Sura ni Paulus to paramulana ri i Timotius i

Sura ni Paulus to paramulana si Timotius

Popamulana

Sura ei nitulisika ni Paulus i Timotius. I Timotius ei sadua kabilasa to nangura-dapa to neparisaya, pade ba sangkia mpae-yamo nantutu i Paulus nangkeni Kareba Belo (Tutura Suro-Suro. 16:3; 17:14-15; 18:5; 19:22; 20:1-6). Tuama ni Timotius ei to Yunani, pade tina-na to Yahudi. Potulisi ni Paulus sura ei tempo-na natida ri Makedonia, pade i Timotius bula-na ri Efesus. Nipekiri ni Paulus tadopa maria loga-na malou ri Efesus. Ee-mo sabana pade nitulisi-namo sura ei pade nipakatu-na si Timotius (3:14-15)

Ri rara nu sura ei, i Paulus nantudu i Timotius bona matida ri Efesus-yamo ulu bona mampowia bago ni Pue (1:3, 18). Nitudu-na i Timotius mantagi tou to nangkeni pepatuduki to tado nakono (1:3-11; 4:1-6). Apaa ri Efesus naria tou to nangkeni pepatuduki ti tado nasimbei ante kareba Belo. Nepatuduki-ra nampake parenta Taurat to nitulisi ni Musa, noudamo iwee todo nakono pepatuduki-ra ee (1:7-8). Isi nu pepatuduki-ra ee, mamala-da mamparata kasalamaa ande ratutu pepatuduki to nipowia dodo-ra ee, ewa nemo moncamboko pade nemo mangkondi kondia to nipetagii (4:1-5). Ee-mo sabana pade nitudumo ni Paulus i Timotius mangewa pepatuduki-ra ee.

Naopu ee, i Paulus nantudu i Timotius bona mourusi bago ni Pue to tadopa nateurusi, ewa kabiasaa mosambaya (2:1-16), inggu to masipato ri topangkeni todea nu Allatala pade diaken to nobago ri rara pobagoa ni Pue (3:1-13), pade beiwa mantulungi to balu to netowei (5:3-16). Naopu ee i Paulus nampopatora i Timotius bona ingguna mantutu pepatuduki to nakono.

Isi nu buku ei

1. Petabe paramulana (1:1-2)

2. Tou to ratagi mangkeni pepatuduki to tado nakono (1:3-20)

3. Inggu to masipato rapowia nu tou to neparisaya si Kristus (2:1-3:16)

4. Beiwa dala mangewa pepatuduki to tado nakono (4:1-16)

5. Mourusi bago ni Pue to tadopa nateurusi (5:1–6:2a)

6. Mantutu inggu to nakono (6:2b-21a)

7. Petabe kaopuana (6:21b)