Pilipi i

Sura ni Suro Paulu anu napakatuka jumaa i kota

Pilipi

Pepuua lolita

Pilipi iamo kota anu mabose i propinsi Makedonia anu napolumakoi ni Paulu i pobambarina Bambari Malompe. I bagona etu, mawori sira tau anu meewa, agaiana kasopoana ria mbui sira toPilipi anu mepotuu si Pue Yesu (Suro 16:1-40). Awetu lambumo i Paulu lako i Pilipi, basangkia mbela ria sira toPilipi anu mopakatu doi si ia bona tetulungi ai i bagona.

Basangkia mpae lako i tempo ni Paulu mopadongka Bambari Malompe i kota Pilipi, ratarunggu ia i Roma. Awetu raepe nu toPilipi bambari kono si Paulu, mopakatu mbuimo sira doi motulungi i Paulu i rara nu tarunggu. Doi etu nakeni nu sadua toPilipi anu rasanga Epafroditus. Kadongka ni Epafroditus i Roma, nakira doi etu si Paulu, mpane meari ia basangkia mbula i Roma bona modurei i Paulu. Liumo basangkia mbula, i Paulu motudumo i Epafroditus bona mesola. Mpane napakatu surana i toPilipi nakeni ni Epafroditus.

Ria basangkia mpangka tunggaia ni Paulu mouki sura ei. Napadongka adiwa katuwuna i rara nu tarunggu (1:12-26). Nakiraka sira lolita bona mosintuwu sira, mengkaiwoi rarara, mpane tetida sira i rara nu kapari (1:27–2:18; 4:2-3). Napololita tunggaiana motudu i Timotiu ai i Epafroditus lau i Pilipi. (2:19-30). Napatudu sira bona mainga-inga sira i tau anu madaa babeiara anu mangkeni patudu anu masala (3:1-2, 17-19). Mpane nauli maisi kalompena i toPilipi nakenimpetulungira anu nakeni ni Epafroditus (4:10-18).

Isi nu Sura

1. Pepuua lolita (1:1-2)

2. I Paulu manguli maisi kalompena si Pue Ala nakenimpepotuu nu toPilipi, mpane napekakaeka sira (1:3-11)

3. I Paulu mampololita karatarungguna: nakeningka ratarungguna mawori tau mangepe Bambari Malompe (1:12-26)

4. I Paulu mokiraka toPilipi patudu bona mosintuwu sira ai mangula sira pandiri ni Yesu (1:27–2:18)

5. I Paulu motoia i Timotiu ai i Epafroditus nakenimpobagora si Pue (2:19–3:1a)

6. I Paulu mampopaingaka toPilipi anu mangkeni patudu anu masala (3:1b–4:1)

7. I Paulu mopatudu sira toPilipi bona maroso posintuwura ai pepotuura (4:2-9)

8. I Paulu manguli maisi kalompena nakenimpetulungi nu toPilipi (4:10-20)

9. Tabea anu kasopoana (4:21-23)