Sura nipakatuka to Ibrani i

Sura nipakatuka to

Ibrani

Popamulana

Sura ei nitulisika to Yahudi to namparisaya i Yesus. Isira ei nikasangai muli to Ibrani. Isira mpuu-mpuu niduasi nu tou sabana peparisaya-ra si Yesus, nangkajadika naria-ra saganta nangkosu lako ri peparisaya-ra pade nesua nculi ri agama Yahudi. Ee-mo sabana pade nitulisika-ramo sura ei bona mampakaroso dodo peparisaya-ra si Yesus.

Tado nincani-ta bayema ntoto-da to notulisi sura ei.

Topotulisi sura ei nopanotosi Potipa Nabou to niwei nu Allatala ante karata ni Yesus ri dunia. Niuli-na nabelopa Potipa Nabou ei pade Potipa Nasae to nitutu nu tou noagama Yahudi. Nipopatora-na si sira bona nemo maora peparisaya-ra mangkajadika rapambela suku to masipato ratarima nu to nowia nuanu nadaa.

Sura ei nopanotosi bakote i Yesus Ana nu Allatala, to neliupa kabete nu kuasa-Na lako si nabi Musa bo nabi-nabi ntanina. Neliupa kabete nu kuasa-Na lako ri malaeka-malaeka ni Pue bo topangkeni to Yahudi. Ia niongko najadi Toballia Bete to nangkeni penomba to nantolosi bo nogempu jeko nu manusia, ante kamatea-Na ri kou salib nancambei-ta.

Topotulisi sura ei mbii nopanotosi kana maroo peparisaya-ta bona mampakadonu rara nu Allatala. Nipololita mbii jonjo mpeparisaya totua to Yahudi ngkoulu bona mampakaroso peparisaya nu topobasa sura ei. Pade nipanotosi mbii beiwa inggu masipato rapowia nu tou to nipakasalama ni Yesus.

Isi nu sura

I Kristus noparata lolita nu Allatala ri manusia (1:1-4)

I Yesus nabetepa kuasa-Na lako ri topangkeni potipa nu Allatala nokoulu (1:5-7; 28)

Nabetepa kuasa ni Yesus lako ri malaeka-malaeka nu Allatala (1:5-2; 18)

Nabetepa kuasa ni Yesus lako si nabi Musa bo i Yosua (3:1-4; 13)

I Yesus najadi Tobalia Bete duuna ri kasae-saena (4:14-7; 28)

I Yesus Tobalia Bete to nampeganai potipa nu Allatala to nabou (8:1-10; 18)

Potipa nu Allatala to nokoulu nabelo agiana nelabi ntotopa kabelo nu potipa to Nabou (8:1-9; 10)

Pobago ni Yesus najadi Tobalia Bete nelupa kabelona lako ri pobago nu tobalia nto Yahudi ngkoulu (9:11-10; 18)

Inguu masipato rapowia nu tou to nipakasalama ni Yesus (10:19-13; 25)

Kana maroo peparisaya, nemo maora (10:19-39)

Jonjo-jonjo nu tou neparasiya to nampakadonu rara nu Allatala (Pasal 11)

Kana maroo peparisaya tempo raduasi, pade nemo mamporou kabelo nu Potipa nu Allatala to nabou (12:1-29)

Inguu to nampakadonu rara nu Allatala pade lolita kaopuana (Pasal 13)