Seteri
Pepongkaa lolita
Hangkoia, to Yahudi ratawanihe to Babeli hai raantihe i Babeli. I pare 539 HM to Babeli iti rapombealaahe to Persia hai ranangihe, ido hai kadatua Babeli manawo i taienda to Persia. Mewali pohudaa poparentaana ralimba i wanua Susan hai inditimi pepongkana lolitakana katuwona Seteri. I tempo iti au mewali datu iami Ahasiwero au moparenta mepongka pare 486-465 HM (Seteri 1:1, 3:7).
Kira-kira i pare 473 HM, Seteri mewali towawinena datu i Persia (Seteri 2:6). I sura ide teuki tuntukana Seteri au mobundu ntepuu i to Yahudi au ara i Persia.
Kehapiri bara taisa kahemana au mouki sura Seteri ide, agaiana tongawa hangko i sura ide, au mouki iami hadua to Yahudi au moisa ntepuu adanda to Persia, hai au moisa ntepuu pambiarana Datu Ahasiwero.
Tunggaiana sura ide ara rompaka iami:
1. Mopatongawa noumba Seteri napake Pue Ala mamperurui to Yahudi hangko i kaina rapatunanda. Kehapiri hangana Pue Ala bara teuki i lalu sura ide, agaiana tongawa mpuu pekampaiNa.
2. Mopatongawa apa pongkana pane ara alo posusa Purim au mewali alo mahile katekabahanda to Yahudi au ara i Persia.
Ihi sura
1. Seteri mewali towawinena datu (1:1–2:23)
2. Haman motangara lalu dake (3:1–5:14)
3. Haman rahuku mate (6:1–7:10)
4. To Yahudi monangihe iwalinda (8:1–10:3)