Luka 3

[Isa moxosironde katta i gollen ŋa]

(3.1-4.13)

[Annabi Yahaya gangunde]

(Mace 3.1-12 ; Maarika 1.1-8 ; Yohanna 1.19-28)

Ayiwa, Roomu tunkanyugu xoore Tibeeri Kesaari tooren siina tanmu do karagandi, Ponti ya ni maranyinmanken ŋa, wa maran tooren ŋa, ken bire xa wa Yituure maran do Taraxoniiti maran tooren ŋa, Lisaana wa Habileene maran tooren ŋa. 2 Hanna do , kun ni ya yi.

Ken siine baane ya ni Alla ga da Jakkariyaawu renme Yahaya wara faarannaaxun kiɲandinden ŋa na a toxo gunjuran ŋa. 3 I gaa fanŋe ke be xilli «  », annabi Yahaya wuru do a xannen su yi. Ken moxo, a wa seron xilli riini wanqi, ken gaa i tuubiyen koyini kuudo i junuubunun na xafari. 4 Tunka Duumanten da a ko kitaaben noxon ŋa nan ti :

« Wurugexannen wa gunnen ŋa, a gaa tini :

“ Xa da Kamanen killen sirondi,

xa da a killi mison teleŋondi.

5 Xa da gunbanun bulu,

na gidi xooron do gidi lenmun su kara na i ɲokkondi.

Xa da killun teleŋondi na ɲengeyen bogu i ya,

Na killun noqu maɲanton su sirondi na i gemundi.

6 Alla na kisiyen koyi seron su yi. ” »

7 Jama gabe ɲi riini, annabi Yahaya na i wanqi. A ti i da : « Ku kooson soxoodinu ku ! Ko n ti axa ra wa kisini Alla yanganxata riyinten ŋa ti wanqiye yi, tuubiye ga nta a yi ? 8 Xa da gollu ya dabari kun gaa axa durasaageyen koyini. Xa maxa ti annabi Ibirahiima bonsonŋaaxu ke wa axa kisini, baawo in na tonŋun ko axa da ti Alla ra wa ku gidu yillana na i ɲa Ibirahiima bonsonŋun ŋa ko ! 9 Ayiwa yiden moxosironten ya ni yittun xanne maxa de ! A gaa i kuttu ma ɲiime : ken kuŋa, yitte wo yitte ga ma ren sire renmu, a wa kutiini nan sedi yinben ŋa. »

10 Jaman da a tirindi kuŋa, i ti a da : « O n xawa manne xa ɲaana kuŋa ? » 11 A ti i da : « Doroko filli gaa sere be xannen ŋa, an na baanen kini fataduurugumen ŋa. Biraadogumen xa wa kundun ŋa : biraado ga nta sere be maxa, a na a kaman yigandi. » 12  xa ri wanqi, i da a tirindi, i ti a da : « Xaranmoxo, o xa n xawa manne ɲaana ? » 13 A ti i da : « Xa maxa fo raga seron ŋa, sariyan ga ma fo be taaxu i ya. » 14 Kuranlenmon xa da a tirindi, i ti : « Oku xa, o n xawa manne ɲaana ? » A ti i da : « Xa maxa sere xaalisin boosi a yi, walla xa, na gaare siiti sere yi. Ganta, xa da Alla raga ti axa tugaadin ŋa. »

15 A su fadumanta xooren wa dugundini, baabe su da Yahaya ya ni ke yi. 16 Ken falle, Yahaya ti jaman su da : « Nke, n na axa wanqini ti jin ya yi, xa yogo wa riini inke falle, a wa in do fo wo fo naxa : n nta xawa ɲaana hari a kome yi, n gaa a tepunun bagandini a da. Aken na axa wanqini ti Alla do yinben ya yi. 17 A woyindixollen ya ni a maxa, a gaa funsen do gijen bakka me yi, a na funsen ro maran ŋa, na gijen buyi ti yinbe be ga nta kalla. » 18 Annabi Yahaya da kiɲandi seron ŋa ti gangundi gabu tananu xa yi.

