Surano i Paulus hai
Filemon
Pobetekino Gau
Koie i Filemon yahoo me'asa miano Ngkarasitee hai kampo Kolose. Dahoo atano da meneehako i Onesimus. Dahomo moo'ia kai polaisio ponggawano koie i Onesimus, kai lako hai kota Roma, koie tempo dahanomo tetorungku i Paulus tendenomo moleleako Lele Mohende. Kando tepo'awa i Paulus, kai potisu'o i Onesimus kai parasaeaho Apu Yesus.
Yahopo i Paulus kai oliwio i Onesimus kai pohule hai ponggawano. Sawali i Onesimus namomee. Yahomo i Paulus kai poburi die sura hai Filemon, kai osie mosa'o larono hai Onesimus, sawali kai ampunio. Kai po'ita i Paulus hai Filemon kai lawa'o i Onesimus kana petila sa'imanino, na'iaamo kana atano.
Hai gau Yunani, Onesimus batuano « koguna ». Kanahino i Paulus, nimpia i Onesimus nai koguna hai ponggawano. Sawali diekana, hina mparasaeahomo Apu Yesus, tewaliomo koguna (lamoro 11).
Ihino sura
1. Pobetekino gau (1-3).
2. I Paulus reree'o pololarono ronga imanino i Filemon (4-7).
3. I Paulus mo'ita hai Filemon kai ampunio i Onesimus (8-22).
4. Salamu kompura-puraano (23-25).