KAYTAKU KA PAWLU AŊIICUM BE BATA
PHILEMOŊ
Hûcukumahu hata kayta'uke
Philemoŋ oo âynenaaw ata êsukay yata Kolosu anebeem di buruŋabu bata Jesus di kaŋenaku kata Pawlu (Phim 19). Be baje kaasaaku kata bûynenaabu kâmeboorem di eluupay yatawool. Amiikeelaw atawool aaneyim Oneesimu oo ateyoom ma akay be Rooma ba ârimmi di kujukoor di Pawlu nanebej di buruŋabu bata Jesus di kaŋenaku katawool. Ban Pawlu naŋiic kayta'uke ma alhaw Philemoŋ ma añankiit Oneesimu ma ayaañuwool di eluupay yatawool non atiyool. Kañaaŋaku kata Oneesimu dôo deemom wahaw wajakum (Phim 11). Añakanaw aaneyim Aphiya (Phim 2), deeli ga oo agam apañoor Philemoŋ, Arkipu naga añooliil, aamom aganom annahaanaw ata grîsiya yata Kolosu (Kol 4:17). Âynaaw aahu agam êbrew aaneyim Tikiku oma asisemmi Oneesimu (Kol 4:7-9). Epaaphras (Phim 23) oo anaw agoroorum lhînŋa di grîsiya yata Kolosu. Be non ma ŋiicim di uyit waawu, Philemoŋ nagagam ban nawalhenool di humiikeelowutaahu, ña Oneesimu naga ban naga annahaanaw ata grîsiya yata Bereeya.