Conto ro ibara mab̄oha ndiha nika
22:1-14
(Luk. 14:15-24)
22
Isa nuntu walina d̄i dou mamboto kai conto ro ibara, 2 nggahi-Na, <<Karaja'an Saroga, ka'ada'ana b̄une conto ro ibara ake: Sab̄ua dou sangaji katu'una ndiha nika d̄i ru'u b̄a ana monena. 3 Sangaji ede kauna ada^dohona lao weha ao dou-dou ra unda mai d̄i ndihakai ede. Pala dou-dou ra unda ede wati ngawana mai d̄i ndihakai ede. 4 Edempara sangaji ede kauna lao wali ada^dohona ma kalai. Nggahina d̄i sia^doho: <Ngoapu d̄i dou-dou ra unda ede: Ngaha ro nono aka ndihakai wa'ura ka'ambi. Capi ro ana-ana capi nahu ma wancu mpore wa'ura sambele. Sara'ana wa'ura ka'ambi. Santa^be ta maira aka ndiha nikakai!> 5 Pala dou-dou ra unda ede wati kade'ena. Siad̄oho nalaoku aka karawikai ndai menana. Ma sab̄ua dou nalao aka omana, ma kalai nalao aka rawi ro usaha ndaina, 6 ro ma kalai walina wa'u ro letona ada sangaji ede, edempara ^boe ro hadena siad̄oho. 7 Wakatu ringa b̄a sangaji lampa rawi ede, sangaji ede nawancuku mbanina. Sangaji ede nggaduna tentarana ^dimahade dou-dou ma rahade ada^dohona ede ro ka'ana kota siad̄oho. 8 Sawa'u b̄a ede ou b̄a sia ada^dohona ro nggahina, <Ngaha ro nono d̄i hid̄i ndiha nikakai wa'ura ka'ambi, pala dou-dou ra unda wati patuna d̄i ru'u b̄a ndiha ake. 9 B̄ara ndedena laopu aka ncai-ncai bari ro unda kamboto podapu dou d̄imamai ara ndiha nikakai ake.> 10 Ndad̄i ada^dohona ede laona. Siad̄oho laona aka ncai-ncai bari, edempara kab̄oro sara'ana dou ra rumpana ta aka, dou ma taho ro dou ma da^bae. Nda^dina d̄i hid̄i nikakai ede b̄ini b̄a dou ma mai.11 Sawa'u b̄a ede sangaji ede lu'u tiona dou-dou ma mai ede. Eda b̄a sia sab̄ua dou d̄i woha ndiha ede ma wati kani ^baju ndihakai. 12 Edempara sangaji ede sod̄ina d̄i dou ede, <Cina, b̄uneku loamu lu'u ta ake kai wati kanimu ^baju ndihakai?> Dou ede wati loana cambe au-au. 13 Edempara sangaji ede nggahina d̄i ada^dohona, <Letopu ed̄i ro rima dou ake ro paki ca'aripu sia d̄i hid̄i ma rindi, ta aka ^dimawara nangi ro susa ro ncoki.
14 B̄a one mboto dou ra ou, pala sato'i mpa ^dika^dale.>>
Mab̄oha cola bea
22:15-22
15 Edempara dou-dou Farisi lao mafakana ^dingupakaina ncai ^diloakaina b̄ab̄u Isa kai sod̄i-sod̄i mpoa. 16 Edempara siad̄oho kauna lao anamori^dohona ro pila-pila dou kalompo Herodes laona aka Isa. Dou-dou ede nggahina d̄i Isa, <<Guru, madad̄oho mab̄adeb̄a one Ita dou ma rombo, Ita ma tei kai ma ntiri ro rombo ra kane'ekai b̄a Allah Ta'ala d̄i ru'u b̄a manusia. Kai wati kade'e ro wati ^batumu au ra nggahi b̄a dou makalai. B̄ara Ita wati ntanda kalaita dou. 17 B̄ara ndedena, tangoa to'ipu d̄i mada^doho, <Nggahi b̄a atoran agama ndaita, sab̄ua loaku cola bea d̄i Kaisar atao wati?> >>
18 Pala Isa nab̄adeku ade siad̄oho ma dab̄ae ede, ndad̄i nggahira Sia, <<Oe dou-dou munafik! ^Ba^bauku nggomid̄oho ne'ekaimu b̄ab̄u Nahu? 19 Teipu d̄i Nahu piti ra kani b̄a nggomid̄oho d̄i colakaimu bea?>>
Edempara siad̄oho mbeina d̄i Isa sab̄ua piti salaka. 20 So^di b̄a Isa d̄i siad̄oho, <<Gamba ro ngara cou ake?>>
21 <<Kaisar,>> cambe b̄a siad̄oho.
