Sura ni Paulus si Titus i

Sura ni Paulus si Titus

Popa -mulana

I Titus ei tado to Yahudi, noudamo iwee nasae-yamo neparisaya si Kristus. Ia ei roa sampobagoa ni Paulus (2 Kor. 8:23; Gal. 2:1-3). I Paulus nopakatu sura ei si Titus bula ni Titus ri lewuto Kreta. I Paulus nantuduya matida isee bona mourusi todea nu Allatala. Naria tolu ngaya nuanu niuli ni Paulus ri rara sura ei.

Pamulana, i Paulus nantudu i Titus bona mo'ongko topangkeni todea nu Allatala ri lewuto Kreta. I Titus nipopatora beiwa inggu to masipato ri tou to majadi topangkeni todea nu Allatala (1:5-16). Karongayana, i Paulus nangulikaka i Titus nuanu to kana napatudukika tou to natuamo, to nangura, pade tou to natuwu najadi batua (2:1-10). Katolungayana, i Paulus nanguli bakote i Pue nampakasalamata tado lako ri kabelo nu ingguta, agiana lako ri towe rara-Na si Kita. Apaa towe rara-Na ee-mo pade kana mabelo ingguta (2:11-14; 3:3-7).

1. Petabe pamulana (1:14)

2. Inggu nu tou to majadi topangkeni todea nu Allatala (1:5-16)

3. Towe rara nu Allatala to nabete nampakasalamata lako ri ingguta to nadaa pade nampatudukita bona moinggu mabelo (2:1-15)

4. I Pue nampakasalamata sabana towe rara-Na si kita (3:1-8)

5. Nancambelai nuanu to nampakagero sintuwu nu todea nu Allatala (3:9-11)

6. Petabe kaopuana (3:12-15)