Petoia
Pepongkaa lolita
Sura Petoia ide iami hampaka Sura Ngkorana Pue Ala au ihina nani petoia hai pekakae. Sura ide rauki bahangkia tauna au matumpali mowati, i lalu bahangkia kamahaena. Ope-ope nani petoia hai nani pekakae ide rarampu to Isaraeli hai rapake i lalu penombaanda, hai rapopesua i lalu Sura Malelaha.
Hinangka wati mpoagama au ara i lalu Sura ide ngkaia pakana: ara nani mpetoia, ara nani mpenomba i Pue Ala, ara nani merapi tulungi, ara nani merapi pekampai hai pehorema, pekakae merapi ampu, ara wori nani kabula lalu anti pewatina Pue Ala, perapi i Pue Ala bona mohuku ope-ope iwali. Hinangka pekakae au ara i lalu sura ide ara au rapahawe hadua tauna, ara wori pekakae tauna bosa. Bahangkia pakana hangko i pekakae iti, mopatongawa noumba pehadina laluna hadua tauna. Nani Petoia au ntanina mopatongawa hinangka au rapobilala hai noumba pehadinda lalunda tauna bosa.
Bahangkia pakana nani petoia au napake Pue Yesu ngkaia raala hai rapeulai topouki sura i Pototowia Wou, hai mewali sura mpenomba au raholoi to Sarani hangko i mpolinguruna peami.
Ihi Sura
Sura Petoia ide ara 150 kirana hai rauki i lalu 5 mbuana Sura au tekira node:
Sura kaisa: Kirana 1–41
Sura kadua: Kirana 42–72
Sura katalu: Kirana 73–89
Sura kaiba: Kirana 90–106
Sura kalima: Kirana 107–150