1 Korintus i

Sura ni Paulus paramulana nipakatuka todea nu Allata ri

Korintus

Popamulana

Sura ei nitulisika ni Paulus ri todea nu Allatala ri ngata Korintus. Ngata Korintus ei ngata ri propinsi Akhaya to nesua ri rara poparentaa nu mbagou bete Roma. Nadea ngaya kaparisayaa nu todea to natida ri ngata Korintus nangkajadika-ra nenomba ri karampua, pade nadea mbii inggu-ra nadaa.

Impia i Paulus natida ri Korintus sampae santongo kasaena pade ia-mo to paramulana nampopowole Kareba Belo ri tou-tou ri ngata ee (Suro-suro 18:1-11), nangkajadika nadea to Korintus namparisaya i Yesus tempo ee. Nipaleisipa ni Paulus ngata Korintus, naratamo sadua topeparisaya to napande nololita noparata lolita nu Allatala, sanga-na i Apolos (Suro-suro 18:24; 19:1). I Apolos ee nopatuduki bo nantulungi topeparisaya si Yesus ri ngata Korintus.

I Paulus notulisi sura ei apaa naria nitarima-na sura lako ri to Korintus nampekutana-ya. Pade nironge mbii-na topeparisaya ri ngata Korintus nombebili pade inggu-ra tado naowo. Naria mbii topepatuduki-topepatuduki to tado nakono narata ri ngata Korintus nangewa i Paulus pade nanguli bakote i Paulus ei tado suro nu Allatala mpuu. Sura ei nitulisi ni Paulus bona manconoi pepekutana-pepekutanara ee bo mopatuduki-ra bona mampawia inggu-inggu to tado masipato rapowia nu to namparisaya i Yesus.

Isi nu sura

Tabe (1:1-9)

Topeparisaya ri Korintus nombebili (1:10 - 4:21)

Pepatuduki ri toponcamboko (Pasal 5-7)

Pepatuduki nancambelai kondia to nipopenomba ri karampua (8:1, 11:1)

Poinggu nu bangkele to masipato ri rara posintobua todea nu Allatala (11:2-16)

Pangkondi roti bo panginu anggur pantora kamate ni Yesus (11:17-34)

Pampakule lako ri Inosa Gasa bo towe (Pasal 12-14)

Popasintobu doi mampangawa topeparisaya ri Yerusalem (16:1-4)

Tabe kaopuana (16:5-24)