ke bogu me yi, na noqu yogo xara, noqu ke be a safanten gaa a yi ti :

18 « Tunka Duumanten Fanka Sennen wa do in batten ŋa,

baawo a da in sugandi

n na kiɲandi misikiinun ŋa.

Komonkacen gaa sero beenu xannen ŋa, a da in xayi in na kace ke kutiyen kiɲandi i ya,

ku beenu finkinton ga ni, n na i yaaxon wuɲiyen xibaaren kiɲandi i ya,

sero beenu gaa tooran noxon ŋa, n na tooran bogu i kanma

19 do na seron xibaari ti Tunka Duumanten neeman siinen ŋa. »

20 Xaranŋe ke falle, a da kitaaben gunu na a kini xarankan golliɲaŋaanan ŋa, nan taaxu. Sero beenu gaa allanxaranka ke noxon ŋa, a su da i yaaxen tonto a yi. 21 Ayiwa Isa ti i da : « Axakun beenu ga giri ke noqu terinka Safandi Sennun noxon ŋa, a tinme axakun da lenki. »

22 A terinkaanon su da a toxo liŋen ko, i kaawa neeman digaamu beenu ga ɲi bakka a raqen ŋa. I ti xadi : « Yuusufu ren yugo ke xa ya ni de ! » 23 Isa ti i da : « N wa a tu ti axa wa riini ke taali katu in ŋa, ken ga ni : “ Jaarandaanan na i du jaara fina. ” Axa wa tini in da xadi : “ An ga da fo be ɲa yi, o da a su mugu. A me dabari yere yi kuŋa an yinme deben ŋa. ” » 24 A yille tini xadi : « N wa a koono axa da tonŋun ŋa ti annabinyinme su ma daroye kita i yinme saaredeben ŋa. 25 N faayi a koono axa da tonŋun ya ni : annabi kiyen ŋa, kanmen da siino sikki do taxande ɲa a ma tolli noxon ŋa. Ken ɲa sababu yi dullu xoore kutundi non ŋa. Ken bire xa yi, yaxarin gabe ɲi jamaane ke yi i kiinanu ga bono. 26 Xa Alla ma Hiliyaasu xayi katta hari yaxarin baane yi Banisirayila kun yaxaru yi de, a da a xayi katta yaxare yogo ya yi a gaa Sapata, ken ga ni Sidooni maran debe yogo yi, a xa kiina ga bono. 27 Seri gabe xa ɲi Banisirayila annabi Yeliisa kiyen ŋa fatanwatti buren gaa i ya, xa Banisirayilaganke fo wo fo ma daga katta a yi, ti a na i senondi bakka i watten ŋa, ma ganta Siirinka yugo yogo a toxon ga ni Nayima. »

28 Sero beenu ga ɲi allanxaranka ke noxon ŋa, i ga da ku sefo mugu, i butu ma i gaa dangini haqen ŋa. 29 I giri na Isa bagandi deben falle yi giden kanma, deben taaxunten gaa gide ke be kanma kuudo na a yonto katta ɲiiɲen ŋa. 30 Xa Isa duguta i ya, a bogu ti i naxan ŋa, nan daga.

[Jangiranton jaareye]

(Maarika 1.21-28)

31 Isa daga Kafarinoomu, ken ga ni Galiile maran debe tana yi. A da seron xaranŋundi Tuumayinkootan ŋa non ŋa. 32 I kaawa a xaranŋundindi moxon ŋa baawo a xaranŋundindini ti kandan ya yi.

33 Yugo yogo wa allanxaranka ke yi, jinnan seetaanen gaa a yi. Yugo ke luuke nan ti : 34 « Wooyi ! An manne ni o maxa, Isa  ? An ri o halaki ya ba ? N wa a tu an ga ni ke be yi : Alla seri sennen ya ni an ŋa ! » 35 Isa xiribe a yi nan ti : « An raqen raga ! An nan bogu yugon ŋa ! » Jinna ke da yugon sedi ɲiiɲen ŋa seron su jon ŋa nan bogu a yi ; a maxa toora tana su ɲaŋi a yi. 36 Sere ke su kaawa ken ŋa, i ti me da : « A da manne ko kundu ? A sefene jinnanun da ti fankan do senben ya yi ti i nan bogu seron ŋa, i na xosi bogu xa. » 37 Seron wa Isa fin koono do mara ke noqun su yi.

(Mace 8.14-17 ; Maarika 1.29-34)

38 Isa giri allanxarankan ŋa nan daga yugo yogo kan ŋa, ken toxon ni Simoona. A da a yaqen ma xajinten ɲi, fatankumu bure gaa a yi. I ti Isa na i bareke saxu ke xajinte kanma ma a wa sahana. 39 A ri jimi xajinte ke kanma nan xiribe ti fatankumun na a wara ; fatankumun da a wara. Ken sigira yi, yaxare ke giri nan sigi i da.

40 Kiyen ga xenu bire be, seron do sahantanbalin xabiilan su daga katta Isa yi. A da i kitten saxu i du baananbe su kanma na i sahandi. 41 Jinnanun ɲi bakka seri gabe xa yi i gaa luukene nan ti : « An ya ni Allanlenme ke yi ! » Xa Isa na doxo i ya ti i nan kuuru, baawo ikun wa a tu ti aken ya ni ke yi.

[Xibaari Liŋen konŋe Yehuudiyanun maran ŋa]

(Maarika 1.35-39)

42 Yillen ga kare tannu, Isa giri non ŋa nan daga noqu xiidinte yogo yi. Jama xoore da a muuru na a wari, nan joofe a yi. I da a xanu i nan mali a yi a nan toxo i maxa non ŋa. 43 Xa a ti i da : « N nan xawa Xibaari Liŋen koono debi kuttun xa yi ya, baawo ken ya saabu da ni Alla ga da in xayi riini. » 44 A ɲi waajundini ken ya yi maran allanxarankaanun noxon ŋa.