Markus i

Kareba Belo to nitulisi

ni Markus

Popamulana

Mantutu panguli to Karasitee paramulana, buku ei nitulisi nu sadua baleilo to nosanga i Markus. I Markus ei to namporoasi i Petrus ri rara mpolumakoa-na nangkeni Kareba Belo. Nuapa to nironge-na lako si Petrus, ee-mo nitulisi-na ri rara nu buku ei.

Ande ta-basa buku ei, ta-basamo nuapa to nipepatudukii ni Yesus ri topantutu-Ya. I Yesus nampopowole Kareba Belo to nanguli mopamula-mo Allatala moparenta majadi Mbagou ri dunia (1:14-15). Ia nakuasa nampakaori tou nadua pade nowura seta to nampesua tou. Topangkeni to Yahudi nangewa-Ya, pade noliwo mbii-ra mopatesi-Ya (3:6) Noudamo iwee tado nipanaganika-ra ni Yesus. Agiana niuli lou-Namo si sira Ia kana rapatesi (8:31; 9:31; 10:33-34), pade nitungkei-Namo nalou ri ngata Yerusalem, apaa patuju-Na madota mambei koro-Na rapatesi bona mantolosi manusia lako ri jeko-ra (10:45). Naopu-Yapa nipatesi, matuwu nculi-Yamo.

Patuju ni Markus notulisi buku ei, bona mopanotosi i Yesus eimo Mbagou Topepakasalama pade Ana nu Allatala (kalio 1:1, 11, 24; 3:11; 5:7; 8:29; 9:7; 14:61-62; 15:39). Patuju ntanina mbii mampakenita mantutu i Yesus nou-damo madea nuanu meruncu si kita (kalio 8:34-38; 10:29-31).

Isina

1. Paramula pobago ni Yesus (1:1-13)

2. I Yesus nepatuduki pade nampopekalio kakuasa-Na ri ngamba Galilea, nangkajadika topangkeni to Yahudi noliwo mopatesi-Ya (1:14, 3:6)

3. Kapolaa pobago ni Yesus ri ngamba Galilea (3:7, 6:13)

4. I Yesus nepatuduki pade nampopekalio kakuasa-Na ri ngata-ngata riolona ri ngamba Galilea, nangkajadika ana guru-Na nampangaku Iamo Mbagou Topepakasalama (6:14, 8:30)

5. I Yesus nalou ri ngata Yerusalem bona rapatesi-Ya radou (8:31, 10:52)

6. Inggu pade pepaguru ni Yesus ri ngata Yerusalem (pasal 11 duu-na pasal 13)

7. I Yesus nisoko pade nipatesi (pasal 14 duu-na pasal 15)

8. I Yesus natuwu mpanculi (pasal 16)