Titus i

Hura Paulus rau hi Titus

Popailodoa

Titus ei moma'i to Yahudi, naupawee nahaemi neparahaya hi Kristus. Hia ee dohe hampobagoa Paulus (2Kor. 8:23; Gal. 2:1-3). Paulus nopakatu hura ei hi Titus i pulau Kreta. Paulus nantudu'i mo'oha i ria bona mampauruhi jumaa. Naria tolu ngaa to laiuli rara hura ei.

Pamulana, Paulus nantudu Titus bona mampaongko penatua i Kreta. Titus laipalingai nangkambelai bewa ingku to mahipato hi tauna to mawali penatua (1:5-16). Karongaana, Paulus nangkewoka Titus napa to kana napatudukara tauna to natuaramo, to nanguraradapa, pade tauna to natuwu halaku batua (2:1-10). Katolu ngaana, Paulus nanguli ane Pue nampakahalamata moma habana nabelo ingkuta, naupawee habana kabohe towe-Na hi kita. Habana kabohe towe-Na eemile pade kana mabelo ingkuta (2:11–3:8).

Ihi buku ei

1. Tabe pamulana (1:1-4)

2. Bewa ingku tauna to mahipato mawali penatua (1:5-16)

3. Patudu hi totua, to nangura pade batua (2:1-10)

4. Pue nampakahalamata habana kabohe towe-Na pade nampatudukiita bona mabelo ingkuta (2:11–3:8)

5. Nangkambelai to nampakagero hintuwu jumaa (3:9-11)

6. Peboha pade tabe kahuduana (3:12-15)