Surano ko'orua i Paulus hai
Timotius
Pobetekino Gau
Luwu surano i Paulus da hai Boku Haratiano Apu Alla, diemo sura niburino da merumbui'ea. Diemo sura niburino daano hai bolo ntorungku hai Roma (1:8, 16-17, 2:9). Da ponto'orino dahomo nta pinepate (4:6), yahomo kai poburiakono die sura i Timotius simbauno da mengkaumo tewali ponggawano miano Ngkarasitee hai kota Efesus.
Da me'a-me'alu ihino die sura yahoo oliwi hai Timotius pantano, kana simbau mpe'asa pohedono i Paulus da mongurapo. Dahoo pokompehawa'o kai mokua weweuho pohedoano Apu Alla (1:6-7). Dahoo tena'o i Timotius kai merare leu awaa (4:9, 21) namoko'auhakono (1:3-5). Oliwio kai mokua moleleako haratiano Apu Alla (4:2), ronga ungkaari to'uo da menona kai potisu'ira miano mparasaea (1:13, 2:2, 3:14). Dahoo mokompehawa'o i Timotius kai osie kenunuta itai hai pekakahiando miano mpore da sai to'orio hapa-hapa da te'iaasi moweweu tineposala'ako. (2:23-24).
Hai larono die sura, dahoo orua miano da nineeno i Paulus da moleleako pompotisu da sa'ia-iaa. Kanahindo, ariomo tealo pewanguando miano mate (2:17-18). Batuano, Apu Alla ariomo moweekita toraano da tonia die hai wita'ea, nangkuamo kasai da'amo nta pokompewangukita oleo perumbui. Yahomo kai lawanihira i Paulus, hi sai menona koie da pompotisudo. Da matantu, Apu Alla dahoo nta pokompewanguo pera miano mate.
Die hai sura, i Timotius pinokopehawa kai nunu'o tora-torano i Paulus, parasaeano hai Yesus Kristus, sabarano, pololarono, motendeno pinehawano ronga karasai da inawano.
Ihino sura
1. Pobetekino gau (1:1-2).
2. Pontarimakasi tendenomo imanino Timotius (1:3-5).
4. Dadaano Paulus (4:9-18).
5. Salamu kompura-puraano (4:19-22).