Isua zolāi Sōmleianni ngāi atīr
10
1 Isuan azolāi Sōmleianni ngāi chu akōma apāia,
raluai annim ngāi anzūl theina,
ana dōra le rikhua rāikhua tin andam theina rang amāni kōma ningneina apēka.
2 Hiva zolāi Sōmleianni ngāi raming ani zei,
mānsana chu Simon,
amān Peter ei ti ha,
hanūk aparual Andria,
Zabedai nāi pasal ngāi Jakob le aparual Johan.
3 Philip,
Bartholomoi,
Thoma le siachōi ansuangpu Mathāi,
Alphai nāi pasal ngāi Jakob le Thaddaia,
mīn Lebbaia ei ti.
4 Zelot Simon le ama ansūrpu Iskariot Juda ngāi ani u na.
Sōmleianni ngāi ei tīrna rui
Mk.
6:7 - 13 Lk.
9:1 -6
5 Hiva Sōmleianni ngāi kōma Isuan hiva chong ei pēk anga aman sēna:
“Jentail ngāi kōma sē u nō ro,
hanūk chu Samari ngāi khua angkhat peia valūt u nō ro.
6 Hanēk tenchu Israel nama bera anpei ngāi kōma sē u ro.
7 Hanūk chu nei sē tir u na hiva chong
ana ngāi vamandam u ro.
Āthi ngāi vamathui u ro.
Aphār ngāi vamanthiang u ro.
Hanūk chu raluai ngāi varazūl u ro.
Asik chu man abuia nei man u,
man abui dēna pe u ro.
9 Na marsa u na rāngkachak mo,
sumru mo ole dangka mo itē chōi u nō ro.
10 Khual zinna ranga marsa mo,
kultāi anni mo ole sendel mo,
sunrol mo itē chōi u nō ro.
Asik chu sin athōpu chu ei lō aman rang arua kēng.
11 Hanūk chu khualian mo khopui mo na valūt u tika havana mi achi rua ha varok u ro.
Hatuka mun ateia na sē māseng chu ama ina han om chian u ro.
12 Hatuka in khata na valūt ule chibai vathō u ro.
13 Hava in ha āting aniten,
phūkdāina om rase ti u ro.
Tenchu hava in ha āting nōk aniten,
phūkdāina na kōm u na hong kīr rēt rase.
14 Hanūk chu mīn ana lei phām u nōka,
na chong ril ana lei rangāi pe u nōk ten,
hava in le hava khua na māk u tika na kephana ravut athinga māk u ro.
15 Taktaka kei na ril ani u zei,
ruiril nikhua tika chu hava khua nēk ten Sodom khua le Gomora khuan ei tiar rang azia om bet inti.
Antakna ei hong tung rang rui
16 En u ro,
ngelang bila bera antīr anga nangni hi kei na tīr u,
hasika han marūl anga hian u tān vasu anga sing u ro.
17 Tenchu miring ngāi āta anrēng u ro,
asik chu amānīn ruiril zōla na betōk untia,
anchunna ina na zēm unti.
18 Koi ka sika ram oppu le rēng ngāi matona na ruai untia,
amāni le nam atei ngāi kōma nei manriat theina ranga na ruai unti.
19 Tenchu ana betōk u tika,
hong mo nei ril rang,
hontin mo nei ril rang ati na mandon u nō ro.
Asik chu hava hun tika hong mo nei ril u rang hava ha Pathianin na hong pe unti.
20 Hava ha nangni nāta ni mak aril rang tenchu na Pa u Ratha kēng nangni amanga aril rang.
21 Hatuka chu parual lesa ānthat ranga anbetōk unti,
Pain nāi pasal betōk inti,
nāi ngāiin nu le pa chunga dui unti,
amāni athat la chang unti.
22 Mi tinin ka raming sika na mumāk unti,
tenchu ahek ten peia angīrtit chu zōkna man inti.
23 Mīn hava khuana anasinsak u ten,
hanūk khua tei rēta rot u ro.
Taktaka kei na ril ani u zei,
Israel rama khopui dōra na mantong sua u mān koi Miring Nāi Pasal kei hong rang ani na.
24 Mīnchūpu nēka anchūpu hi lian ual mak,
apuma nēka suak um lian ual mak.
25 Mīnchūpu anga anchūpu ha ahong achangten,
hanūk chu apuma anga suak um ahong achangten,
hadōr han ahun kēng ani zei.
Mīn inlusipu rang ngal Beelzebul ati thei u ten,
ainsūngkua mi ngāi vāngin chu ituk mo ei ti u rang kēng.
Tu mo anchi rua?
Lk.12:2 -7
26 Tenchu hava ngāi ha achi u nō ro.
Asik chu anlang nōk rang ānthup itē om mak,
ariat nōk rang ānip um itē om mak.
27 Azīng
kāra kei na ril u ngāi hi ra-ānga varil u ro,
na kuar kunga nei riat u ngāi ha inchung sīpa vahāi u ro.
28 Taksa rong athat thei tenchu ratha that thei lui ngāi chu achi u nō ro.
Tenchu Gehenna moipuia taksa le ratha anānsiat rit thei ha achi u ro.
29 Vachek anni hi siki khata anzuar mak mo?
Hanum nisela hava ngāi ha na Pa u hān riat luia angkhatte ngal phila chul map rang om mak.
30 Na lu na samsang dōrām amān ei tel kiar kēng.
31 Hasika han achi u nō ro.
Vachek ātampa nēka nangni chu achālaka alu kēng na ni u.
Isua apom le aheng
Lk.12:8 -9
32 Hasika han tukareng miring matona koi ana pom tak chu,
koi um vāna ka Pa matona pom ka ti.
33 Tenchu tukareng miring matona koi ana heng tak chu koi um vāna ka Pa matona heng ka ti.
Phūkdāina apēk ni
mak khendāi apēk kēng
34 Maniapūra phūkdāina apēk ranga ahong ka ni ati na mandon u nō ro.
Phūkdāina apēk ni mak kei hong,
tenchu khendāi apēk ranga hong ka ni.
35 Asik chu:
‘Nāi pasalin apa chunga,
Nāi nupangin anu chunga,
Muinūn atarpi chunga anduina
asin ranga hong ka ni.’
36 Hanūk chu,
‘Ainsūng mi len ama le ama
aninga anduina āsin ranga
hong ka ni.’
(Mik.7:6 )
37 Tukareng koi ka nēka nupa andit chu koi ka mi achang rua ni mak.
Hanūk chu tukareng koi ka nēka nāi nupang nāi pasal andit chu koi ka mi achang rua ni
mak.
38 Hanūk chu tukareng akros anputa ka nūk na hong zī lui chu ka mi achang rua ni mak.
39 Tukareng ama ei damna anzōk zōt chu machān inti,
tenchu tukareng koi ka sika ama ei damna anchān zōt chu mazōk inti,”
ati na.
Rātpākna aman rang
Mk.9:41
40 “Tukareng nangni ngāi ana pom tak chu,
koi ana pom ani zei.
Hatuka koi ana pom tak chu,
koi ana honga tīrpu apom ani zei.
41 Tukareng deari ati na,
deari anga ana lei apom chu deari rātpākna man inti.
Hanūk chu tutareng mi ati na,
mi dik anga ana lei apom chu mi dik rātpākna man inti.
42 Tukareng hiva mi sīn ngāi bila ka zolāi ati na khuri khat dak tīdāi annēk chu arātpāk machān nō ni.
Taktaka kei na ril ani u zei,
arātpāk man rang chu machān pial nō ni,”
ati na.