Maarika Linjiili
Maarika Linjiili roraqe
Maarika ni Piyeeri teranlenman ya, ken Piyeeri ni Isa Alimasiiwu faarun du baananbe ya. A do Pawulu xa demu gollini doome, ken xa ni Isa faaru ku yogo ya yi. Maarika ma ɲi kafiini Isa xaranlen fanon ŋa, xa ken do i moxo su, a siginten ɲi moxosiri nan katu Isa biremoxon su tuunu na a safa.
Maarika Linjiili ke ya ni kitaabu ku naxati su fo depen ŋa, xa tuwaanon fo gabe ti a fina ya n safe. A nan xawa a ga safe Roomu ya yi, tanjikke siine me Isa kallen do a wundiyen falle. Ku ga be feti Yehuudiyanu yi, kitaabe ke sefe kun ya da.
Isa ga da gollu be dabari, Maarika Linjiili ke sefe kun ya kanma nan xoto Isa sefon ŋa. Ken ya ni o gaa xibaaren do jaaranden ya gaben xaranŋa nan xoto Isa maaban do a xaranŋunden ŋa. Maarika wa fiinu yogonu fatanpansini, kun nta wariini kitaabu ku kuttun noxon ŋa. Maarika sefon wa a koyini nan ti sefo ku mugi sero ya yi, fiinun ga ɲaŋi ku beenu taanun kanma. A hanmin ɲi na Isa biremoxon tinmanten ya laxami, xoyi Linjiili kitaabu ku safandaanon su ga da i laxami moxo be.
Maarika Linjiili ke ra wa taxandini taxandu naxati, kun ga ni :
1) Isa moxosironde katta i gollen ŋa (\xt 1.1-13),
2) Isa golle jaman ŋa (\xt 1.14-10.52),
3) Isa koyi lagare : a rageye, a kiitiyen do a gengende do sallibinsollen ŋa (soora \xt 11-15),
4) Isa wundiyen do a dukoyiye (soora \xt 16).