Anyaarubha kwo
Bheebhuraaniya
Obhukangati
Omwandëki o nyaarubha e Bheebhuraaniya tamënyëkiine, naghotora kubha n‑omotomu Bhawuro, hamu Ruuka, hamu Bharinaabha, hamu omooto owonde. Omwandëki o nyaarubha ino naare Omokirisito uno are aryeche bhoheene Eriiraghano re Kare. Anyaarubha ino nekwërëki kubha ꞉yaandëkuru eriibhagha Erisëngërö re Ryobha re mo‑moghya o Yerusareemu reere rekeere kuhaanyoru. Erisëngërö riyo, ꞉ndiihaanywiru mo‑mooka o 70 korwera hano Yesu Kirisito ibhoriiru.
Omwandëki ꞉naabhaandëkiire Abhakirisito bha Kiyahuuti bhano ꞉bhaare bharanyaakibhu na abhaato bhano ꞉bhaare bharaanga obhokumi bhoobho. Omwandëki naare arabhatoora omukörö mo‑bhokumi bhoobho gho nchëra e kwërëki kubha Yesu Kirisito n‑o mahëënë, wiiki niwe aghoghatoora haheero amaköri ghoose gha Ryobha (1:1–3, 10:19–25, 12:1–13).
Ekebhune ke mwandëki n-kubha ꞉nëëndiri kwërëki, Yesu niwe akwërëki obhokumi obhokoro bho Ryobha. Wiiki nakuhënërëra kubha Kirisito m‑mokoro ghokera bhamarayika, na abhakangati na abhachaama bhoose. Gho nchëra e Kirisito omwene, abhaato bhoose bhano bhakomokumi mbaghotora ghosongʼaana obhotoori bho hëënë (9:26–28, 10:10, 14).