Anyaarubha e
Yakobho
Obhukangati
Anyaarubha ino ꞉yaandëkuru na Yakobho. Abhasömi bhaaru mbakobhugha kubha, Yakobho uno, n‑uno are omonyi o Yesu (umööhi Maariko 6:3). Yakobho ꞉naamënyuru chwee na abhaghëndi bha Yesu iyo Yerusareemu. Torasöma eghitabhu ke Amaköri gha Bhatomu 15:13 na 21:18, na mo‑nyaarubha ino ꞉yaandëkuru kwo Bhagharatiya 1:19 na 2:9, ntokorighi kubha, Yakobho naare omukangati o riikanisa re Yerusareemu.
Yakobho ꞉naandëkiri anyaarubha ino kwo bhaanabheegha bha Yesu bha Kiyahuuti, bhano ꞉bhaare bhasanchiri mo‑chaase echende (1:1), taanyi kwo mooto nyarebhe hamu erikinda nyarebhe re bhaanabheegha bha Yesu.
Kino ꞉ghiighëriri Yakobho akaandëka anyaarubha ino n‑kubha, ꞉nëëndiri kweghi Abhakirisito bhaghumereri mo‑masaki (5:7–11), na bhabhe na amangʼiini gha hëënë ghano ghaakoru kwo Waryobha (3:13–18). Wiiki nakobhatöngëra ighoro e mangʼana gha bhwame no obhuhabhe (5:1–6), na ghotugha ororeme (3:1–12), ni ighoro e bhokumi bhuno bhokuhëënëhibhu na amaköri amachömu (2:14–26), na kubha, omooto nakubharu kubha naanyi no obhuhëënë mo‑bhokumi, kurëngʼaana na amaköri ghaache.