Petoia 1

Petoia

Sura Kaisa

(Petoia 1–41)

Rara tauna au manoto hai rara tauna au kadake

1 Morasimi tauna

au bara moula paturonda tauna au kadake,

au bara meangka i rara tauna au madosa,

hai au bara mohuda hihimbela hai topekakabosai.

2 Agaiana peundeana iami moula parentana Pue;

hai mampekiri liliu parenta iti, maroa mabaa ba kaindi.

3 Tauna iti morasi i hinangka bagona;

ia nodo hampoa kau au ratuda i wiwi owai,

au mowua ane hawemi tempona,

hai tawena bara ina malau.

4 Tauna au kadake bara nodo:

ia himbela hai kungku au tehimbaroka nawui himburu.

5 Idomi hai pane tauna au kadake ina rahuku i alo pebotusi,

nodo wori tauna au madosa ina rapatani hangko i tauna au manoto;

6 lawi Pue mangisa raranda tauna au manoto,

agaiana raranda tauna au kadake monontohi kapate au bara mokahopoa.