Hura Paulus rau hi Filemon
Popailodoa
Hura ei laipakatu Paulus hi dohena to laikahangai Filemon. Filemon ee mai hadua to Karahitee to no'oha i Kolose. Hura ei laitulihi Paulus tempona laitarungku habana nampotolele Kareba Belo.
Filemon ee naria hadua batuana to laikahangai Onesimus to nalai lako houna. Onesimus notomu hante Paulus. Hinungkaina nonencani hante Paulus eemi, nawali neparahayami Onesimus hi Yesus.
Napu ee Paulus nangulika Onesimus bona manculimi rau hi Filemon, maradikana. Etu pade Paulus notulihi hura ei laipakatuna rau hi Filemon merapi bona Filemon mampa'ampuni Onesimus pade natarima nculi'imi, momami halaku batuana naupawee halaku ompi hangu kaparahayaana (16).
Rara baha Yunani, hanga Onesimus ee batuana: Nobunu. Aji iulina Paulus, ane ilodo Onesimus moma'i nobunu hi Filemon, welau ei apa neparahayami hi Pue Yesus, nobunumi hi Filemon pade nobunu muimi hi Paulus (11).
Ihi buku ei
1. Tabe pamulana (1-3)
2. Paulus nosukuru hi Alatala habana towe Filemon bo peparahayana (4-7)
3. Paulus nerapi hi Filemon bona natarima nculimi Onesimus (8-22)
4. Tabe kahuduana (23-25)