Tulurando Rasulu
Pobetekino Gau
Boku Tulurando Rasulu yahoo boku ko'orua ari niburino i Lukas, pe'ompuno boku Lele Mohende da ari niburino. Ihino die boku yahoo tulurano hapa da ari niweweundo ana guruno i Yesus pewanguno mbule mebinta hai matea kai moleka hai suruga. Patuduno die boku yahoo kai tuluraa ki kana'umpe ana guruno i Yesus, da kinuasaino Sangkoleono Alata'ala, leleako Lele Mohende mekona Yesus « hai Yerusalem, naamo upu-upuo Yudea ronga hai Samaria dungku hai asa tapuno wita » (1:8). Die boku ko'ihiako tulura iso-isono da'a miano Ngkarasitee, metampu'u hai miano Yahudi, perumbuipo hai wonuando miano da sa'iaa Yahudi, kai pelueri dungku tewali agama da owose hai wita'ea.
Iso-isono, miano da parasaeaho koie Lele Mohende yahoo miano Yahudi (11:19). Sawali da me'a-me'alu miano Yahudi nando ehe parasaeaho koie Lele Mohende, yahomo kai pinokodungku na'ana hai miano da sa'iaa Yahudi (ontoo da teburi hai 13:45-46; 18:6; 28:28). Tempondo kongkosa ana guruno i Yesus hai Yerusalem, kando otuhio hicua miano da sa'iaa to Yahudi da parasaeahomo i Yesus, da'amo paraluu nunu'o luwu parentano nabii Musa (pasala 15).
Da me'alu saba hai boku Tulurando Rasulu yahoo pohedoano Sangkoleono Alata'ala da tudu kuasaihira miano mparasaea hai Yerusalem konaa oleo owose Pentakosta. Luwu kadadia da teburi die hai boku mentoda'anomo pohedoano Sangkoleono Apu Alla da sai mo'otu merongahira powawaino jema'a ronga hai laro boboto'ando miano mparasaea. Dahoo orua rasulu da saba ngkaida'a die hai tulura, yahoo i Petrus (pasala 1 – 12) ronga i Paulus (pasala 13 – 28).
Hai larono die boku, menteehanomo hi sando da'a mpeta'o ko'ira miano Ngkarasitee hai pomparentaano mokole'eano Roma.
Ihino boku
1. Pohedoando rasuluno i Yesus hai Yerusalem (pasala 1 – 7).
2. Lele Mohende pinasilele dungku wonua Samaria ronga Yudea (pasala 8 – 12).
3. Lako'ano i Paulus da lamoro me'asa (pasala 13 – 14).
4. Kongkosaa hai Yerusalem (15:1-35).
8. Lako'ano i Paulus hai Roma (pasala 27 – 28).