Pathian aningneina
le anthang ngāi
9
1 Kristana om kei ni sika hin chongtak kei ril,
milak ril makung.
Ka tak chunga siat le sa riatna a om len um nisela Ratha Ānthiang lehan koi ana riatpui ani zei.
2 Ka sūngrīla hin achālaka lunghāngna le bāng thei lui lungnana kei tiar ani na.
3 Asik chu ka unāi ngai,
taksa tianga ka phung ngāi rathūla Krista kōm āta ansena khomāk atung rang khop peia kei zōt ani zei.
4 Amāni ngāi ha Israel mi ani u na,
Pathian anāi changna ranga ningneina ādōn,
anlianna,
Pathian le dān ankhitna thar,
dān ngāi,
biak ina Pathian dorbōndom le chongtin ngāi dōra ha amāni ta kiar ani na.
5 Na chipui ngāi dōra amāni tisuan ani u na,
hanūk chu amāni chi nāta ahong anzir Kristam āta u ani na.
Ama ha alom pei chunga Pathian ani na.
Tāituan tāituana ama chu anpāka om rase.
Amen.
6 Pathian chong chu akorong kēng ani zei ti na ni mak.
Asik chu Israel chi nāta mi senkhat anzir ngāi hi Israel mi tatak ni kiar mak.
7 Havan tin dēn han,
Abraham achi ei ni duai sika han aloma ama anāi tatak kiar ni u mak.
Tenchu “Isaak āta kēng nang na chi chu ei antel rang,”
(Anp.21:12 )
ti ha ani na.
8 Hava ti omzia chu - taksa balama anzir ngāi ha Pathian nāi ni u mak,
tenchu chongtin āta anzir nāi ngāi rong kēng Pathian nāi ati na ei antel rang.
9 Asik chu hiva hi chong antin lāia hē ani na:
“Hiva hun kei ruat ang taka
hong kīr rēt ka ti,
hava tika
Sara chu nāi pasal khat
mazir inti,”
ti hi ani na.
10 Hava duai la ni mak,
tenchu Rebika hām nisela pasal khat koini na chipui Isaak lehan nāi anphīr avonga.
11 Asik chu hava nāitete ngāi ala hong anzir u mān āta hanūk chu āsia le asa itē ala thō u mān āta Pathianin Rebika kōma chong arila.
Hava ha ama asin thō sika ni mak,
tenchu apāipu malung zōt ang taka,
Pathianin ei thangna aderdīn chu ei dettit ranga kēng.
12 Hasik han Pathianin Rebika kōma ei ti:
“Ulianin anāipa haso honga
dom inti,”
(Anp. 25:23 )
“Jakob chu kei madit ani na,
tenchu Esau chu ka
mumāka,”
ti chong ha ani na.
14 Hanle hong zāt mo koinīn nei ti rang ani zei?
Pathian chu dik mak mo nei ti rang ani zei?
Ni pial mak.
15 Asik chu Pathianin Mosi kōma ei ti:
“Lungkham kei mu na kōma
lungkham mu ka ti.
Hatuka lung kei manpōng
kōma lung manpong ka ti,”
(Ant.33:19 )
ati na.
16 Hasika han mīn ei zōt sika mo ei pūt sika mo ni thei mak tenchu lungkham ana mupu Pathian tak chunga zita kēng.
17 Asik chu Lekhabu ānthianga Pathianin Pharao kōma hiva chong hi ei ti:
“Nang amanga hin kei rātna ngāi kei manlang theina rang le maniapūr aloma ka raming ei anthang theina rang sika hin dingmun ansānga kei na siak,”
(Ant.9:16 )
ati na.
18 Hava sik han amān ei zōt tak pei chunga lungkham amuna,
hanūk chu ei zōt tak pei chunga malung amankhir pe na.
19 Hava taka han nangin nei na ti rang chu,
hanle ichanga mo āsia ei na la sūr chian?
Asik chu tu mo Pathian ei zōt dān aduia atuar tor thei ranga a om?
20 O miring,
nang tu mo na ni Pathian chong ansang thei rang?
“Ansin neinunin asinpu kōma han ichang mo hivan tin hin nei na sin,
ati mo thei ngāi?”
21 Hanūk rēt chu bēl abuakpūn philpok tak chunga ningneina dōn mak mo?
Asik chu bephil khat āta arēng ual zāt khēng le arēng nōk ual zāt khēng hi ei sin thei ni mak mo?
22 Pathianin ataksitna aman lang zōta hanūk chu mi ngāi kōma ei rātna aman riat zōta.
Hanum nisela,
Pathian ataksitna achang ranga anruatsa ngāi chunga achālaka dūk
adiara.
23 Asik chu Pathianin ama ei anlianna anchong chu alungkhammu bēl ngāi chunga ei manriat theina rang ani na.
Tiana han Pathianin hava bēl ngāi ha anlianna ranga ei ruatsa ani na.
24 Hava ha koini ngāi hi na ni zei.
Hava ngāi ha Jihudi nam rong āta ni mak ei kui tenchu Jentail ngāi kāram ei kui ani na.
25 Deari Hosean ei ti anga:
“Ka mi ni lui ngāi chu,
‘ka
mi,’
ti u ka tinga.
Hanūk chu kei madit nōknu
chu,
‘kei maditnu,’
ti ka ting,”
(Hos.2:23 )
ati na.
26 Hanūk chu hivan tin hin um ati rēta:
“Hintin hin ei ni rang ani na,
‘Ka mi ni u mak che,’
ei ti na
mun taka han
‘Pathian adam nāi na ni u,’
ti ka ting.”
(Hos.1:10 )
27 Deari Isaian Israel ruia hiva chong anringpana ei ti:
“Israel nam ngāi tipui bali
ramal anga ātam ngal nisela
Anniang ngāi rong kēng
sandama om u rang.
28 Asik chu Pumān maniapūr
rui ei ratanna sin chu anrap
sabaka adik taka hong kīm
inti.”
29 Isaian aphamān āta alei ril anga:
“Sipai rual ngāi Pumān chi na
māk pe nō sela
Sodom khuana mi ang nei ni
rang,
Hanūk Gomora khuana mi
ang nei phua rang nīnti,”
(Isa.1:9 )
ati na.
Israel ngāiin iam thei mak
30 Hanle hong zāt mo nei ti rang ani zei?
Dikna razūl lui nam atei ngāiin dikna aman sua u zeia,
hava ha iamna sika dikna ani na.
31 Tenchu Israel nam ngāi dikna ranga dān arazūl u nam nisela hava dikna dān ten ngal man thei u lāi mak.
32 Imo asik?
Asik chu amānīn iamna lehan razūl u mak,
tenchu asin athōna dān le kēng ei razūl u.
Hatuka hava anbana lung chunga han ei anba u ani na.
33 Lekhabu ānthianga ānziak anga:
“En ro,
Ziona anpalna lungte
le anbana lungpui chu
ka siak zei.
Ama aiam tak
chu mualphui ansak nō ni,”
ati na.