Sura Filemon i

Sura si Filemon

Popamulana

Sura ei nipakatu ni Paulus si Filemon, sadua topeparisaya to nasugi ri ngata Kolose. Naria sadua batua-na to nisanga i Onesimus. I Onesimus ei nangani lako ri maradikana i Filemon, nalou ri ngata Roma. Tempo ee i Paulus rancana nitarungku ri ngata Roma apaa nampopowole Kareba Belo. Tado nincani ba beiwa dala mpotomu ni Onesimus ante i Paulus ri ngata Roma, pade ante pepatuduki bo petulungi ni Paulus, i Onesimus ei najadi neparisaya si Yesus.

Naopu ee, nitudumo ni Paulus i Onesimus manculi ri maradikana i Filemon, pade nipakatu mbiina sura ei. Ri rara nu sura ei, i Paulus nerapi si Filemon bona natarima mpanculi i Onesimus ante mabelo, tado kawule ewa batua, agiana ewa sarara saongu kaparisayaa.

Isi nu Sura

1. Petabe (1-3)

2. I Paulus nangune i Filemon sabana pepotowe bo peparisayana (4-7)

3. I Paulus nerapi bona i Filemon moampungi mpanculi i Onesimus (8-22)

4. Petabe kaopuana (23-25)