Sura ni Paulus to karongkani si Timotius i

Sura ni Paulus to karongkanina si Timotius

Popamulana

Sura ei nitulisi ni Paulus bulana nitarungku ri ngata Roma (1:8, 16-18; 2:9). Nincanina bakote tadomo masaeya rasuku mate. Etumo pade nitulisi-namo sura ei pade nipakatuna si Timotius. I Timotius ei sadua kabilasa to nangura dapa to nasaemo najadi wega singkalerarana ri rara nu pobagoana. Ia ei mbii topangkeni to Karasitee ri ngata Efesus.

Sura ei najadi awili ni Paulus si Timotius. Nipetetesiina i Timotius bona mamei mampeleiya (4:9, 21), apaa nalentoraya si Timotius (1:3-5). Nipakarosona rara ni Timotius bona mowia bago nu Allatala ante mpuu-mpuu (1:6-7). Niulikakana i Timotius bona mepatuduki ante pepatuduki to nakino (2:14, 16-18). Pade nipakarosona rara ni Timotius bona nemo malenteya mampopowole Kareba Belo ante sumawe bago ni Pue (4:1-2).

Ri rara nu sura ei, niuli ni Paulus maria ngoni tou to mangkeni pepatuduki to tado nakono ewa ei : “Naliumo tempona Allatala nopatuwu nculi tomate” (2:17-18). Batuana, naliumo tempona Allatala mopatuwu nculi to neparisaya si Kristus, pade ande mamateta ngoni, tadomo napatuwu nculita ri rara suruga. I Paulus nanguli, pepatudukira ee tado nakono, apaa ri eo ngkapurina ngoni Allatala mampatuwu mpanculi sumawee to namate. (Kalio mbii 1Kor. 15:12, 19-23; 1Tes. 4:6-17).

Isi nu buku ei

1. Petabe paramulana (1:1-2)

2. I Paulus nosukuru ri Allatala sabana peparisaya ni Timotius (1:3-5)

3. I Paulus nampakaroso rara ni Timotius bona mowia bago ni Pue ante mpuu-mpuu

4. I Paulus nampetetesii bona magasi i Timotius mamei mampeleiya (4:9-15)

5. Noudamo nitarungku i Paulus pade kana rasuku mate, naroso dodo peparisayana ri Allatala (4:16-18)

6. Petabe kaopuana (4:19-22)