Edempara nggahi b̄a Isa d̄i siad̄oho, <<Nggara ndedesi, mbeipu d̄i Kaisar au d̄ipab̄ua mbei d̄i Kaisar ro mbeipu d̄i Allah Ta'ala au d̄ipab̄ua mbei d̄i Allah Ta'ala.>>
22 Wakatu siad̄oho ringana nggahi ro eli ede, siad̄oho ndad̄i mbora akana. Edempara siad̄oho tu'u wi'ina Isa.
Mab̄oha mori mbali sawa'u b̄a made
22:23-33
23 D̄i ainaina ede wa'u, pila-pila dou Saduki mai rakana Isa. Siad̄oho eded̄u kalompo dou-dou ma nggahi b̄a one dou ma wa'ura made wati ^dimamori mbali. 24 <<Guru,>> nggahi siad̄oho, <<Nabi Musa ngoa ro teina b̄une ake: Nggara dou mone namadesi ro sia wati ntauna ana, arina pab̄uaku nikana lab̄o dou siwe mbaru mboha ede, loakud̄u wara londo ro maina d̄i ru'u b̄a dou ma wa'ura made ede. 25 Pala waraku ntoina pidu dou sa'e ro ari^dohona ma ngge'e ta ake. Ma sasa'e nikana, edempara madena, kai wati ntauna ana. B̄a one sia wati ntauna ana, weina ede nika walina lab̄o kawaluna eded̄u ari rahina. 26 Ari rahina ede made rau ro wati ntauna ana. Lampa rawi ma sama ndad̄i rau lab̄o ari rahina ma katolukaina. Ndede ncau-ncau saraka d̄i ari rahina ma kapidukaina. 27 Cumpukaina dou siwe ede made rau. 28 D̄i wakatu dou ma made ^dikamori mbali, sapodakaina wei couku dou siwe ede? B̄ara wekina piduna ede nawa'ura nika lab̄o dou siwe ede.>>
29 Cambe b̄a Isa, <<Nggomid̄oho ma santuda podaku, b̄ara nggomid̄oho wati loamu ka'ao Kitab Suci ro kuasa Allah Ta'ala. 30 B̄a one wakatu kamori mbali dou ma made peade, siad̄oho wati d̄imanika ro wati ^dikanika, malaisi siad̄oho namori b̄une mala'eka d̄i saroga. 31 Sab̄ua watipu rabaca b̄a nggomid̄oho au ra nggahi b̄a Allah Ta'ala mab̄oha dou mamade ^dikamori mbali? Nggahi Allah Ta'ala, 32 <Nahuku Allah Ta'ala b̄a la Ibrahim, Ishak ro Allah Ta'ala b̄a la Yakub.> Allah Ta'ala ede laina Allah Ta'ala ra nemba b̄a dou mamade, Sia Allah Ta'ala ra nemba b̄a dou mamori!>>
33 Wakatu ringa b̄a dou mamboto ede nggahi ro eli Isa, siad̄oho nawancuku sana adena ringa ngoa ro tei b̄a Sia ede.
Parenta ma penti poda
22:34-40
34 D̄i wakatu dou-dou Farisi ringana b̄a one Isa nawa'ura kandad̄ina dou-dou Saduki wati loana nggahi au-au wali, siad̄oho kab̄orona weki. 35 Sab̄ua dou d̄i ade weki siad̄oho, eded̄u ahli Taurat, sia cobana b̄ab̄u Isa. Ro sod̄ina d̄i Isa, 36 <<Guru, parenta ma b̄eku ma ipi penti d̄i ade Hukum Taurat?>>
37 Cambe b̄a Isa, <<Meci ro ca'upu Allah Ta'ala, Rumamu kai more ademu, kai samenana nawa ro sarumbumu ro kai sara'a fiki ro kananumu. 38 Edeku parenta ma ipi penti ro ma wancu penti! 39 Parenta ma ka^duakaina ma sama lab̄o parenta ede: Meci ro ca'upu sasamamu manusia b̄une nggomi meci ro ca'umu sarumbu ndaimu. 40 Sara'a Hukum Taurat ra mbei b̄a Nabi Musa ro ra ngoa ro tei b̄a sara'a nabi fu'una wara d̄i ade d̄ua mbua parenta ede.>>
Mab̄oha Al Masih eded̄u Sangaji Makasalama
22:41-46
41 Wakatu dou-dou Farisi mbuipu kab̄orona weki ta ede, sod̄i b̄a Isa d̄i siad̄oho, 42 <<^Buneku kananu b̄a nggomid̄oho mab̄oha Sangaji Makasalama? Sia londo ro mai cou?>>
<<Londo ro mai la Daud,>> cambe b̄a siad̄oho.
43 <<Nggara ndedesi,>> sod̄i b̄a Isa, <<^Ba^bauku la Daud ra kuasakai b̄a Roh Allah loakaina pehe Sangaji Makasalama ede <Rumana?> B̄ara la Daud manggahi,
44 <Allah Ta'ala manggahi d̄i Rumaku:
dohopu d̄i sa^bae wana-Ku,s
sampe Nahu makandad̄ina dou-dou ma musu Nggomi, oko ro dahu d̄i Nggomi.>
45 Ndad̄i, nggara ndai la Daud mapehe Sangaji Makasalama ede <Ruma>, b̄uneku loana Sia londo ro mai la Daud?>>
46 Wati wara kone sab̄ua dou rau ma loana cambe au ra sod̄i b̄a Isa ede. Ro tampu'u ainaina ede, wati wara ma disa wali sod̄i au-au d̄i Isa.