19 Xa, a da tunka Heroodi ken jalagi ya, a ga da yaxi, ken ga ni a waaxin yaqen ŋa ; ken do a ga da gollu buru be tananu dabari. 20 Ke su falle Heroodi wa riini golli buru xoore tana ɲa : a gaa Yahaya yinme ragana na a texe kason ŋa.

[Isa Alimasiiwu wanqiye]

(Mace 3.13-17 ; Maarika 1.9-11 ; Yohanna 1.29-34)

21 Ayiwa, seren su wanqi falle keeta, Yahaya da Isa Alimasiiwu xa wanqi. Na Isa toxo allanbatten noxon ŋa, kanxotten wuɲi. 22 Alla Fanka Sennen yanqa a kanma xo boorinxullen sawura. Sefexanne xa giri kanxotten ŋa nan ti : « An ya ni in Ren xanan ŋa, n sewonten da an ya sugandi. »

[Isa danbe]

23 Isa ga da tanjikke siine me kita, a da i gollen jopa. Seron sinmeyen maxa,

Isa faaba ni Yuusufu ya yi,

Yuusufu faaba ni Yeli,

Yeli faaba ni Matta,

24 Matta faaba ni Leewi,

Leewi faaba ni Maaliki,

Maaliki faaba ni Yanne,

Yanne faaba ni Yuusufu,

Yuusufu faaba ni Mataati,

25 Mataati faaba ni Hamoosi,

Hamoosi faaba ni Nahuumu,

Nahuumu faaba ni Yeesili,

Yeesili faaba ni Nagga,

Nagga faaba ni Maati,

26 Maati faaba ni Mataati,

Mataati faaba ni Semini,

Semini faaba ni Yoseexi,

Yoseexi faaba ni Yooda,

Yooda faaba ni Yohanna,

27 Yohanna faaba ni Reesa,

Reesa faaba ni Jurubaali,

Jurubaali faaba ni Salateeli,

Salateeli faaba ni Neeri,

Neeri faaba ni Maaliki,

28 Maaliki faaba ni Haadi,

Haadi faaba ni Kosama,

Kosama faaba ni Madaamu,

Madaamu faaba ni Yeeri,

Yeeri faaba ni Yuusawu,

29 Yuusawu faaba ni Yelijeeri,

Yelijeeri faaba ni Yoorimu,

Yoorimu faaba ni Mataati,

Mataati faaba ni Leewi,

Leewi faaba ni Simoona,

30 Simoona faaba ni ,

Yehuuda faaba ni Yuusufu,

Yuusufu faaba ni Yonaamu,

Yonaamu faaba ni Laxiimu,

Laxiimu faaba ni Meela,

31 Meela faaba ni Menna,

Menna faaba ni Mataata,

Mataata faaba ni Nataani,

Nataani faaba ni Daawuda,

Daawuda faaba ni Yisaayi,

32 Yisaayi faaba ni Woobedi,

Woobedi faaba ni Buwaasi,

Buwaasi faaba ni Salimoona,

Salimoona faaba ni Nahasoona,

Nahasoona faaba ni Hamidaabu,

33 Hamidaabu faaba ni Hadimiina,

Hadimiina faaba ni Haarini,

Haarini faaba ni Hecerooni,

Hecerooni faaba ni Pereeci,

Pereeci faaba ni Yehuuda,

Yehuuda faaba ni Yaaxuba,

34 Yaaxuba faaba ni Isiyaaxa,

Isiyaaxa faaba ni Ibirahiima,

Ibirahiima faaba ni Teera,

Teera faaba ni Nahooro,

Nahooro faaba ni Seeruga,

35 Seeruga faaba ni Reewu,

Reewu faaba ni Pelege,

Pelege faaba ni Heeberi,

Heeberi faaba ni Seela,

Seela faaba ni Xenaani,

36 Xenaani faaba ni Harifaxisaadi,

Harifaxisaadi faaba ni Saami,

Saami faaba ni Nuuha,

Nuuha faaba ni Lemeexi,

Lemeexi faaba ni Metuseela,

37 Metuseela faaba ni Hanooxi,

Hanooxi faaba ni Yeredi,

Yeredi faaba ni Malleli,

Malleli faaba ni Xenaani,

Xenaani faaba ni Henoosi,

38 Henoosi faaba ni Seeti,

Seeti faaba ni Haadama,

Haadama faaba ni Alla.