Surano i Paulus hai
Titus
Pobetekino Gau
Koie i Paulus moburi die sura nta lako hai Titus da moo'ia hai pulo Kreta, hina ari tena'o kai pasipolehira miano Ngkarasitee na'ico. (1:5). Koie i Titus na'iaa miano Yahudi, sawali pongkarasitee'omo ronga tewaliomo simbau mpohedono i Paulus.
Dahoo otolu masa'ala da nigauno hai bolono die sura.
Lamoro me'asa, i Titus pinokopehawa kana'umpe bangu-banguno miano danta tewali kamotu'ano jema'a (1:6-9). Masa'ala die kai paraluu, hina me'alu banguno miano Kreta da mosa'o. Ko'orua, kai po'awaakono ki kana'umpe nta pompotisuno tee-tee'asa kolompo ko'ira miano Ngkarasitee, yahoo ko'ira tama ronga tina da memotu'amo (da paraluu potisu'ira da mongu-mongurapo), tora mongura, naamo miano da mentesangkinaa (2:1-10). Perumbuino na'oliwio i Titus ki kana'umpe banguno miano Ngkarasitee da moico (3:1-11). Da kontu'uma yahoo miano mparasaea kai kolaro, ehe tepokona, osie mongkokolea miano, osie teposala atawa mompokontepobungku.
Ihino sura
1. Pobetekino gau (1:1-4).
2. Kamotu'ano jema'a (1:5-16).
3. Tugasino pera miano Ngkarasitee (2:1-15).
4. Oliwi ronga pompokompehawa (3:1-11).
5. Salamu kompura-puraano (3:12-15).