KAYTAKU KA PAWLU AŊIICUM BE BATA
TIITU
Hûcukumahu hata êliibra'uye
Non ma Timootiw agam añool Pawlu ata di kâynenaku, Tiitu poop añoolool aahu a kugoroorem bugoroor banor, be kañaaŋaku katawool kulet di êliibray yata Bagawerabu, be koku di êliibray yata 2 Kôr 2:13; 7:13-14; 8:6, 16-17, 23; 12:18; Gal 2:1-3; 2 Tim 4:10). Pawlu naga Tiitu di êsukay yaaneyim Kreeta yagam aŋoomenooruwaaw âamak ammi di kasamaaku kaaneyim Mediteraniw ma asoh grîsiya yata bo, ma ajot bukanaku ka mbi kuga presbiteruyi ma kusoh sîgrisiyaasu sammi di mûsukamu maamu mata bo. Di kayta'uke Pawlu nanamulenool bukanaku kaalim kujoti ma kuga yahaanay yata sîgrisiyaasu. Ban nacecenool ma anamulenool wah wameeŋe wa mbi anamulen poop bûynenaabu kambom di êsukay yata Kreeta.