2 Korintus i

Surano ko'orua i Paulus hai jema'a

Korintus

Pobetekino Gau

Die kompenduano i Paulus moburi sura da lako hai jema'a Korintus. Koie jema'a ari niwanguno i Paulus. Tempono lako mohedo hai suere wonua, kando saba miano hai jema'a Korintus da sai ehee, kanahindo na'iaa rasuluno Apu Yesus. Yahomo i Paulus kai tena'o i Titus lako hai Korintus. Sadungkuno kokeena kai pasala'ira miano Korintus da sai ehee i Paulus. Kai pohule i Titus awaa i Paulus hai wonua Makedonia, kai po'awaakono hi daa me'alu miano Korintus da teboli'imo pelaroando, ronga ehe'iramo akui'o kana rasulu; moko'auhiramo hai Paulus. Sawali dahira asa ntilara da motea rapando, da dada'iaamo sai ehe akui'o i Paulus.

Sapodeaho koie lele, kai poburi i Paulus die sura. Da iso niburino mekona hai hubungano hai jema'a Korintus. Kai pokomenteeho sababuno hi ari pasala'ira hindo daa bali'o ronga poko'anu-anuo. Kai tuluraa pohedoano moleleako Lele Mohende mekona hai Yesus Kristus. Ronga mo'awaakondo miano Korintus dadaano pololarono i'ira ronga mohendeno hindo boli'iomo pelaroando. Yahopo kai po'ita miano Korintus kando kompuluo doi mpetotoa danta niwawano hai miano Ngkarasitee da marasai hai wonua Yudea (pasala 8 dungku 9).

Perumbuino i Paulus pokompengkenaa wotoluno hai karasu-rasulu da ineheno asa ntilara miano Korintus ronga pokompehawa'ira da sai akui'o kuasano kana rasulu (pasala 10 dungku 13).

Ihino sura

1. Pobetekino gau: Apu Alla lilimboicita (1:1-11).

2. Sababuno kai teboli'i patuduno Paulus leu awahira miano Korintus (1:12 – 2:13).

3. Pohedoano Paulus moleleako Lele Mohende (2:14 – 6:13).

4. Osie metaroaakono miano da sai parasaea (6:14 – 7:1).

5. Pino'itano Paulus kando tepokona mbule (7:2-16).

6. Petotoa lako hai miano Ngkarasitee hai Yudea (pasala 8 – 9).

7. Kuasano Paulus kana rasuluno Yesus (10:1 – 13:10).

8. Salamu kompura-puraano (13:11-13).