Surano i Paulus hai jema'a
Efesus
Pobetekino Gau
Die sura niburino i Paulus tempono tetorungku hai kota Roma tendenomo pohedoano moleleako Lele Mohende. Die sura nta lako hai miano jema'a Efesus ronga hai jema'a suere da inokudahino.
Dahano kota Efesus hai Propinsi Asia (diekana wonua Turki), yahoo kota da owose ronga konee. Koie i Paulus ario moo'ia kokeena otolu ta'u mompotisu dadaano Lele Mohende ronga moweweu da tinekangkaako (Tulurando Rasulu pasala 19). Yahomo kai me'alu miano Efesus da parasaeaho Apu Yesus.
I Paulus mokomenteeho patuduno Apu Alla kai pokontewalio Kristus « kapala da pokome'asa'o luwu da da'a hai suruga ronga hai wita'ea » (1:10). Ronga barakati'ira miano mparasaea kai me'alu kindo boboto'akono Kristus.
I Paulus momparere nta mokomenteeho dadaano boboto'ando miano mparasaea kana pokosangka wotoluno Kristus, ronga Kristus da atoro'o (4:16); kana rahano Apu Alla, ronga Kristus kowati watu pompu'uino (2:20); ronga miano da kosampora pinarereako kana Kristus ronga jema'a (5:23-32).
I Paulus me'oliwi mekona hai bangu-banguno miano ngkosampora, miano motu'a ronga anado, naamo ata ronga apundo (5:22-6:9), kai pe'oliwi kando pake'o sandatano Apu Alla, kando to'ori ta'oo akala mosa'ono ponggawano bilisi (6:11).
Die hai sura, hi pokopehawa'o i Paulus pompeehawano Apu Alla mentete hai Yesus Kristus, te'o'angka'o pelaroano, kana da tegambara hai gau da pinakeno, mentoda'ano larono da kolanga-langa montarimakasi ronga reree'o Apu Alla. Po'ontono i Paulus, luwu da kadadia po'anggano metampu'u hai pololarono Kristus, da ehe marasai nta pokosalama'o to manusia ronga ampunio dosando.
Ihino sura
1. Salamu (1:1-2).
4. Amalano Paulus kato to'orio molueno pololarono Kristus (3:14-21).
5. Piaraa boboto'a ronga pokomorodoo jema'a (4:1-16).
8. Pake'o luwu sandata mamusuno Apu Alla (6:10-20).
9. Salamu kompura-puraano (6:21-24).