Roma
Nimi Sembe
Paulusti Mome Toro Pibogne
El nenerop yubu palilamap
Paulusti as soro kalurop as Roma wamek nimi sembe mome toro pibog yubu nene, “Na a'unag yanundi weamlulom,” aro mome toro pibog. Paulusti, “Uanun,” sembamogne anena, “Ik etpare as Roma wamneri, Yesusag wana palirop nimi taneko yepsinun. Yepsineba, sindi nen yeplamneikti, ‘Ambarelphululam,’ aro pogneikpa, mog so'o Spanyol sip yubu ambarelphunun,” sembaog. Sin Roma nimi agha Yesusag wana palirop nimi taneko, nimi sisa Yahudi nimiap, nimi sisa Yahudi kom nimiap wamek. Sin Roma nimi Paulusap anam haiptan komag Paulusti eldamne sembe babe, eldi Allah yubu ora asag ambatsiropne sembe babe “El nembahinun,” aro mome nene toro pibog. Ane sembe, Paulusti nimi tala-tala sip ambarelamsiog yubu ene, yubu kiki telekto tam maikno sembe tibin nenero mome toro pibog. Roma nimiag mome toro pibogne tamna nene sembe: Kristus sembe, Allahri nimi taulbahiropne sembe, Allahag wana paliropne sembe, Yahudi nimiap ora sisa nimiap ma'aptanepne sembe, Yesusag wana palirop nimiri nimi o'ona senero ul piropne sembe, mog so'o yubu sia lerop nimiri yubu ka'eropne sembe yubu kiki telekto mome toro pibog.
Paulusti Roma nimi sembe mome toro pibogha lomag wamlange
Paulusti eldamneap yubu walinge ambarelamsiogneap sembe (1:1-17)