Surano i Paulus da meri'ou hai
Timotius
Pobetekino Gau
Die surano i Paulus da meri'ou hai Timotius, me'asa tora mongura da opiamo ta'u merongaakono i Paulus moleleako haratiano Apu Alla. Dahano i Paulus kai poburi die sura yahoo hai Makedonia, ronga i Timotius dahano hai Efesus. Nasai oru lako i Paulus hai Efesus, yahomo kai pokatuo sura i Timotius (3:14-15).
Da nigauno Paulus die hai sura otolu kara-kara da tepokai.
Lamoro me'asa yahoo tena'o i Timotius kai mokua leleako haratiano Apu Alla hai Efesus (1:3), ronga tabe'o miano kando osie mompotisu da sai menona (1:3-11). Kana'umpe hai Efesus dahoo miano da mompotisu da sai mengkena haratiano Apu Alla. Kanahindo da pompotisudo mebinta hai nabii Musa, sawali nasai pengkena da niweweundo (1:6-7). Koie pompotisu dahomo mehela'i da mebinta pompotisu Yahudi ronga da sa'iaa, ihino: die wita'ea mosa'oomo, ronga kai daa nta salama te'iaasi miano da awaa ponto'ori rahasia da matantu, ronga da nunu'o atora da matantu, kanano sai mesinca, ronga sai mongkaa da upali ronga suereno (4:1-5). I Paulus tena'o i Timotius kai osie mompoturusi koie pompotisu ntesala.
Ko'orua, namotisu'o i Timotius kai urusio dadaano jema'a ronga atorano sambahea, kanano: dadaano amala (2:1-8), sipano miano danta tewali powawaino jema'a (3:1-13), ronga cara da moico montulumi ntina walu da marasai (5:3-16).
Kompura-puraano namotisu'o i Timotius ki kana'umpe nta tewali atano Yesus Kristus da moico ronga kana'umpe tanggungjawabno hai tee-tee'asa kolompo wargaa jema'a.
Ihino sura
1. Pobetekino gau (1:1-2).